Luuk 18:22 - Gooti Toolluro Yogalokwono

²² Toro kuudoka toollu Jisasol wonyuno sumaiyokwe aro kuudokaikono. “Guu puvino supto kuuno sadokuuno. Mi neya donumjunono. Guu mi nonumjunyo'mo tooku aro ibinekugono. Gumoro yiuwi'nokai kuto ivito ton maket tovi neya doosono. Toro woso'bi nuugwiyo agubipi tov a'mwo apoo'nyaiyo tekwojai neya duumwodeyono. Toro uumwodeyogala'bi toga mi neya donumjunogawono. Toro tooku lukomgu Gooti toolluro ago toru sulomwalbi toga sugumaluko kuunodo pun noma'binekugono.” Kuudokaikono.

Luuk 18:22 ပူးပေါင်းရင်းမြစ်များ

Matyuu 19:21

Toro kuudoka toollu Jisasol aro kuudokaikono. “Guu puvino supto kuuno sadokuuno. Guu plavo'bi gumoro yiuwi'nokai kuto ivito su tonyu a'mwo pworo neya agubipuro. Su toro agubipi tonyuda'ai nuugwiyo tov momworaro'bi a'mwo abolo apoo'nyaiyo tobuurai neya duuwiyono. Guu su toro subi tooku lukomgu Gooti toolluro ago toru sulomwalbi toga sugumaluko kuunodo punyu noma'binekugono. Aki guu mi neya donumjunono.” Kuudokaikono.

Luuk 10:42

Toro kuvi kuruv guu kuudo yiuno puru'monodo tovino to'no neya jenyubworomarogawono. Mariya'gwowi kuudo puru'monodo su to kuvi me'no senyubworoma'mokakwono. Toro tovi navu nuumjukuroso.” Kuudokaikono.

Luuk 12:33

Toro te kevu a'mwo abolo apoo'nyaiyo supto yodopure pubuurai wiyo'mwojo'moneyokwe tov kevnokwe togaikulluro kuto ivito ton maket wosopi nuugwiyo amapi su tov apoo'nyaiyo supto yodopure su tobuurai neya duuwiyo'mwojogaulo. Kevu su toro supi togaikul muunyu kai'muuda'ai nuugwipweyo tonbusuko ton nomapinogaikikono. Su ton kaiyako yiunokuudo mi'nopiyo'moneyokweyogano. Aki Gooti toolluro ago muunyu kai'muuda'ai sugumaluko touso nomollu'bworosumwalpinogaikikono. Su toro amollu'bworosupi tousono'gwowi piyarupto mwolabupinogano. Gooti toolluro ago muunyu kai'muuda'ai sugumaluko su tousai kuuko pwolnodo kwol kuruv ku'nono maulowo'dolomaronekono. Aki toro tousai namdo kworo kuruv kaiyako mamollugolamopinogano.

Luuk 16:9

Aki nuu aro ikudumo'mokwono. Kevu kwako akavida'ai nuugwiyo kaiya'nodo togai a'mwo abolo punyu duuwiyo'mwojogaulo. Toro kwiyo'mwojupi su ton kemi ibwoto'nyo ikullumo'numwalpinogano. Kevu su toro kwiyo'mwojupi tov kemoro kwako akavida'ai nuugwiyo ton nyounopipinogano. Toro kuvi kuruv kevu aiyo yiunokuudo mujomwekovlaiyo'moneyokwe ago tonyu aulapi toga a'mwo abolo me'no wiyo'mwojodupudo su ton ilaiyo nomollekumapinogano.

Luuk 18:21

Toro wuujuno sumaiyokwe a'mwo tool aro kuudokaikono. “Nuu kula'nyo togada'ai yiuwi'nokai su tonyu kuvinono uumjungelabodumdonyugono.” Kuudokaikono.

Luuk 18:23

Toro kuudoka kuvi kuruv a'mwo su tool kuto ivito bwotonyagokwe toolluno tov yogalo su tovi wuu'nyuno sumaiyokwe kumjujo kulako moropiyo'no Jisasollu kuugollu'movokaikono.

Luuk 9:23

Aki Jisasol yiuwi'nokai toorai aro kuudokaikono. “A'mwo pwol numi numjunyo'mo kwino'ji su tool gavnokwelluro ilaiyo igollunyo'mo kuudo toorai neya yogallu'mowonekono. Yowo'ji gami i'noguropte tokwe momworarowo'ji mi neya numjunonekono. A'mwo su tool nobolmonyudeyo kuudo yaurowo'ji kwol kuruv neya anumjunono.

Filipai 3:13

Mi avalobuuravoo, nuu aro kuudo sau'mwakonyugono. Nuu Krais toolluro pasudo ton yiunokuudo yere mamoropimwakono. Toro kwonyu kuruv moro yiuwi'nokai sumdomguda'ai somjomwekovlaiyajo tonyuno aki aiko te gunyubwosumdo miyodumdonyugono. Toro kwonyu kuruv yiuwi'nokai lukomgu noma'mo tonyuno'gwowi nuu muugonaro'mi nomallo'moneyokwe kano kano pla'mdumdonyugono.

2 Pita 3:8

Kevu moro kalo buuropino nyunodowodo tobuurekul kavlo puru'monodo akavino kuudo nyallulo'gwonmwalpiyo. Kavlo su tov arokwono. Aguto toolluro sumdo tovi iruko pullugwonodo tollugwo wan tausen kworomo tobuulbusuko wimo'nodowodekono. Aki Aguto toolluro sumdo tovi wan tausen kworomo tobuul iruko yiuno pullugwonodo tollugwobusuko wimo'nodowodekono.