Luuk 14:33 - Gooti Toolluro Yogalokwono

³³ Jisasol toro wuujuno sumaiyokwe aki aro kuudokaikono. “Toro tovino tov kevu mi nuumjunpino'moneyokwe kemi yiuwi'nokai tonyu buulo neya duugunyumopiyogaulo. Toro kuvi kuruv kemida'ai pweku yiuwi'nokai tonyu buulo kuvinono muugunyumopibi su tookuno'gwowi moro numjunyokwe ku'nono manyumo'nubinekugono.” Kuudokaikono.

Luuk 14:33 ပူးပေါင်းရင်းမြစ်များ

Luuk 14:26

“A'mwo pwol mi numjunyo'mo kwino'ji su tool gami ganumiyago tooke'aro ganeyago tokwe'aro gami abolo tokwe'aro gami kwoloraiyo togai'aro gami gadai'yago gagwai'yago toorogai'aro gami jo'mwo togai'aro aki gavnokweyolluro aiyo mwalodowodo kurukwe'aro tonyu biyolo neya uu'mwojumwalonekono. Toro kuvi kuruv biyolo kuvinono muu'mwojo'ji to'gwowi moro numjunyokwe ku'nono manyumo'nonekono.

Luuk 14:32

A'mwo aguto kig su tool aro kuudo sauro'ji tov, Oo nevu a'mwo aguto gabovo su toollu ku'nono muuwolowanonoldeyo, su toro kuudo sauro'ji to'gwowi a'mwo aguto kig gabovo su tool manyu tomuu kuuno bodowo'jure toga gami a'mwo pworai yere neya modapiyonekono. Toro amodapiyo'ji su tooro plavopi adadomgu'aro sumwoluko noullo wosunano'mdukoneyokwe tovino a'mwo aguto kig gabovo su toollu neya wuudoganpinorogano.” Kuudokaikono.

Luuk 5:11

Toro wuujuno sumaiyokwe yiuwi'nokai tooro kemi boot tovake wonyo buugo wolo tovi aiko te avurebwo'maboporogano. Toro purebwo'mabino sumaveyokwe toga kemoro yiuwi'nokai kuto ivito tonyu yogallu'movo'mno Jisasollu kuumjunoporogano.

Luuk 5:28

Toro kuudoka tool gami yiuwi'nokai tonyu yogallu'mo'mno sumaiyokwe ilodavo'no Jisasollu kuumjunokaikono.

2 Timooti 4:10

Duu'nono. A'mwo Demasolo dodupudo tool kwako akavida'ai noonyumwonyu tonyuno kalo buuropino winodowodo tovino tov numi anyugollu'movokaikono. Toro nugollu'mo'mno sumaiyokwe wagwolago Tesaloonaika tomuuno me'no avlavokaikono. Aki Kresensol wagwolago Galesiya tomuuno me'no avlavoka tovino tov nuuge mamwallo. Aki Taitosol kwako Dalmesiya tomuuno me'no avlavoka tovino tov nuuge mamwallo.

Hibruu 11:26

Moosesol aro kuudo saullajukekono. Nuu Gooti toolluro ajesoka Krais toolluro yovo tovida'ai danyu'nyuwuulo ama'mi tov nokwo'mokwono. Krais su toolluro yovo tovida'ai danyu'nyuwuulo ama'mi su tov yiuwi'nokai kwako Ijupda'ai tovuro kuto ivito nuugwiyo tollovo amaro'mujuko su tonyu nuuwolowonokwono. Su toro kuudo sauroka tov aro tovinokwono. Moosesol Gooti toolluro mubiyo sugudo su tollovo lukomgu wiyodowo'jure tonyu kuvinono mallo'mo tovino sogwollo to'no ainyajukekono.