Luuk 17:27 - Gooti Toolluro Yogalokwono

²⁷ Noowalluro amwallajuko su toga a'mwo abolo ton lubullu doto yanodupu wain wonyo nodupu kwolabolo yoma'nodupu tono tono abomjumoullajupogano. Aki Noowal sip toollu kuullo'mo yoduke kuga kuruv kuuno abomjumoullajupogano. Noowal sip toollu auloka iruko su tollugwoji buuru'allako tov bo'no yiuwi'nokai a'mwo abolo su tonyu kaiyako amollounapiyokakwono.

Luuk 17:27 ပူးပေါင်းရင်းမြစ်များ

Muuduko 7:23

Toro te Gooti tool yiuwi'nokai kwako akavi amwallajupo tonyu kaiyako amollounapiyokagano. A'mwo abolo kugai'aro ibesa'aiyo allu kuulolo toorogai'aro kwako tovi mworogu'nomollodupudo kworogai'aro dokato toorogai'aro toorai aromiyebuuropiyokagano. Toro kuvi kuruv Noowalno'gwowi mabolokaikono. Toro tooke'aro yiuwi'nokai sip toollu aulomwalopo togai'aro ton yiuno ilaiyo to'no aulomwalopogano.

Muuduko 7:7

Toro te Noowaike'aro gami abolo tokwe'aro gami muugunyo toorogai'aro gami jaiyo togai'aro ton buuru'allako tov nomulegoukuuranekubweyo'jokwe sip toollu aulapogano.

Matyuu 22:30

A'mwo abolo me'no abollungopo ton lukomgu aiyo aiko te adukapi toga aki aiko te kwolabolo miyoma'nupinogano. Toro kun kuruv aiyo aiko te adukapi toga muunyu kai'muuda'ai ensel miyoma'nodupudo toorobusuko kubalno mwalpinogano.

Luuk 17:26

Nuu A'mwo Kwolaiyo Kuunodo toonyu aikomgu kwolami toga Noowalluro toga'busuko aval'no nyumo'nonokwono.

Luuk 17:28

Aki Lootolluro amwallajuko togasuro su tonyu kwimo'noka to'busuko kubalno aval'no nyumo'nonokwono. Lootolluro toga a'mwo abolo ton lubullu doto yanodupu wain wonyo nodupu kuto ivito biyoma'dupu aki kuto ivito tonyuda'ai nuugwiyo ma'dupu wosamuju'womdo buraudodupu aki ago ton mododupu tono tono abomjumoullajupogano.