Luuk 16:16 - Gooti Toolluro Yogalokwono

¹⁶ Moosesolluro loowo tokwe'aro Proofet yogalo tokwe'aro su toval mujo'melabino mujo'melabino sumaleyokwe yiuno Joonol abillumo'noka toga'no sumwogapiyolovakono. Su toro sumwogapiyolo togada'ai aguto kig Gooti toolluro mido mollomwalo tovino kuuguudo sugudo tov moruudomollodupudokwono. Aki yiuwi'nokai tomuuda'ai a'mwo abolo ton aguto kig Gooti toolluro mido mollomwalo su tovi kuullo'moneyokwe guureji pwo'dolomokaullo'mo winodupudogano.

Luuk 16:16 ပူးပေါင်းရင်းမြစ်များ

Matyuu 10:7

Kevu su toro tonyomno avlapi toga aro neya domoruudomollogaulo. “Oo muunyu kai'muuda'ai aguto kig toolluro mido mollomwalo tov nobai'mowono'mo sadopiyo.” Domoruudomollogaulo.

Matyuu 15:11

Toro wuujuno sumaiyokwe aro kuudokaikono. “A'mwo pwolluro mago tovi buro'nyo buro'nyo wosamujukodeyo amano'ji su ton a'mwo su toollu Gooti toolluro sumdo tovi kaiyako mamollugolamo'mdupudogano. Toro kuvi kuruv a'mwo su toolluro poowokalago tovida'ai buro'nyo buro'nyo yogalo'mdeyo oo kuudo'mdeyo mago tovi'aro bolokwodopure su tono'gwowi a'mwo toollu kaiyako mollugolamo'mdupudogano.” Kuudokaikono.

Matyuu 21:32

Su tov aro tovinokwono. Wonyo Galuvollokwe Joonol bino sumaiyokwe kevu po'dogalo yomjomwekovla'mwalpino'moneyokwe tovino puuto tov me'no aikuduuwallokaikono. Toro ikuduuwalloduke kuvi kuruv kevu kuudo muubweyajuporekikono. Kevu kuudo muubweyodopure kuvi kuruv takis nuugwiyo mallokwe pworogai'aro kwonyalabolo pugai'aro tono'gwowi kuudo kuubweyopogano. Aki tono tono kuudo uubwemelabodopure tonyu kevu me'no amuugonallajuporekikono. Toro kuvi kuruv kevnokwe toorekulno'gwowi Joonolluro yogalo tovino kuudo uubweyo'moneyokwe tov miyouragunyumo'nyajuporekikono.” Jisasol toro kuudokaikono.

Matyuu 3:2

“Kevu Gooti toollomno kuudo jouragunyumo'nyulo. Muunyu kai'muuda'ai aguto kig toolluro mido mollomwalo tov wobo toga nobai'meyo'mo sadopiyo.” Amoruujajukekono.

Matyuu 4:17

Su toro togada'ai Jisasol a'mwo abolo tonyu kuuguudo aro amoruudomollajukekono. “Muunyu kai'muuda'ai aguto kig toolluro mido mollomwalo tov wobo toga nobai'mowono'mokwono. Toro tovino tov kevu Gooti toollomno kuudo neya jouragunyumo'nyulo.” Amoruudomollajukekono.

Matyuu 4:23

Jisasol yiuwi'nokai distrik Galili tomuu somollokaikono. Toro tomuu yomolluno yomolluno sumaiyokwe Juu tooravuro i'bwo'nyago tonyu kuulodawo kuuguudo sugudo tokwe amoruujajukekono. Kuuguudo sugudo su tov Gooti toolluro kig mido mollomwalo tovi dolago tomuu neya aulomwalpureyokwe tovino amoruujajukekono. Toro moruudomolluno sumaiyokwe a'mwo abolo tonyuro yiuwi'nokai judo'no judo'no nobollokweyodeyo oo suvlato nomuullugollokweyodeyo tonyu sukullajukekono.

Kuuguudo Sugudo akav Makolluro sakwollokakwono Mak 1:14

Toruda'ai Joonollu wuulo killo'mo ago tovi amerosopekono. Me'no merosuno sumaveyokwe toga Jisasol Galili'no aikomgu bo'no Gooti toolluro kuuguudo sugudo tokwe amodomollajukekono.

