Luuk 18:10 - Gooti Toolluro Yogalokwono

¹⁰ “Farasi pweke'aro a'mwo takis nuugwiyo mallokwe pweke'aro tooral subusu'nyogalo wuujo'moneyokwe Jeruusalemda'ai Gooti toollu ilomoropiyo'moneyokwe ago tovino ilno sumaleyokwe aulomwalolorakono.

Luuk 18:10 ပူးပေါင်းရင်းမြစ်များ

Matyuu 10:3

Aki pworaino yovo tov Filipeke Batalamiyuuweke Toomaseke Matyuu'weke toorogano. Matyuu'wol takis nuugwiyo mallokwe pwekono. Aki Alfiyasolluro muugunyo Jemsekono. Aki Tadiyasekono.

Luuk 19:46

Toro ino sumaiyokwe aro kuudokaikono. “Gooti toolluro kuuguudo tovi aro sakwollungikokwono. Moro ago tov subusu'nyogalo kuulajo'moneyokwe agokwono. Moro ago tovino su toro neya adogapuro. Toro kuvi kuruv aga'no'gwowi a'mwo kuukokwe tooravuro yiulo kupuu'nallo'moneyokwe ago to'busuko aikullumo'nadopiyo.” Sakwollungikokwono.

Kuurotokwe 26:5

Toro me'no anuwonyajupo su tooro mino kuu'maiyo toru'no aro nokwo dodoluvagubwepinorogano. “Oo Poolol nevu Juu toonolluro Farasi pwekono. Farasi su tooro lootuu guureji yodupu nemi nekuuwolo'dupudorogano. Poolol Farasi su tooravuro pwekono.” Mino su toro nokwo dodoluvagubwepinorogano.

Kuurotokwe 3:1

Toruda'ai puga Pitaike Jooneke tooral subusu'nyogalo wuujo'moneyokwe Gooti toollu ilomoropiyo'moneyokwe ago tovino sulalorakono. Toro tooral sulato 3-kilook toga sulalorakono. Su toro toga subusu'nyogalo jo'moneyokweyogakono.

Filipai 3:5

Neya duu'nyulo. Mi nyuneyago tov sonumaroka toga 7-pela iruko tobuul me'no bawino sumaveyokwe iruko 8 tollugwoji moro lakulkulako tov amanyudovopokwono. Nuu Isuraiyolda'ai a'mwo abolo kuunodo tonyuro sanuwosunoponyugono. Toro toonyu Bejamenolluro iko tovasuda'ai abonyugono. Aki toro toonyu Hibruu a'mwo kuunodo pwonyugono. Aki Moosesolluro loowo tovi uumjunyo'moneyokwe tovino nuu Farasi pwonyugono.