Luuk 19:22 - Gooti Toolluro Yogalokwono

²² Toro kuudoka toollu a'mwo aguto tool aro kuudokaikono. “Guu ki'nato womdokwe akaiku kirovanyuvanyekugono. Guvnokwekujuro yogalo anyudumodo su tokwe gumi nomodagujurugolmekugono. Guu mino tov aro me'no yanuu'dumdekugono. Oo mi aguto tool womdo guureji imo'nallo'mo tovino dumuuroleyokweyoldeyo. Aki nuugwiyo mwosodowodo kumuuda'ai kuruv nuugwiyo ton ma'dowodoldeyo. Aki wosamuju'womdo pun maburaudodowodo tonyuda'ai wosamujukuto ton muloma'dowodoldeyo. Mino su toro kuudo me'no youronuma'dumdekugono.

Luuk 19:22 ပူးပေါင်းရင်းမြစ်များ

Matyuu 12:37

Toro adodowiyoku'bworosupi toga Gooti tool kemoro yogalo dodupudo tovi'aro gallainyubworowo'ji gamoro sumdo tovi sugudo nokwo wimo'nupinorekikono. Aki kemoro yogalo dodupudo punyuno'gwowi gallainyubworowo'ji nerekumwallonorekikono.”

Matyuu 22:12

Toro wonyuno sumaiyokwe aro kuudokaikono. “Ibwoto'nyoloo, guu kwolabolo yoma'nyo'moneyokwe youro po'dogalo toul mamollosumado tooku adadomgu'aro aulabumodekudeyo?” Kuudokaikono. Toro kuudoka tovi a'mwo su tekwo yogalo puru'monodo kuruv mado'no yiuno mago to'no amorowopiyokaikono.

Luuk 19:21

Su tov aro tovinokwono. Nuvu gumino kuudo me'no yaguu'dumdonyugono. Oo mi aguto tool womdo guureji imo'nallo'mo dumuurolo'mdowodoldeyo. Su toro tookujuno luko sonyugono. Aki guvu nuugwiyo mwosodumdo kumuuda'ai kuruv nuugwiyo ton ma'dumdekugono. Aki womdo pun maburaudodumdo tonyuda'ai wosamujukuto ton muloma'dumdekugono. Toro tookujuno kuudo sauronyugono. Mi aguto toolluro nuugwiyo tov yasuwa'no nyounapimiyo. Su toro tovino luko sonyugono.” Kuudokaikono.

Luuk 19:23

Toro tooku moro nuugwiyo agujabo tov benk puvi buro'nyo'mo mwosodumdekudeyo? Guvu nuugwiyo su tov benk tovi kwoso'bujuko'mno'juki nuvu nuugwiyo pugai'aro nokwo amaro'mujukonyugono.” Kuudokaikono.

Room 3:19

Kevu kuudo neya jaullulo. Moosesolluro loowo sakwollungiko ton yiuwi'nokai loowo su tovi dolago tomuu mwalodowado Juu tonollu danekullodowodokwono. Toro tovino tov yiuwi'nokai a'mwo abolo, “Oo nevu sugudonogano,” dodopure tonyuro mago tovi Gooti toolluro loowo tov uubuto'mdowodogano. Aki toro tovida'ai yiuwi'nokai a'mwo abolo kwako akavi mwalodupudo ton Gooti toolluro sumdo tovi jul'nyo kurukwe wimo'nodupudogano.