Kuuguudo Sugudo akav Makolluro sakwollokakwono Mak 1:45

Toro amodapiyoka kwol kuruv kuu'maiyo toru'no amoruudomollokaikono. Toro amoruudomolloka tovino tov Jisasol wagwolago puru'no kuullo'mo tool sugwonyu toru'no ku'nono maullajukekono. Toro kwol kuruv a'mwo tooro mamwalodopure tomuuno'gwowi amwallajukekono. Toro mwaloduke toollomno yiuwi'nokai tomuuda'ai tooro bodupu abuuru'mallajupekono.

Luuk 10:11

“Oo kemoro wagwolago tovuro sullukwako ton nemoro suvlo tovi amgu'mo'nakopo su ton aluvourokurosano. Toro aluvourokurosa'ji su ton kemi ma'no ma'no pasudo tovino kuu'maiyo wuuduuwallo'mokwono.” Dupinorekikono. Toro kuvi kuruv kevu aro tovino kuudo neya jaurogaulo. Aguto kig Gooti toolluro mido mollomwalo tov aga nobaiki'mowono'mo'mdeyo. Kuudo neya jaurogaulo.

Luuk 10:9

Wagwolago su tovi kuulomwalopi a'mwo abolo nobollokwe tonyu neya jukulogaulo. Aki aro neya wuudumwalpinorekikono. “Oo aguto kig Gooti toolluro mido mollomwalo tov aga nobaiki'mowono'mokwono.” Wuudumwalpinorekikono.

Luuk 16:29

Toro kuudoka kuvi kuruv Eburaiyamol kuudokaikono. “Gumi judai'yago tooro Moosesolluro loowo tokwe'aro proofet tooravuro puukwollo tokwe'aro su toval kurukwerogano. Su toro tovalluda'ai kuudo nokwo youromapinorogano.” Kuudokaikono.

Luuk 16:31

Toro kuudoka kuvi kuruv Eburaiyamol kuudokaikono. “Moosesolluro yogalo tokwe'aro proofet tooravuro yogalo tokwe'aro su tonyu muu'nupi tov a'mwo bwiyo adukawo'ji toolluro wuudodowo'jure kuvida'ai kuruv muu'nupinorogano.” Kuudokaikono.”

Luuk 9:2

Aki Jisasol aro amodapiyokaikono. “Kevu plavopi a'mwo abolo tonyu aguto kig Gooti toolluro mido mollomwallo tovi kuulomwallo'moneyokwe tovino domoruudomollogaulo. Aki toro toorekul a'mwo abolo nobollokwe tobuurai jukulmovlavogaulo.” Jisasol toro wuudo'no amorapiyokaikono.

Joon 1:45

Aki Filipol a'mwo pwollu so'mgonomarokaikono. A'mwo su toolluno yovo tov Natanyolekono. Toro toollu yo'mgonoma'no sumaiyokwe aro kuudokaikono. “Nevu a'mwo pwollu me'no kwonoma'mawekono. A'mwo su toolluno aiyoga Moosesolluro loowo tovi puukwollo me'no ajakwollajukekono. Aki proofet kworo kuruv su toolluno puukwollo me'no ajakwollajupekono. Toro ajakwollajupo su tool Joosepolluro muugunyo Nasaretda'ai Jisasol kwekono.” Kuudokaikono.

Joon 11:48

Nevu a'mwo su toollu wonyapino sa'ji tov yiuwi'nokai a'mwo abolo ton kuudo nuubwepinekono. Aki kuvinono kuubwepi to'gwowi Roomda'ai tooro bopi nemoro Gooti toollu ilomoropiyo'moneyokwe ago akavi nomouropipinorogano. Aki nemoro yiuwi'nokai kantri kurukwe'aro kaiyako nobomollounonekwapipinorogano.” Kuudoporogano.

Joon 12:19

Su toro toga Farasi kevnokwe tooro aro sajunoporogano. “Kevu doonyulo. Yiuwi'nokai a'mwo abolo kwako akavi mwalodupudo ton a'mwo su toollu kuumjunmwakovo. Toro kuumjunmwakopo su tonyu nevu ku'nono muumjukuranonogano.” Sajunoporogano.

Kuurotokwe 3:18

Kevu kuudo miyouromaropo kuvi kuruv Gooti toolno'gwowi Krais toolluro danyu'nyuwuulo ibwosunyo'mo tonyuno sumdomgu me'no souromarokaikono. Sumdomgu toro me'no youroma'dowodo tool lukomgu imo'nyo'mo tovino gamoro yiuwi'nokai proofet toorai uubweyoduke tooro amoruujajuporogano. Toro te lukomgu Krais toollu kwimo'noka su ton yiuno Gooti toolluro me'no ajajuko tomgu'aro to'no kwimo'nokaikono.