Luuk 22:36 - Gooti Toolluro Yogalokwono

³⁶ Toro kuudopo tovi Jisasol kuudokaikono. “Toro kuvi kuruv aga'no'gwowi a'mwo pweku nuugwipweyo kurukweyonyudeyo adubi tov neya domokavlavono. Aki guu kuto kuruv kurukweyonyudeyo adubi tov neya domokavlavono. Aki guu molo'mo kwallu'mopto tov nonagutonyudeyo adubi tov gumi youro ton maket woso'bi molo'mo kwallu'mopto puul neya dobiyomarono.

Luuk 22:36 ပူးပေါင်းရင်းမြစ်များ

Matyuu 10:10

Aki kevu novlaiyo'mo kuto puruv mamokavlapinono. Aki kevu youro puruvalo'mdeyo oo suulpweyo'mdeyo oo yodeko'mdeyo ton mamokavlapinono. Su tov aro tovinokwono. A'mwo pwol a'mwo abolo punyuro womdo tovi kwiyo'ji tov a'mwo abolo su ton a'mwo toollu neya uubimwalpinekono. Gamoro wosamujuko nonugovlaiyo'moneyokwe togai neya uubimwalpinekono. Noonyumwonyu pun mamokavlapino tov su toro tovinokwono.

Luuk 22:35

Jisasol toro wuujuno sumaiyokwe gami uumjunyokwe toorai aro kuudokaikono. “Sumdomgu moro womdo tovi imwalpino'moneyokwe kemi amodekwapiyo toga aro aikudonyugono. “Kevu nuugwipweyodeyo oo kutodeyo oo suulpweyodeyo togai mamokavlapinono.” Toro modekwapino sumoneyokwe kevu moro womdo tokwe amollomollopo toga noonyumwonyu su tonyuno supto sajuporekuldukono?” Toro kuudoganoka tovi aro kuudoporogano. “Awiyo, supto miyajuwonogano.”

Luuk 22:37

Su toro tovino aro ikudumo'mokwono. Gooti toolluro yogalo numino sakwollungiko puruv suuwiyo neya imwojonokwono. Yogalo su tov arokwono. “A'mwo ma'no ma'nodokwe pwollubusuko kaiyako sugolopekono.” Mino yogalo sakwollungiko su tov wobo toga suuwiyo imwojono'mokwono.” Kuudokaikono.

Luuk 22:38

Jisasol toro kuudoka tovi aro kuudoporogano. “Agutoloo, doonono. Nevu molo'mo kwallu'mopto puusal amworakuuwono.” Kuudoporogano. Toro kuudopo kuvi kuruv Jisasolno'gwowi aro aduumjukurokaikono. “Mekono.” Aduumjukurokaikono.

Joon 15:20

Kevu moro yogalo aikudumo tovino kuudo nyallulo'gwonmwalpiyo. Yogalo su tov arokwono. A'mwo ki'nato womdokwe pwol gami a'mwo aguto toollu muunyu toru'aro muuwolo'mdowodekono. Aikudumonyugono. Toro te a'mwo abolo ton numi kaiyako yanyugolodupudo tovino tov kev kworekullu kuruv kaiyako aval'no nyaikullugolmwalpinogano. Aki a'mwo abolo su ton moro yogalo tovi muumjunodupudogano. Toro to'busuko kubalno kev togaikulluro yogalo kunyu kuruv aval'no muumjunpinogano.

Joon 16:33

Toro te moro yogalo aikudumo su tov aro tovino'mokwono. Kevu mi nuguro'mwonyodupudo toorekul sumwoluko kavo to'no nokwo wosunmwalpinorekikono. Toro kworekul kuruv kwako akavi kuuno amwalpi toga jul'nyo tagunyo bwotonyago ton noma'mwalpinorekikono. Toro amapi kuvi kuruv nuvno'gwowi yiuwi'nokai kwako akavida'ai jurogudo tonyu me'no kuuwolovonyugono. Toro tovino tov kemi poowokalago ton jurogudo nokwo jumo'nogaulo.” Kuudokaikono.

1 Tesaloonaika 3:4

Sumdomgu nevu kevuge kuuno amwallajuuwo toga aro me'no aikujajuwonogano. “Nevu yiuwi'nokai Jisasolluro a'mwo abolo tonollu tabunyuwuulo pun nobaneki'mopinonogano.” Su toro me'no aikujajuuwo kuvinono kevu tabunyuwuulo pun me'no ma'dupudogaikikono. Su toro tovino kevnokwe togaikul kuudo nyau'mwakovo.

1 Pita 4:1

Krais tool gamoro kulako tovi dado pun me'no amallajukekono. Toro to'busuko kubalno kev kugaikul kuruv kemoro kulako togai dado pun noma'mwalpinogaikikono. Toro tovino kevu neya jovrowosunogaulo. Kevu jurogudo imo'nyo'moneyokwe Krais toolluro kuudo saullajuko aval'nodo tomgu'aro neya jaurogaulo. Neya duu'nyulo. A'mwo pwol Krais toollu me'no uuguro'mwonyodowodo tovida'ai gamoro kulako tovi dado amaro'ji tool ma'no ma'no pasudo amjumelabiyajuko toorai me'no yuu'dapiyodowodekono.