Luuk 14:28 - Gooti Toolluro Yogalokwono

²⁸ Kuudo neya jaullulo. Kemida'ai pweku agumi'ago puvi modumello'mo tooku sumdomgu wolomwalo'bi yiuwi'nokai ago su tovi modumello'moneyokwe tonyu mollu'bworoso'mo tooku kuudo po'dogalo aro yau'binekugono. Oo agumi'ago su tovi yiuno'no modopiyo'moneyokwe nuugwiyo tov supto imonyudukono oo nokwo'mo'mdukono? Sumdomgu su toro kuudo sovo'dogallau'bi toga'no nokwo modubinekugono.

Luuk 14:28 ပူးပေါင်းရင်းမြစ်များ

Matyuu 10:22

Kevu mi numjunodupudo togaikulluno tov yiuwi'nokai a'mwo abolo ton kemino surodo'mo ipinogano. Toro te kevu mi numjunodupudo togaikulluda'ai pwol mi buulo manyugunyumopiyo'mo tool numjunyuno numjunyuno yowo'ji yiuno abolo'ji toga'no so'ji su toollu lukomgu gavuge aiyo yiunokuudo mujomwekovlaiyo'moneyokwe tov Gooti tool nuuwiyo'mwojonekono.

Matyuu 8:20

Toro abuudoka toollu Jisasol aro kuudokaikono. “Kuullujuluko fooks tooro noulomwallo'moneyokwe buuso ton kurukwerogano. Aki sulugumdo tovida'ai dokato tooro noulomwallo'moneyokwe kemi podo'ago ton kurukwerogano. Toro kuvi kuruv nuu A'mwo Kwolaiyo Kuunodo toonyuno'gwowi sa wollo'moneyokwe pumuu nonagutonyugono.” Jisasol toro kuudokaikono.

Luuk 14:27

Aki a'mwo pwol gami i'noguropte tokwe momworarowo'ji mi manumjuno'ji su tool moro numjunyokwe ku'nono manyumo'nonekono.

Luuk 14:29

Guu sumdomgu su toro kuudo miyovo'dogallau'bi to'gwowi aro ibinekugono. Guu ago mojo'mo tooku kwako tovi ilso'bi sulo jurogudo pworo yere wolosabinekugono. Toro kweku kuruv nuugwiyo supto yo'bi sulo jurogudo toorai muunyu toru ku'nono mamodumelabinekugono. Toro tooku ago su tov mamodopiyodo'bure tookuji a'mwo pworo gwonopi burekakwo aro molloguvakupinekugono.

Luuk 14:33

Jisasol toro wuujuno sumaiyokwe aki aro kuudokaikono. “Toro tovino tov kevu mi nuumjunpino'moneyokwe kemi yiuwi'nokai tonyu buulo neya duugunyumopiyogaulo. Toro kuvi kuruv kemida'ai pweku yiuwi'nokai tonyu buulo kuvinono muugunyumopibi su tookuno'gwowi moro numjunyokwe ku'nono manyumo'nubinekugono.” Kuudokaikono.

Kuurotokwe 21:13

Toro kuudowo kuvi kuruv Poolol aro anekudokaikono. “Kevu mino buro'nyo'mo kumdo dodadokwovo? Kemoro kumdo adadokwopo tovi nuu ikuu'nodum kalo nonyunoduke kwonyu kuruv kevu manumjukupinogaikikono. Nuu wagwolago Jeruusalem'no plavo'mi ki'mo'mdo'mure toonyu wuulo tokwe agaleranbwepi tov nokwo'mokwono. Aki mi Aguto Jisasolluro yovo tovida'ai aromiyanubwepi kuruv nokwo'mokwono. Nuu su toro nonyumo'nono tonyuno luko miyodum kuudo me'no sovrowosunmwakonyugono.” Anekudokaikono.