Luuk 23:13 - Gooti Toolluro Yogalokwono

¹³ Toro te a'mwo aguto Pailatol pris mido mollomwalokwe toorogai'aro a'mwo aguto toorogai'aro a'mwo abolo togai'aro ton abi'bwo'nupureyokwe adomarokaikono.

Luuk 23:13 ပူးပေါင်းရင်းမြစ်များ

Kuuguudo Sugudo akav Makolluro sakwollokakwono Mak 15:14

Toro adelowo'naropo toorai Pailatol kuudokaikono. “Burowo'nyo ma'no ma'nodo tov soka toolluno romiyoguroptowosumonyudeyo?” Kuudokaikono. Toro wuujuno sumaiyokwe kwolallo ton aki aiko te deko guurejuno adelowo'nugoulapogano. “A'mwo su toollu i'noguropte tovi domovoromiyoguroptowosono!” Adelowo'nugoulapogano.

Luuk 23:35

Aki a'mwo abolo ton wobo toru bodavo'mno amuugonallajupogano. Toro kuvi kuruv Juu tooravuro mido mollomwalokwe toorono'gwowi Jisasolluno burolpakuto mollovakuro'mno aro kuudoporogano. “A'mwo akal a'mwo abolo punyuno'gwowi kwiyo'mwojajukekono. Toro tool Gooti toolluro wiyo'mwojo'moneyokwe ajesoka Krais kuunodo toolno'juki gavnokwe tekwo neya wiyo'mwoju'nono.” Adomuugonallajuporogano.

Luuk 24:20

Toro toollu nemoro pris mido mollomwalokwe tooro noromiyoso'moneyokwe Roomda'ai tooravuro ato tovi amorubwemwa'jupekono. Toro morubweno sumaveyokwe a'mwo su toollu i'noguropte tovi amovoromiyoguroptowosumwa'jupekono.

Joon 12:42

Nebal'no ajakwolloka kuvi kuruv a'mwo abolo togai'aro aki kemoro a'mwo aguto tooravuro pworogai'aro bwotonyago tono'gwowi Jisasolluno kuudo kuubweyajupogano. A'mwo aguto su tooro kuudo kuubweyajupo kuvi kuruv Farasi tooraino luko yodupudo tovino tov kemoro kuudo kuubweyajupo su tovino kuu'maiyo toru madodowiyoku'bworosunyajuporogano. Su tooro aro kuudo saullajuporogano. Farasi tooro nemi i'bwo'nyago tovida'ai kwa'mgu tomuu nobilomanekudukwopipiyokwe tovino kuudo yau'dupu luko sajuporogano.

Joon 18:38

Jisasol toro kuudoka tovi Pailatol aro samuugojokaikono. “Nebaikuuguudo adadokuudo su tov burowo'nyo yogalo tovino'mdeyo?” Samuugojokaikono. A'mwo aguto Pailatol toro yamuugojuno sumaiyokwe gami womdo kuullodowodo ago tovida'ai Juu tooraino aiko tomuuno kwa'mgu abolokwokaikono. Toro bolokwino sumaiyokwe aro kuudokaikono. “Nuu a'mwo akallu ma'no ma'no puru'monodo kuruv nonaguto toollu kwonoma'mekono.

Joon 19:4

Toro yodopure toga a'mwo aguto Pailatol a'mwo abolo kwa'mgu tomuu i'bwo'nodopure tonyomno aki aiko te bolokwino sumaiyokwe aro kuudokaikono. “Neya duu'nyulo. Nuu a'mwo toollu kamwoga senyubwo'mo kuvi kuruv a'mwo su tool ma'no ma'no puru'monodo kuruv miyo'mgonoma'mekono. Su toro tovino kevu kuudo neya youromapino'moneyokwe nuu a'mwo toollu kwa'mgu akamuuno aiko te nomogaibworomokalomonyugono.” Kuudokaikono.

Joon 3:1

To'no'gwowi a'mwo Farasi pwolluno yovo tov Nikoodimasolekono. Su tool Juu tooravuro a'mwo aguto pwekono.

Joon 7:26

Aki toro tool kuu'maiyo toru'no moruudoduke kwollu kuruv a'mwo aguto su tooro yogalo puru'monodo kuruv muudumwakoporogano. A'mwo aguto su tooro a'mwo akalluno aro kuudo jukiyau'mwakovo. Oo a'mwo su tool Gooti toolluro nekullo'mwojo'moneyokwe ajesoka Krais tooldeyo, su toro kuudo jukiyau'mwakovo oo miyouromallu jukimwakovo?

Joon 7:48

Kuudo neya jaullulo. Nevu mido mollomwalokwe toonogai'aro Farasi toorogai'aro toonolluda'ai pwolnodo kwol kuruv a'mwo su toolluno kuudo muubweyodowadonogano.

Kuurotokwe 13:27

Kuuguudo sugudo anekullaboka su tov Jisasollunokwono. Toro kuvi kuruv wagwolago Jeruusalemda'ai a'mwo abolo mwalodupudo togai'aro kemi a'mwo mido mollomwalokwe toorogai'aro ton kwolluno aro miworovomallajupekono. Oo nemi ma'no ma'nodo tovuro kirumwallo tovida'ai bomollurolovonekumokalokwiyo'moneyokwe amonekwopiyaboka tooldeyo. Miworovomallajupekono. Aki toro ton yiuwi'nokai Sabat toga i'bwo'nodupu proofet tooravuro kuuguudo ajakwollajupo tonyu kuu'nugovlaiyajupogano. Toro wuu'nugovla'mdupudo kun kuruv kavlo tonyuno miyouromallajupogano. Toro miyouroma'dupudo ton Jisasollu romiyoso'mo wino'mno kooti yogalo aduuwiyopekono. Toro aduuwiyopo tovida'ai, Jisasol neya bolonekono, adomduukuurosopogano. Toro adomdukuurosopo tovida'ai aiyoga proofet tooravuro me'no ajakwollopo ton kuvinono sumo'nopogano.

Kuurotokwe 3:17

Pital toro wuujuno sumaiyokwe aki aro kuudokaikono. “Miyobuuravoo, aga kuudo me'no sourekumakono. Kevuge'aro kemi mido mollekumwallokwe toorogai'aro togaikul kemi ikullo'mwojo'moneyokwe Krais tool Jisasol kwoldeyo, kuudo miyouromaro'mno kwollu kaiyako sugolopogaikikono.

Kuurotokwe 4:5

Toruda'ai iruko aikomguda'ai tollugwoji a'mwo aguto toorogai'aro Juu tooravuro mido mollomwalokwe toorogai'aro a'mwo loowo tovino pi'mwo kuudokwe toorogai'aro tooro wagwolago Jeruusalem tovi bo'mno abi'bwo'noporogano.

Kuurotokwe 4:8

Toro yamuugojodopure toga Gooti toolluro Kuullo toollu uumjunyo'moneyokwe kuudo tov Pitalluro poowokalago tovi aullo'mowopiyokakwono. Toro kuullo'mowopiyoduke toga Pital a'mwo aguto toorogai'aro Juu tooravuro mido mollomwalokwe toorogai'aro abi'bwo'nopo su toorai aro kuudokaikono. “Isuraiyolda'ai mido mollomwalokwe akarekul