Luuk 16:17 - Gooti Toolluro Yogalokwono

¹⁷ Sulugumdo tokwe kwako tokwe toval nyounopibullunovakono. Toro kuvi kuruv loowo to'gwowi yiuno puukwollo puru'monodo kuruv ku'nono miyounopiyonokwono.”

Luuk 16:17 ပူးပေါင်းရင်းမြစ်များ

Matyuu 5:18

Toro tovino nuvu nebal'no ikudumo'mokwono. Sumdomgu loowo tovida'ai yiuwi'nokai nyumo'nupino ton neya imo'nupinogano. Su toro me'no sumo'nupi toga'no'gwowi sulugumdo tokwe kwako tokwe toval kaiyako nokwo igolamo'nubullunovakono. Toro kuvi kuruv loowo su tonyu suuwiyo yere mimwojodopure toga'no'gwowi loowo tonyuro puukwollo puru'monodo kuruv ku'nono miyounopiyonokwono.

Luuk 21:33

Toro te sulugumdo tokwe kwako tokwe toval guureji mamjomwekovlavo'bullu kuruv moro yogalo to'gwowi yiunokuudo mujo'movla'mwalonokwono.” Jisasol toro kuudokaikono.

Room 3:31

Toro te nevu Jisasolluno kuudo kuubweya'ji toga Gooti toolluro sumdo tovi sugudo me'no wimo'nodowadonogano. Toro tovino tov nevu aro kuudo nyau'mwala'jo. Oo loowo tov womdo nonaguto tovino tov neya amodukwopiyano. Kuudo nyau'mwala'jo. Toro kuvi kuruv nevu Jisasolluno kuudo kuubweya'ji toga'no'gwowi loowo tovuro womdo tovi suwiyo guureji imwojonokwono.

1 Pita 1:25

Toro kuvi kuruv Aguto toolluro yogalo to'gwowi yiunokuudo mujo'movla'mwalonokwono.” Sakwollungikokwono. Toro te Aguto toolluro yogalo su tov gamoro kuuguudo sugudo me'no amodekumollopo su tov kurukwono.

2 Pita 3:10

Aguto toolluro wolabwono iruko tollugwo aro to'busuko imo'nonokwono. A'mwo abolo pun, “Oo kuuko tool nobwonoldeyo” kuudo miyau'dopure toga a'mwo kuuko tool bai'mo'mdowodekono. Su toro to'busuko kubalno a'mwo abolo ton kuudo miyau'dopure su toga Aguto tool nobai'mowonekono. Toro abai'mowo'ji toga sulugumdo tov uuwiyago bwotonyo ki'nowo'ji nyounopiyonokwono. Aki duko tov kuujo tooke'aro lobako tooke'aro sullugabwo togai'aro tonyu amonoso'ji toga noduuwiyopipinogano. Aki su toro toga kwako tokwe'aro kwako akavida'ai pasudo kworogai'aro kworo kuruv nyounopipinorogano.

Adodolukuu'nosungiko 20:11

Toruda'ai nuu sia kig wiya'jo aguto tovi kwononyugono. Aki sia kig wiya'jo su tovi muunyu toru Gooti tool nyulomwaloduke kwononyugono. Toro mwaloduke su toolluda'ai kwako tokwe sulugumdo tokwe toval lukado plavolno yiunokuudo sounopiyolovakono.

Adodolukuu'nosungiko 21:1

Toruda'ai nuu sulugumdo muuduko tokwe'aro kwako muuduko tokwe'aro tovallu kwononyugono. Kuudo neya jaullulo. Sulugumdo uumdo tokwe'aro kwako uumdo tokwe'aro toval me'no sounopiyolovakono. Aki soolwara kuruv me'no sounopiyoka tovino tov mworokakwono.

Adodolukuu'nosungiko 21:4

Aki Gooti su tool a'mwo abolo su tobuuravuro sumdo tovida'ai kumdaluko bwolodawodo tonyu nomollouropiyonekono. Aki bolnodo tokwe'aro kalo kalo'mo wuulo tokwe'aro kumda'wuulo tokwe'aro danyu'nyuwuulo tokwe'aro su tooro yiunokuudo younopiyopi mwo'movla'mwalpinorogano. Aro tovinokwono. Yiuwi'nokai uumdo su tooro yiunokuudo yovlapino tovinokwono.” Yogaimaguurai tov su toro adokakwono.