Luuk 2:7 - Gooti Toolluro Yogalokwono

⁷ Toro te Mariyav gami kwolaiyo sujuraiyo toollu somarokakwono. Toro yoma'no sumaiyokwe kwolaiyo muudoga toollu youro tokwe pweyo moweyomguroso'no bookis puvi amollurosokakwono. Bookis su tov buulmokau pworavuro wosamujuko ton woso'moneyokweyokwono. Kwolaiyo muudoga su toollu bookis tovi amollurosoka tov aro tovinokwono. A'mwo bomwallo tooro sa wollo'moneyokwe ago adovarojungiko tonyu me'no sutowopiyopo tovinokwono.

Luuk 2:7 ပူးပေါင်းရင်းမြစ်များ

Muuduko 42:27

Toro plaino sumaveyokwe sa wollo'moneyokwe towai ai'movoporogano. Toro ki'mo'mno sumaveyokwe a'mwo su todorotaida'ai pwol gami doonki toollu wit sulo pun wuudaluviyo'moneyokwe gami kuto tovida'ai kuudaluviyokaikono. Toro wuudaluvino sumaiyokwe gami nuugwiyo adukwopiyoka ton kuto tovi aiko te muna'duke kwonokaikono.

Muuduko 43:21

Toro toonol wosamujuko ton me'no mubiyomworarowono aikomgu mokavlavowono puuto tomuu kworowonogano. Toro kworowo towai nemi kuto tonyu ikwolapiyowono yiuwi'nokai go'no go'nodo toonolluro yiuwi'nokai nuugwiyo adukwopiyowo ton nemi kuto tonyu muna'duke kwonowonogano. Nuugwiyo su ton a'mwo toolluro amullonekubwemoka'mdeyo tov kuudo maiyonogano. Toro te nuugwiyo su ton aikomgu ikullabiyo'mo amokamawonogano. Aki wosamujuko pugai'aro mubiyo'mo nuugwiyo muuduko pugai'aro togai amokamawonogano.” Kuudoporogano.

Da'buukiyo 22:6

Mino tov, A'mwoldeyo, kuudo miyanuu'dupudekwonyugono. Toro kuvi kuruv yiuwi'nokai a'mwo abolo ton avluko pwekwonyubusuko mebweyogalo nyudodupu suroguudo yanuu'dupudonyugono.

Mollurolovomato 4:24

Gooti Yawel toro wuujuno sumaiyokwe Mooseseke tonumdoto Ijup'no avlavopogano. Toro tonumdoto kuuno plaino sumaveyokwe puuto tomuu kworopogano. Toro wo'dopure tomuu Gooti Yawel Moosesollu buuru'ma'no sumaiyokwe romiyoso'mo kwinokaikono.

Aisaiya 7:14

Toro te Gooti Yawel gavnokwe tool aro ikuduuwallodowo'jure tovi wonpinogaikikono. Abolo sujuraiyo puruv a'mwo pweke sumwonyo miyodubulo tov kwolaiyo sumwoluko imo'nonokwono. Toro imo'nowo'ji kwolaiyo somaro'ji toolluno yovo tov Imanyuuwelolo mullowaronokwono.

Matyuu 1:25

Toro amaroka kwol kuruv abolo tov kwolaiyo toollu yere miyoma'duke toga sumwonyo miyajulekono. Toro kuvi kuruv yiuno kwolaiyo toollu me'no somaroka toga'no'gwowi sumwonyo solovakono. Toro te Joosepol kwolaiyo toolluno yovo tov Jisasolo amullowarokaikono.

Matyuu 13:55

Toro yajuno'mno biyolyogalo aro aduu'mwojopogano. “Oo nevu kuudo nyau'mwakuuwono. Su tool yiuno a'mwo ago mojokwe toolluro muugunyo tekwogano. Aki gami ganeyago tov Mariyavurekono. Aki gami gagwai'yago tooro Jemseke'aro Joosepeke'aro Saimooneke'aro Juudaseke'aro todorotogano.

Matyuu 8:20

Toro abuudoka toollu Jisasol aro kuudokaikono. “Kuullujuluko fooks tooro noulomwallo'moneyokwe buuso ton kurukwerogano. Aki sulugumdo tovida'ai dokato tooro noulomwallo'moneyokwe kemi podo'ago ton kurukwerogano. Toro kuvi kuruv nuu A'mwo Kwolaiyo Kuunodo toonyuno'gwowi sa wollo'moneyokwe pumuu nonagutonyugono.” Jisasol toro kuudokaikono.

Luuk 10:34

Toro wino'no a'mwo su tekwojomno wino sumaiyokwe gamoro kwa'dalo tonyu munollo pugai'aro wain wonyo pugai'aro togai kimowoso'no pweyo amoweyosokaikono. Toro moweyosuno sumaiyokwe a'mwo Samariyada'ai gavnokweyolluro doonki amokavlaiyajuko toollu muunyu toru a'mwo su tekwoji sulomorumwallokaikono. Toro ilomorumwalluno sumaiyokwe woromollo'mo ago puvino amokavlavokaikono. Toro mokavla'mno sumaiyokwe woromollo'mo ago su tovi anakuuto tomuu pi'mwono aulomollomwalokaikono.

Luuk 2:6

Wagwolago su tovi ki'mo'mno sumaleyokwe kuulomwalolno kwolaiyo toollu yomallo'mo iruko tollugwo abai'movokakwono.

Luuk 2:8

Surakuuto su toga wagwolago Betelem tovi wobo toru gwo'gwo'womdokwe tomuu a'mwo sipsip duuwatokwe pworo kemi sipsip toorai amoduvomwallajuporogano.

Joon 1:14

Aki Yogalo su tool a'mwo kulakokwe sumo'nokaikono. Toro imo'nyuno sumaiyokwe nemi akuuto toru abwolomwalokaikono. Toro toollu Gooti toolluro yasuwa'wino sugumaluko tokwe'aro nebaikuuguudo tokwe'aro toval aiyowomno kuullo'mowopiyodowodekono. Aki toro tool Gooti Ganumiyago toolluro Kwolaiyo pwolnodo tookono. Toro toolluro jurogudo kuunodo tovi nevu me'no kwonowekono.

2 Koorin 8:9

Kevu nemi Aguto Jisas Kraisolluro yasuwa'wino sugumaluko tovino aro kuudo me'no yau'dupudogaikikono. Gooti tooke amwallajuko Krais tool noonyumwonyu bwotonyagokwe sumo'nyajukekono. Toro kwol kuruv kemi ikullo'mwojo'moneyokwe apoo'nyaiyo pwolbusuko sumo'nokaikono. Aki apoo'nyaiyo pwolbusuko sumo'noka su tov kevu muunyu kai'muuda'ai noonyumwonyu bwotonyagokwe neya imo'nupino'moneyokwe tovino'mokwono.

Galesiya 4:4

Toro kuvi kuruv Gooti toolluro ajesungiko tov kuvinono abai'movoka toga gamoro Kwolaiyo toollu kwolomoropiyabokaikono. Kwolaiyo kwolomoropiyaboka su toollu abolo puruv somaroka su tool Moosesolluro loowo tovi dolago tomuu abwollumo'nokaikono.