Luuk 14:26 - Gooti Toolluro Yogalokwono

²⁶ “A'mwo pwol mi numjunyo'mo kwino'ji su tool gami ganumiyago tooke'aro ganeyago tokwe'aro gami abolo tokwe'aro gami kwoloraiyo togai'aro gami gadai'yago gagwai'yago toorogai'aro gami jo'mwo togai'aro aki gavnokweyolluro aiyo mwalodowodo kurukwe'aro tonyu biyolo neya uu'mwojumwalonekono. Toro kuvi kuruv biyolo kuvinono muu'mwojo'ji to'gwowi moro numjunyokwe ku'nono manyumo'nonekono.

Luuk 14:26 ပူးပေါင်းရင်းမြစ်များ

Matyuu 10:37

A'mwo pwol gami ganumiyagoldeyo oo ganeyago'mdeyo tonyuno kalo buuropino guureji winowo'ji kwol kuruv mino kalo buuropino guureji mwino'ji to'gwowi a'mwo su tekwo mi numjunyo'moneyokwe tov ku'nonodo'mekwomaiyo. Aki a'mwo pwol gami kwolaiyoldeyo oo taiyo'mdeyo tonyuno kalo buuropino guureji winowo'ji kwol kuruv mino kalo buuropino guureji mwino'ji to'gwowi a'mwo su tekwo mi numjunyo'moneyokwe tov ku'nonodo'mekwomaiyo.

Luuk 14:20

Aki pwol aro kuudokaikono. “Oo nuu nokwo abo'mujuko kwonyu kuruv abolo muuduko ama'mwa'jonyugono. Toro tovino tov nuu ku'nono mabumonyugono.” Kuudokaikono.

Luuk 14:25

Toruda'ai Jisasol nyomolloduke toga a'mwo abolo kwolallo bwotonyago ton kweke somollajupogano. Toro yomolluno sumaveyokwe Jisasol gunyubwosumdo morouno'no kwolallo su tonyu aro kuudokaikono.

Joon 12:25

Aki a'mwo pwol gavnokweyolluro kulako tovida'ai aiyo mwallo'mo tovino kalo buuropino winmwalonekono. Toro kwino'ji su tool aiyo yiunokuudo mujomwekovlaiyo'moneyokwe to'gwowi ku'nono mamaronekono. Toro kuvi kuruv a'mwo pwolno'gwowi gavnokweyolluro kulako tovida'ai aiyo tov biyolo to'no uu'mwojonekono. Toro kuu'mwojo'ji kwol kuruv aiyo yiunokuudo mujomwekovlaiyo'moneyokwe to'gwowi nomaronekono.

Kuurotokwe 20:24

Toro dodoluvanubweyodowodo tovino tov nuu aro kuudo yaullokwenyugono. Oo nuvnokwe toonyuno kuudo bwotonyo nyau'mwalmiyo. Aki mi aromiyanubwepi kuruv nokwo'mokwono. Nuu su toro tonyuno jul'nyo mibwosunodumdo kwonyu kuruv aro tovino kuudo kwolallo yourukwapiyokwenyugono. Oo mi Aguto Jisasolluro womdo anubweyoka tovi yiuno'no sopimi tov ilaiyo imonyugono. Mi Aguto toolluro womdo anubweyoka su tov arokwono. Gooti toolluro yasuwa'wino sugumaluko nekullabodowodo tovino kuuguudo sugudo tokwe moruudomollumwalmo'moneyokwenyugono. Mi Aguto toolluro womdo anubweyoka su tov torokwono.

Room 9:13

Kuuguudo adubweyoka su tov suwiyo sumwojokakwono. Su toro tovino Gooti toolluro yogalo puruv aro sakwollungikokwono. “Nuu Isoo'wollu molluduvolono gami gagwai'yago Jekoopolluno'gwowi kalo buuropino anyunokanyugono.” Sakwollungikokwono.

Filipai 3:8

Nebalokwono. Yiuwi'nokai kwako akavida'ai ton aguto manyumo'nodupudogano. Nuu mi Aguto Krais Jisasolluno kuudo youroma'dumdo su to'gwowi aguto kuunodo nyumo'nodowodokwono. Toro toonyu Krais toollu uumjunyo'mo nyunodowodo tovino tov yiuwi'nokai kwako akavida'ai tonyu wuugollu'mo'mdumdonyugono. Aki aga'no'gwowi noonyumwonyu kwako akavida'ai su ton yaiyo tonbusuko nyumo'nodupudo tonyuno tov yiuno biyolsumdo to'no uu'mwojodumdonyugono. Su tov aro tovinokwono. Nuu Krais toollu guureji gudupolallo'moneyokwe to'no nyunodowodonyugono.

Adodolukuu'nosungiko 12:11

Aki toro toollu Jisasolluro a'mwo abolo tobuuro me'no kuuwolovopogano. A'mwo abolo su tobuuro kwako akavida'ai mujomwekovla'mdupudo tovino biyolsumdo sajupogano. Toro yodupudo tobuuro kemoro bollo'mo kuvino kuruv me'no sovrowosunyajupogano. A'mwo abolo su tobuuro Sipsip Muugunyo toolluro mujako abwoloka tokwe'aro aki Krais Jisasolluno kuu'maiyo toru dodoluwosodupudo tokwe'aro tovalluro jurogudo tokwe Satanyollu me'no kuuwolovopogano.