Toro amaroka su ton yiuno nemoro ma'no ma'no yodowado tonyuno tov kwimo'nokaikono. Toro te nemoro ma'no ma'no sajuuwo tonyuno tov a'mwo su tekwoji iwago romiyo'mno gamoro kulako tovi kwa'dalo bwotonyo kwiyopekono. Toro tekwo nevu ilaiyo amwalaneyokwe tovino kirumwallo'mo danyu'nyuwuulo ton subwosunokaikono. Aki toro toolluro kwa'dalo amaroka tovida'ai nevu ma'no ma'nodokwe tonollu nekullukulodowodonogano.
Luuk 23:16 - Gooti Toolluro Yogalokwono16-17 Toro te nuvu a'mwo su toollu movagu'mwojo'mi nomollurolowapimekono.” Kuudokaikono. အခန်းကိုကြည့်ပါ။ |
Luuk 23:16
9 ပူးပေါင်းရင်းမြစ်များ
Toro te a'mwo abolo su tonyomno Pailatol Barabasollu surolowapiyokaikono. Toro irolowapino sumaiyokwe Jisasollu wuulo tokwe agunyukuurumollupureyokwe a'mwo mollurogudo pworai amorubweyokaikono. Toro me'no gunyukuurumolluno sumaveyokwe Jisasollu i'noguropte tovi movoromiyoguroptowoso'moneyokwe amogaibworomokavlavopekono.
Toro te Pailatol a'mwo kwolallo tonyu ilaiyo igollo'moneyokwe Barabasollu surolowapiyokaikono. Toro irolowapino sumaiyokwe Jisasollu wuulo tokwe agunyukuurumollupureyokweyo'mo a'mwo mollurogudo pworai amorubweyokaikono. Toro gunyukuurumolluno sumaveyokwe i'noguropte tovi nomovoromiyoguroptowosupino'moneyokwe amogaibworomokavlavoporogano.
Toro delowo'na'dopure toga Pailatol aki aiko te pugasalpuga aro kuudokaikono. “A'mwo akal burowo'nyo ma'no ma'no pasudo tov sokaldeyo? Aki a'mwo akal neya bolono'moneyokwe pasudo puru'monodo kuruv miyodowodo toollu so'mgonoma'mwakono. Toro tovino tov nuvu a'mwo su toollu movagu'mwojo'mi nomollurolowapimekono.” Kuudokaikono.
“Aki Gooti tool kemoro pasudo tooraino nojainyubworo'jokweyo'mo tov kevu a'mwo abolo punyuro pasudo tooraino majainyubwopinono. Aki kevu a'mwo abolo punyu jul'nyogalo maduubwepinono. Su tov aro tovinokwono. Gooti tool kev kugaikullu kuruv jul'nyogalo aval'no nodaikubweyo'jokwe tovinokwono. Aki kemoro ma'no ma'nodo tovuro kirumwallo tovi Gooti tool neya maikudukwopiyono'moneyokwe kevu a'mwo abolo tonyuro ma'no ma'nodo tovida'ai kirumwallo tovi neya domodukwopiyogaulo.
Toro kuudoka kuvi kuruv Poololno'gwowi aro kuudokaikono. “A'mwo kooti yogalo mollomwalokwe su tooro namino tov ma'no ma'nodo kurukweyoraldukoneyokwe tovino kooti yogalo madonakullumwa'juporogano. Toro kworo kuruv kuu'maiyo toru yasuwa'no iwago nakuromiyo'mno wuulo ameronakubwemwa'juporogano. Toro sumwa'jupo tov ilaiyo'maiyo. Navu a'mwo yasuwa'nodonalmaiyo. Toro kwonal kuruv kantri Roomda'ai kuunodonakono. Toro toonallu Roomda'ai pwonallubusuko neya amollonakumwalpuro. Toro tovino tov a'mwo kooti yogalo mollomwalokwe su tooro namino tov yiulo tomuu'aro modovomjapiyano'moneyokwe adopiyamapo kuvi kuruv navu kaduko mwiyowosi yiulo tomuu'aro ku'nono mabolokwosunonakono. Toro kuvi kuruv a'mwo su tooro kevnokwero bopi wuulo killo'mo ago akavida'ai amollurolovonakwopipi toga'no'gwowi nokwo bolokwosunonakono.” Kuudokaikono.
ကြော်ငြာတွေ