Luuk 21:37 - Gooti Toolluro Yogalokwono

³⁷ Toruda'ai Jisasol yiuwi'nokai iruko toga wagwolago Jeruusalem tovi kuulodawo Gooti toollu ilomoropiyo'moneyokwe ago tovuro agwapto tovi anakuuto tomuu kuuguudo sodubwasajukekono. Toro kwol kuruv surakuuto toga'no'gwowi wagwolago su tovida'ai bolokwodowo muumuudo Oolipolo dodupudo tomuu ago puvi sa kwollajukekono.

Luuk 21:37 ပူးပေါင်းရင်းမြစ်များ

Matyuu 21:1

Jisaseke'aro gami uumjunyokwe toorogai'aro tooro Jeruusalem'no wobo toru bino sumaveyokwe wagwolago Betifejo tovi ai'movoporogano. Wagwolago Betifejo su tov Muumuudo Oolip toollu do'gwapiyo tomuu wo'dowodokwono. Toro tovi wobo toru ki'mo'mno sumaveyokwe Jisasol gami uumjunyokwe pworallu amorapiyokaikono.

Matyuu 21:17

Jisasol toro wuujuno sumaiyokwe wagwolago Betani'no aikomgu abolokwokaikono. Toro bolokwino sumaiyokwe surakuuto toga wagwolago su to kuvi sa kworokaikono.

Matyuu 26:30

Toro wuujuno sumaiyokwe ilomodomoropiyo'mo dato pullugwo adoporogano. Me'no juno sumaveyokwe wagwolago tovida'ai bolokwo'mno Muumuudo Oolip toollomno avlavoporogano.

Matyuu 26:55

Jisasol toro wuujuno sumaiyokwe toga kwolallo agalomworaropo su toorai aro kuudokaikono. “Kevu kuukokwe pwollu galomwora'dupudo to'busuko kubalno mi galonumworallo'mo toorekul mino tov, Kuuko pwekono, kuudo jukiyanuu'mwakovo? Aki toro toorekul kemi kwallu'mopto togai gado togai miyomno buro'nyo'mo domokailabadokwovo? Nuu kevuge Gooti toollu ilomoropiyo'moneyokwe ago tovuro agwapto toru yiuwi'nokai iruko toga yodekubwasodumdonyugono. Toro yodekubwasodore toga nokwo agalonumworaropujuko kworekul kuruv magalonumwora'mwa'juporekikono.

Kuuguudo Sugudo akav Makolluro sakwollokakwono Mak 11:12

Betani toru ki'mo'mno sumaveyokwe iruko aikomguda'ai tollugwoji wagwolago su toruda'ai bolokwino sumaveyokwe puuto tovi plavo'mno Jisasol mujuko kwinokaikono.

Kuuguudo Sugudo akav Makolluro sakwollokakwono Mak 11:19

Toruda'ai dugumdo kimwonyoduke toga Jisaseke'aro gami uumjunyokwe toorogai'aro tooro pumuu wollo'mo tooro wagwolago Jeruusalemda'ai abolokwoporogano.

Kuuguudo Sugudo akav Makolluro sakwollokakwono Mak 14:49

Nuu kevuge Gooti toollu ilomoropiyo'moneyokwe ago tovi yiuwi'nokai iruko toga yodekubwasodumdonyugono. Toro yodekubwasodore toga nokwo agalonumworaropujuko kworekul kuruv magalonumwora'mwa'juporekikono. Toro kuvi kuruv Gooti toolluro yogalo sakwollungiko puvi suuwiyo imwojo'mo tov kuvi kuuno sadokwovo.” Kuudokaikono.

Luuk 19:29

Jisaseke'aro gami uumjunyokwe toorogai'aro tooro ilno sumaveyokwe wagwolago Betifejokwe'aro wagwolago Betanike'aro tovallu wobo toru ai'movoporogano. Wagwolago su toval Muumuudo Oolip toollu do'gwapiyo tomuu wo'dubulovakono. Toro tovallu wobo toru ki'mo'mno sumaveyokwe Jisasol gami uumjunyokwe pworallu aro amodapiyokaikono.

Luuk 19:37

Toro lobiyosodopure toga Jisaseke tooro Muumuudo Oolip tomuuda'ai wolabo'mno puu'nyarojunyo wobo toru abwolai'movoporogano. Toro bwolai'mo'mno sumaveyokwe yiuwi'nokai kwolallo kuumjunyajupo ton Jisasolluro womdo jurogudo kuuduuwallajuko tonyuno ilaiyo sopogano. Toro ton yiuwi'nokai kwonyajupo su tonyuno kemi yogaimaguurai bwotonyo tokwe Gooti toollu sulomodomoropiyapogano.

Luuk 19:47

Jisasol toro wuujuno sumaiyokwe aki yiuwi'nokai iruko toga Jeruusalemda'ai Gooti toollu ilomoropiyo'moneyokwe ago su tovi anakuuto tomuu kuulodawo kuuguudo sodubwasajukekono. Toro yodubwasoduke tovino pris mido mollomwalokwe toorogai'aro loowo tovino pi'mwo kuudokwe toorogai'aro a'mwo yovo agutokwe toorogai'aro tooro wonodupu Jisasollu romiyoso'moneyokwe puuto tovino soureya'mgonyajuporogano.

Luuk 22:39

Toruda'ai Jisasol wagwolago Jeruusalem tovi bolokwino sumaiyokwe gami pasudo sajuko to'busuko kubalno subusu'nyogalo wuujo'mo tool Muumuudo Oolip toollomno avlavokaikono. Aki gamoro uumjunyokwe kworo kuruv uumjuno'mno muumuudo toollomno avlavoporogano.

Joon 12:1

Toro te Muunyu Toru'aro Surukuruwolovoka lubullu doto nobai'meyo'moneyokwe tov 6-pela iruko tobuul kuuno wo'duke toga Jisasol wagwolago Betani toru abai'movokaikono. Wagwolago su toru a'mwo Lasarosol mwalodowodorukono. Sumdomgu Lasarosol me'no aboloka kwollu kuruv Jisasol aiyo aiko te amodukavokarukono.

Joon 18:2

Womdo su towai Juudasol Jisasollu ikomago tooravuro ato tovi morubweyono su tool kuudo me'no souromallajukekono. Kuudo me'no souromallajuko su tov aro tovinokwono. Jisasol gami uumjunyokwe toorogai womdo su towai iruko bwotonyago toga su'bwo'nomwallajuporogano.

Kuurotokwe 1:12

Toruda'ai kuurotokwe tooro muumuudo Oolipolo dodupudo toollu kuugollu'movoporogano. Toro wuugollu'mo'mno sumaveyokwe wagwolago Jeruusalem'no aikomgu avlavoporogano. Toro tooro wan kiloomita toru'aro plavo'mno ai'movoporogano.