Luuk 2:48 - Gooti Toolluro Yogalokwono

⁴⁸ Jisasol toro yoduke toga gamoro kuunum kwolabolo teyaul kuuloonyuno sumaleyokwe mollolokurosi soleyaukono. Toro ino sumaleyokwe gami ganeyago tov aro kuudokakwono. “Kwolaiyoloo, guu akaro sadokuudo tov buro'nyo'mo donakulladokuuno? Gumi junumiyago tooke'aro nuuge'aro teyonaul gumino luko yodowol a'mgono bwotonyo saguu'mgonmwakuuwolo.” Kuudokakwono.

Luuk 2:48 ပူးပေါင်းရင်းမြစ်များ

Matyuu 12:46

Jisasol a'mwo abolo kwolallo tonyu kuuno moruudoduke toga Jisasolluro ganeyago tokwe'aro gagwai'yago toorogai'aro ton abai'movopogano. Toro ton Jisaseke kuuguudo jo'mo winodopure ton ago tovi kwa'mgu toru abodaiyajupogano.

Luuk 2:49

Toro kuudoka tovi Jisasol aro kuudokaikono. “Kev teyaukul numino buro'nyo'mo yiuwi'nokai tomuu a'mgono januu'mgonadokuulo? Mino tov, Oo gami Ganumiyago toolluro ago tovi doulomwallo, kuudo miyanuullu jukimwakulo?” Kuudokaikono.

Luuk 3:23

Toruda'ai Jisasol gamoro womdo muudu'no soka tov 30-pela kworomo tomgu'aro me'no kuuwolo'noka toga amollokaikono. Toro toolluno a'mwo abolo ton aro kuudo saullajupekono, Oo Joosepolluro kwolaiyoldeyo, kuudo saullajupekono. Aki Joosepol Heliyolluro kwolaiyekono.

Luuk 4:22

Toro kuudoka toolluno yiuwi'nokai a'mwo abolo ton ilaiyo to'no sulomodomoropiyapogano. Aki gamoro mago tovida'ai yiuwi'nokai yogalo sugumaluko lokaboduke tonyuno kuudo kwolallo yourukwapino sumaveyokwe aro sajunopogano. “A'mwo akal Joosepolluro kwolaiyekono. Toro tovino tov gamoro yogalo pi'mwono anekudadopiko su ton adadomgu'aro kuvinono dukonekudadopiyo?” Sajunopogano.

Joon 1:45

Aki Filipol a'mwo pwollu so'mgonomarokaikono. A'mwo su toolluno yovo tov Natanyolekono. Toro toollu yo'mgonoma'no sumaiyokwe aro kuudokaikono. “Nevu a'mwo pwollu me'no kwonoma'mawekono. A'mwo su toolluno aiyoga Moosesolluro loowo tovi puukwollo me'no ajakwollajukekono. Aki proofet kworo kuruv su toolluno puukwollo me'no ajakwollajupekono. Toro ajakwollajupo su tool Joosepolluro muugunyo Nasaretda'ai Jisasol kwekono.” Kuudokaikono.