Luuk 14:1 - Gooti Toolluro Yogalokwono

¹ Iruko Sabat pullugwoji Jisasol Farasi tooraida'ai mido mollomwalokwe pwolluro ago tovi wosamujuko aulonomwalokaikono. Toro kuulonomwalno sumaiyokwe a'mwo pworo Jisasollu po'dogalo somuugonallajuporogano.

Luuk 14:1 ပူးပေါင်းရင်းမြစ်များ

Matyuu 12:12

Kevu sipsip tekwojai wiyo'mwojo'mo su toro yodupudo kuvi kuruv a'mwo abolo tono'gwowi sipsip toorai uuwolo'mdupudogano. Toro tovino tov a'mwo pwol iruko Sabat toga womdo sugudo yo'mo winodowo'jure toollu loowo tov muumjuku'dowodokwono. A'mwo su tool womdo kuvi kuuno yonekono.” Kuudokaikono.

Kuuguudo Sugudo akav Makolluro sakwollokakwono Mak 3:2

Toro kuulomwalno sumaiyokwe a'mwo kuwai aulomwalopo pworo Jisasolluno mojokuu'noso'mo winodupudo tooro aro kuudo souromuugonaroporogano. Jisasol Sabat akaga a'mwo toollu ikulonoldukono oo mikulonoldukono? Souromuugonaroporogano.

Luuk 11:37

Jisasol kuuno wuudoduke toga Farasi pwol aro abuudoganokaikono. “Anuugwo sulato toga guvu nuuge nokwo nomwalosunekudukono?” Toro kuudoganoka tovi Jisasol Farasi su tooke gamoro ago tovi aulonomwalokaikono.

Luuk 14:2

Su toro toga a'mwo suvlato nomnyokwe pwol Jisasolluro sumdollu toru aulomwalokaikono.

Luuk 17:20

Toruda'ai Farasi tooro Jisasollu aro kuudoganoporogano. “Aguto kig Gooti toolluro mido mollomwalo tov adoga bai'mowono'mdukono?” Toro kuudoganopo toorai Jisasol kuudokaikono. “Aguto kig Gooti toolluro mido mollomwalo su tovi kemoro sumdo togai mwonpinorekikono.

Luuk 20:20

Toro te a'mwo mido mollomwalokwe su tooro Jisasollu amuugonallajuporogano. Toro tooro a'mwo domokwe pworai Jisasollomno amoropiyaboporogano. A'mwo amoropiyabopo su tooro Jisasollu kuunano youkuu'nuujo'mo gamoro sumdo tovi a'mwo nebalo pworobusuko kwimo'nyajuporogano. Toro tooro Jisasol gamoro yogalo tov kaiya'no ado'ji tovi'aro galomworaropi a'mwo aguto gavona toolluro ato tovi morubweyo'mo kwinoporogano. A'mwo aguto gavona su tool womdo aguto mujumovlaiyo'moneyokwe yovo aguto kurukwekono.

Luuk 6:7

Toro kuulomwaloduke toga loowo tovino pi'mwo kuudokwe pworogai'aro Farasi pworogai'aro tooro Jisasollu kooti yogalo mojokuu'noso'mo winodupudo tooro aro kuudo souromuugonallajuporogano. Jisasol iruko Sabat akallugwoji a'mwo su toollu nyukulonoldukono oo mikulonoldukono? Kuudo souromuugonallajuporogano.

Joon 3:1

To'no'gwowi a'mwo Farasi pwolluno yovo tov Nikoodimasolekono. Su tool Juu tooravuro a'mwo aguto pwekono.

Kuurotokwe 5:34

Toro kwinopo kuvi kuruv kaunsel su tooraida'ai Farasi pwol iloda'mno sumaiyokwe aduumjukurokaikono. A'mwo su toolluno yovo tov Gamaliyolekono. A'mwo su tool loowo tovino ibwasokwekono. Toro toolluno yiuwi'nokai a'mwo abolo ton ilaiyo bwotonyo amollajupekono. Toro te a'mwo su tool iloda'mno sumaiyokwe yiuno kaunsel tooraino kuuguudo wuujo'mo tool a'mwo kuurotokwe toorai kwa'mgu tomuuno ilomwalpureyokwe abilomodopiyokaikono.