Luuk 21:12 - Gooti Toolluro Yogalokwono

¹² Toro kuvi kuruv yiuwi'nokai su ton yere mimo'nodopure toga a'mwo pworo kevu mino kuudo nubweyodopure toorekullu kaiyako nyaikullugolpinorogano. A'mwo su tooro galekumworaropi kooti yogalo daikullo'moneyokwe Juu tooravuro i'bwo'nyago tonyu galekumokaulapinorogano. Aki wuulo killo'mo ago tonyu merekumwallupinorogano. Aki toro toorekullu a'mwo aguto kig pworogai'aro a'mwo aguto gavona pworogai'aro tooravuro sumdollu toru kooti yogalo daikullo'mo nomekudapipinorogano.

Luuk 21:12 ပူးပေါင်းရင်းမြစ်များ

Matyuu 22:6

Aki pworo aguto kig toolluro ki'nato womdokwe su toorai galomwora'no sumaveyokwe kaiyako igolo'mno yiuno'no aromiyosoporogano.

Matyuu 24:8

Yiuwi'nokai tabunyuwuulo su ton muudu'nodogano. Su toro tovino yovekurajo puruv arokwono. Yiuwi'nokai tabunyuwuulo abai'mopi su ton abolo puruv kwolaiyo sumwolukokwe tov tuko muudu'no doudopiyabodowodo to'busuko kubalno yiuwi'nokai tabunyuwuulo su ton muudu'no bai'mopinogano.

Luuk 21:11

Su toro inodopure toga aki wunyu wunyu bwotonyo pun go'no go'nodo tomuu nobai'mopinogano. Aki go'no go'nodo tomuu muju'wuulo togai'aro nobolluwuulo togai'aro ton nobai'mopinogano. Aki sulugumdo muunyu kai'muuda'ai luko irugollo'moneyokwe aguto pun imo'nopi aki duuwallo jurogudo pugai'aro ton nyumo'nupinogano.

Joon 15:20

Kevu moro yogalo aikudumo tovino kuudo nyallulo'gwonmwalpiyo. Yogalo su tov arokwono. A'mwo ki'nato womdokwe pwol gami a'mwo aguto toollu muunyu toru'aro muuwolo'mdowodekono. Aikudumonyugono. Toro te a'mwo abolo ton numi kaiyako yanyugolodupudo tovino tov kev kworekullu kuruv kaiyako aval'no nyaikullugolmwalpinogano. Aki a'mwo abolo su ton moro yogalo tovi muumjunodupudogano. Toro to'busuko kubalno kev togaikulluro yogalo kunyu kuruv aval'no muumjunpinogano.

Joon 15:21

Aki a'mwo abolo kwako akavi mwalodupudo su ton moro Nyunumiyago amonuwopiyaboka toolluno kuudo miyau'dupudogano. Toro ton kevu mi numjunodupudo toorekulluno tov yiuwi'nokai kaiya'no pasudo su ton nyaikullugolmwalpinogano.

Kuurotokwe 22:30

Toro kuvi kuruv mollurogudo tooravuro a'mwo aguto tool Juu tooro Poololluno surodo kuunopo tovino kavlo tov yo'mgonomallo'mo kwinokaikono. Toro tool iruko aikomguda'ai tollugwoji Poololluro wuulo tov mollukwolapipino'moneyokowe gami mollurogudo toorai amodapiyokaikono. Toro toollu mollukwolapino sumaveyokwe a'mwo aguto su tool Pris mido mollomwalokwe toorogai'aro Juu tooravuro yiuwi'nokai kaunsel toorogai'aro tooro abi'bwo'nopureyokwe adomarokaikono. Toro doma'no sumaiyokwe a'mwo su tooro bi'bwo'nodopure toga Poolollu a'mwo su tooravuro sumdollu toru aulomolludapiyokaikono.

Kuurotokwe 5:40

Toro tooro a'mwo kuurotokwe toorai doma'no sumaveyokwe a'mwo mollurogudo pworai aro aduuwiyoporogano. “Kevu a'mwo kuurotokwe toorai wuulo togai dogalogunyukuurumollulo.” Toro duuwino sumaveyokwe a'mwo mollurogudo tooro kuvinono agalogunyukuurumolloporogano. Toro galogunyukuurumolluno sumaveyokwe kaunsel tooro kuurotokwe toorai aro aduuwiyoporogano. “Aga kevu Jisasolluno kuuguudo tov miyodubwasumwalpinorekikono. Aki kwolluno yovo kuvino kuruv milomoropimwolapinorekikono.” Toro duuwino sumaveyokwe surolowapiyoporogano.

Kuurotokwe 8:3

Toro sopo kuvi kuruv Soololno'gwowi Jisasolluro mollu'bwoto tonyu romiyebuuropiyo'mo kwinokaikono. Toro tool a'mwo abolo su tobuuravuro ago go'no go'nodo tonyu kuulodawo aulogalomallajukekono. Toro kuulogaloma'dowo wuulo killo'mo ago tovi amerosajukekono.

Kuurotokwe 9:4

Toro awopiyoka toga Soolol kwako tovi bwoloo'no sumaiyokwe yogaimaguurai puruv aro tovi kuu'nokaikono. “Soololoo, Soololoo, guu mi kaiyako sanyugolmwakudo tov buro'nyo'mekudeyo?”

1 Pita 2:13

Kevu Aguto toolluro ilaiyo winodowo'jure tovi uumjunyo'mo ikullunodowodo togaikul yiuwi'nokai gavman a'mwo aguto jesodupudo toorai kwako tomuu'aro neya duuwiyogaulo. Yiuwi'nokai a'mwo abolo tonyuro a'mwo aguto kig jurogudo bwotonyokwe tooldeyo oo

Adodolukuu'nosungiko 2:10

Neya duu'nono. Guu danyu'nyuwuulo pworo noma'binekugono. Toro ma'do'bure su tooraino luko nyubiyo. Satanyolluro womdokwe pworo kemoro kuudo uubweyodupudo tovi yamju ikulloganyo'moneyokwe kevu pugaikullu wuulo killo'mo ago tovi nomeraikubwepinorogano. Me'no meraikubweyopi iruko atousal tobuullu kaiyako yaikullugolodopure su toga danyu'nyuwuulo ton nyubwosunmwalpinogaikikono. Toro kuvi kuruv kemi kuudo uubweyodupudo tovi buulo nuugunyumopimwalpiyo. Kemi romiyaikubweyo'mo yodopure kuga kuruv guureji to'no gudupolaropi resis tovi kuuwolopi togaikullu nuu mubiyo tov aiyo yiunokuudo mujomwekovlaiyo'moneyokwe nekullamonyugono.