Luuk 17:8 - Gooti Toolluro Yogalokwono

⁸ Gumi ki'nato womdokwe su tekwoji yogalo wuudubino to'gwowi arokwono. “Guu moro wosamujuko ton neya jovrovanubweyono. Yo'bi gumi youro togai po'dogalo molloso'bi numiyo'moneyokwe wosamujuko togai'aro wonyo togai'aro donumokabono. Aki nuu me'no anopimi toga guu wosamujuko togai wonyo togai nokwo nubinekugono.” Su toro wuudubinekono.

Luuk 17:8 ပူးပေါင်းရင်းမြစ်များ

Muuduko 43:16

Toro woloda'mdopure toga Joosepol gami gadai'yago toorogai kwolabopo Bejamenollu wono'no gami ago tovi mido mollomwalodowodo toollu aro kuudokaikono. “Guu a'mwo akarai momworaro'bi moro ago tovino domollubworomokwono. Toro tooro kuujunapto toga nuuge nomwalano'moneyokwe guu memeyorodeyo pwollu romiyo'bi dodovailono.” Kuudokaikono.

Luuk 12:37

A'mwo aguto tool aikomgu bowo'ji gamoro a'mwo ki'nato womdokwe tooro sa mworopi sogwollo kinodopure toorai abuuru'maro'ji toga womdokwe su tooro ilaiyo to'no ipinorogano. Nuu nebal'no ikudumo'mokwono. A'mwo aguto tool gamoro a'mwo womdokwe tekwojai su toro abwono'ji toga wosamujuko nupino'moneyokwe nomorumwallonekono. Me'no morumwallowo'ji a'mwo aguto su tool womdo yo'moneyokwe youro tov mollosowo'ji wosamujuko tokwe yado uumwodeyonekono.

Luuk 17:7

Aki Jisasol aro kuudokaikono. “Kemida'ai a'mwo pwolluro ki'nato womdokwe tekwo gumi womdo gujodowodekono. Toro tekwo kwako tovi ilsowiyaiyodowodoldeyo oo sipsip duuwato moduvomwalodowodoldeyo womdo su toro yodowodekono. Toro te a'mwo ki'nato womdokwe su tekwo womdo me'no yopiyowo'ji gami a'mwo aguto tookujomno aikomgu abwo'ji toga guu aro muudubinekugono. “Oo guu noluuleyo akawai yere bwolomwalo'bi wosamujuko pun donomwalono,” muudubinekugono.

Luuk 17:9

Aki gumi ki'nato womdokwe su tekwo gumoro yogalo tovi kuvinono uumjunodowo'jure toollu, “Nenyoo,” ku'nono muudubinekwogano.

Joon 13:4

Toro tool wosamujuko nomwalno sumaveyokwe ilodavo'no gamoro youro kumi'yago tov adowiyosokaikono. Toro dowiyosuno sumaiyokwe laplap tov gami muulo toru amogullosokaikono.