Toruda'ai Jisasol Jeruusalemda'ai Gooti toollu ilomoropiyo'moneyokwe ago tovuro agwapto tovi kuulno sumaiyokwe sodubwosomollokaikono. Toro yodubwosumolloduke toga pris mido mollomwalokwe toorogai'aro loowo tovino pi'mwo kuudokwe toorogai'aro Juu tooravuro mido mollomwalokwe pworogai'aro tooro kwollomno aboporogano. Toro tooro bino sumaveyokwe Jisasollu aro kuudoganoporogano. “Gumoro jurogudo yodubwosomollodumdo akav adadokwe dukomolladokuuno? Aki ala'mwol, Nokwo mollubinokwono, agudokakwe jodubwosomolladokuuno?” Kuudoganoporogano.
Luuk 22:53 - Gooti Toolluro Yogalokwono53 Nuvu yiuwi'nokai iruko toga Jeruusalemda'ai Gooti toollu ilomoropiyo'moneyokwe ago tovuro agwapto toru kevuge mwalodum kuuguudo yodekubwasodumdonyugono. Su toro yodekubwasodore toga nokwo agalonumworaropujuko kworekul kuruv magalonumwora'dupudorekikono. Toro kuvi kuruv kuujo sumdo akallugwono'gwowi kemoro ato tovi aikuuwoso. Aki aga toga dugumdo tovuro jurogudo tov kemi mido mollekumwaloduke tovi uumjunodupu kuvi kuuno sumwakovo.” Kuudokaikono. အခန်းကိုကြည့်ပါ။ |
Luuk 22:53
20 ပူးပေါင်းရင်းမြစ်များ
Toruda'ai pris mido mollomwalokwe toorogai'aro Jeruusalemda'ai ilomoropiyo'moneyokwe ago tovida'ai mollurogudo tooravuro a'mwo aguto toorogai'aro Juu tooravuro mido mollomwalokwe toorogai'aro tooro Jisasollu nogalomwora'dopure toga a'mwo su toorai aro kuudokaikono. “Kevu mino tov, Kuuko pwekono, kuudo jukiyanuu'mwakovo? Toro toorekul a'mwo kuukokwe pwollu galomwora'dupudo to'busuko kubalno mi galonumworapino'moneyokwe kemi kwallu'mopto togai'aro gado togai'aro miyomno buro'nyo'mo domokailabadokwovo?
Aki Jisasol aro adokaikono. “Aga toga moro poowokalago tovi jul'nyo subwosunmwakono. Toro ibwosunodumdo toonyu aro muudumonyugono. “Nyunumiyagoloo, nuu tagunyo nyubwosunmiyokwe tovino guu nokwo bomollurolovonumokalokuubinekudeyo?” Awiyo. Nuu su toro ku'nono muudumonyugono. Aro tovinokwono. Nuu kwako akavi kwolabo tov tagunyo mi neya anyumo'noneyokwe tovino kwolabonyugono.
Toro moruujuno sumaiyokwe a'mwo aguto tooro Jisasollu galomworallo'mo puuto tovino a'mgono sajuporogano. Toro kuvi kuruv gami wimo'nyo'mo kuunodo toga yere mabai'mo'mduke tovino tov a'mwo su tooro yere magalomworallajupekono. Aki Jisasollu nogalomworallo'moneyokwe a'mwo pwolnodo kwol kuruv ato tokwe yere muubogai'nyajukekono.
Toruda'ai Farasi toorogai'aro Pris mido mollomwalokwe toorogai'aro tooravuro sumdomguda'ai a'mwo mollurogudo amorapiyopo tooro aikomgu aboporogano. Toro abopo su toorai Pris mido mollomwalokwe toorogai'aro Farasi toorogai'aro tooro aro kuudoganoporogano. “Kevu a'mwo su toollu mamokamapo tov buro'nyo'mo'mdeyo?” Kuudoganoporogano.
Toro te nuu a'mwo abolo su tonyomno amogwapimo tov aro tovinokwono. A'mwo abolo su ton dugumdo tomuu kuulomwalodupudogano. Toro tonyu gumoro kuuguudo yodubwasodo'bure tovida'ai kemoro sumdo ton delukuulludapiyo'bi bako tovi nokwo wonmwalpinogano. Toro ton Satanyolluro jurogudo tovi dolago tomuuda'ai birolo'nugolokwopi Gooti toolluro jurogudo tovi dolago tomuu nokwo kuulomwalpinogano. Aki toro ton mino kuudo anubwepi tovino tov nuu kemoro ma'no ma'nodo tovuro kirumwallo tovi modukwopiyo'mi Gooti toolluro a'mwo abolo kuunodo me'no ajesungiko nyumo'numwalpinogano.” Yogaimaguurai tov su toro anyudokakwono.” Kuudokaikono.
Kevu kuudo neya jaullulo. Nemi ikomago toorogai molo mujumovla'mdowado su tov nebal'no kulako tokwe yodowado'maiyo. Toro kuvi kuruv kwako akavuro dugumwuulo tomuuda'ai kuullo ma'no ma'nodo toorogai ingovla'mdowadokwono. Kuullo ma'no ma'nodo su toorai nevu sumdo mwonodowado kuvi kuruv kworogai molo ingovla'mdowadonogano. Kuullo ma'no ma'nodo su tooravuro pworo kwako akavi mido mollomwalokwe imo'nodupudorogano. Aki pworo yovo agutokwe imo'nodupudorogano. Aki pworo jurogudo kuunodokwe imo'nodupudorogano. Kuullo ma'no ma'no sulugumdo tovi muunyu tomuu mwalodupudo su toorogai molo ingovla'mdowadonogano.
Kuudo neya jaullulo. Nevu dugumwuulo toolluro mido mollomwalo tovi dolago tomuu mwalodowore tonollu Gooti tool me'no abomollurolovonekumokalokwokaikono. Toro bomollurolovonekumokalokwino sumaiyokwe gamoro Kwolaiyo kalo buuropino winodowodo tekwojuro aguto kig mido mollomwalo tovi dolago tomuu me'no aulomonekumwallokanogano.
ကြော်ငြာတွေ