Luuk 20:11 - Gooti Toolluro Yogalokwono

¹¹ Aki womdo su tovi jukwo tool gami a'mwo ki'nato womdokwe pwollu aki aiko te amoropiyabokaikono. Toro amoropiyaboka toollu a'mwo womdo su tovi mollomwalokwe tooro iwago romiyo'mno kaiya'no yogalo wuujuno sumaveyokwe wogulo amodowo'galapiyopekono. Aki ikulsulo nonagutokwe toollu amodovomjapiyopekono.

Luuk 20:11 ပူးပေါင်းရင်းမြစ်များ

Kuuguudo Sugudo akav Makolluro sakwollokakwono Mak 12:4

Toruda'ai womdo su tovuro jukwo tool gami a'mwo ki'nato womdokwe gabovo pwollu aki aiko te amorapiyokaikono. Toro amorapiyoka toollu gamoro mido tovi kwa'dalo moluvomaro'mno kaiya'no yogalo wuujuno sumaveyokwe wogulo amodowo'galapiyopekono.

Luuk 20:10

Toro tool kantri manyu avlavoka tomuu mwalno sumaiyokwe ikulsulo tonyu nomuujo'moneyokwe toga gamiyo'mo tekwo anumokabwoneyokwe gami a'mwo ki'nato womdokwe pwollu aikomgu amoropiyabokaikono. Toro amoropiyaboka kuvi kuruv a'mwo ki'nato womdokwe su tool womdo toru abai'movoka toollu a'mwo amollomwallajupo tooro galomworaro'mno iwago aromiyopekono. Toro toollu ikulsulo nonagutokwe toollu amodovomjapiyopekono.

Luuk 20:12

Aki a'mwo jukwo tool aki aiko te pwollu amoropiyabokaikono. Toro amoropiyaboka toollu kwa'dalo moluvomaro'mno amovomjapiyoporogano.

Kuurotokwe 7:52

Aiyogasuro kemi tellukweyago su tooro yiuwi'nokai Gooti toolluro proofet sumo'nugelabiyajupo kworai kuruv kaiyako sugollajuporogano. Yiuwi'nokai Gooti toolluro proofet pwolno pwolnodo toorai kaiyako toro sugolmelabiyajuporogano. Proofet su tooro aro amoruudomollajuporogano. “Gooti toolluro Sugudo Kuunodo tool nobwonekono.” Toro moruudomollodopure kworai kuruv kemi tellukweyago tooro aromiyosajuporogano. Toro kuvi kuruv aga'no'gwowi Gooti toolluro Sugudo Kuunodo amoruudomollajupo su tool me'no abokaikono. Toro aboka toollu kevu buulo uugunyumopiyo'mno aromiyosopekono. Toro te aga kevu kwolluro romiyosokwe wimo'nodupudorekikono.

1 Tesaloonaika 2:2

Nevu kemi yere mabekuru'ma'dowore toga sumdomgu wagwolago Filipai toru abomwalowonogano. Su toro bomwalodowore toonollu a'mwo Filipaida'ai pworo danyu'nyuwuulo pun nekubweno sumaveyokwe kaiyako sanekullugoloponogano. Su toro sanekullugolopo tovino kevu me'no wuu'nodupudogaikikono. Ikomago tooro kaiyako toro sanekullugolopo kuvi kuruv Gooti toolluro kuuguudo sugudo tokwe kemi ikujo'moneyokwe tovino luko miyowonogano. Toro kwonol kuruv Gooti toolluro jurogudo nekubweyoduke tokwe kemi akuuto toru bomwalno sumawoneyokwe kuuguudo sugudo su tokwe guureji aikujajuwonogano.