A'mwo pworo a'mwo abolo tonyuro kulako tovi romiyosodupudorogano. Toro kworo kuruv a'mwo abolo su tonyuro kuullo tooraino'gwowi ku'nono maromiyosupinorogano. Toro tovino tov a'mwo su toro tooraino luko mipinono. Toro kuvi kuruv kemoro kuullo tokwe'aro kulako tokwe'aro yiuwi'nokai su tovallu du'muudo tovi nokwo mollounapiyono Gooti toolluno'gwowi kevu luko neya domjumovlavogaulo.”
Luuk 12:4 - Gooti Toolluro Yogalokwono4 “Mi ibwoto'nyekwojavoo, aro ikudumo'mokwono. A'mwo pworo kemi romiyaikubweyo'mo kwinpi su tooro kemoro kulako tovi romiyaikubweyopi kworo kuruv kaiyako su tovi muunyu toru purukwe'aro ku'nono miyaikullugolpinorogano. Kevu su toro tooraino luko nyumwalpiyo. အခန်းကိုကြည့်ပါ။ |
Luuk 12:4
20 ပူးပေါင်းရင်းမြစ်များ
Toro dodoluvanubweyodowodo tovino tov nuu aro kuudo yaullokwenyugono. Oo nuvnokwe toonyuno kuudo bwotonyo nyau'mwalmiyo. Aki mi aromiyanubwepi kuruv nokwo'mokwono. Nuu su toro tonyuno jul'nyo mibwosunodumdo kwonyu kuruv aro tovino kuudo kwolallo yourukwapiyokwenyugono. Oo mi Aguto Jisasolluro womdo anubweyoka tovi yiuno'no sopimi tov ilaiyo imonyugono. Mi Aguto toolluro womdo anubweyoka su tov arokwono. Gooti toolluro yasuwa'wino sugumaluko nekullabodowodo tovino kuuguudo sugudo tokwe moruudomollumwalmo'moneyokwenyugono. Mi Aguto toolluro womdo anubweyoka su tov torokwono.
Toruda'ai a'mwo Pitaike Jooneke tooralluro kuuguudo wuudodole tovi au'nallajupo su tooro wuu'nyuno sumaveyokwe morumoukuropi soporogano. Toro tooro aro adoporogano. “A'mwo su tooral a'mwo yasuwa'nodo pworakono. Aki toro tooral skuul miyajulo kworal kuruv jurogudo da'mdubul pi'mwono sodonekubwasadokuulo.” Adoporogano. Toro juno sumaveyokwe aro ainodokwopiyomaroporogano. “Oo a'mwo su tooral Jisaseke subwoto'nomollajupo pworakono.” Ainodokwopiyomaroporogano.
Aki aro kuudo yaikuu'mwalmonyugono. Oo a'mwo abolo su ton ikomago pworavuro surugolpi kuvino kuruv luko miyodupudodeyo. Kuudo yaikuu'mwalmonyugono. Kevu luko miyodupudo su togaikullu ikomago tooro aikwonpi tov kevnokweraino kuu'maiyo toru'no aro wuuduuwallonorogano. Kevu du'muudo tomuuno novlapino'mo toorekikono. Toro kuvi kuruv kemino'gwowi avalo toga aro tovino ikuduuwallonokwono. Gooti tool kemi ma'no ma'nodo tovuro kirumwallo tovida'ai nobomollurolovekumokalokwonogaikikono. Su toro tovino ikuduuwallonokwono.
Toro te Eburaiyamol Aisakollu su toro soka toga Gooti toolluro yogalo puruv suuwiyo sumwojokakwono. Yogalo su tov arokwono. “Eburaiyamol Gooti toolluro yogalo kuudoka tovi wuu'no'no, Oo nebalo'mdeyo, kuudo kuubweyokaikono. Toro kuudo kuubweyoka toolluno tov Gooti toolluro sumdo tovi sugudo kwimo'nokaikono.” Aki Gooti toolluro yogalo aka kuruv Eburaiyamolluno aro dodowodokwono. “Eburaiyamol Gooti toolluro ibwoto'nyo kwimo'nokaikono.” Dodowodokwono.
Toro kuvi kuruv puga kevu sugupasudo mujumovla'mdopure kuruv a'mwo pworo kaiyako nyaikullugolpinorogano. Toro te kevu sugupasudo mujumovla'mdopure tovida'ai jul'nyo amapi su tovino ilaiyo nokwo imwalpinogaikikono. Aki puga a'mwo pworo kemi luko daikuro'gwolpinorogano. Toro tooravuro yogalo su tooraino kevu luko mipinono. Su toro tovida'ai jul'nyo subwosunpi kuvi kuruv jul'nyo su tooro kemoro kuudo tovi aguto nekullumo'numwalpiyo.
Neya duu'nono. Guu danyu'nyuwuulo pworo noma'binekugono. Toro ma'do'bure su tooraino luko nyubiyo. Satanyolluro womdokwe pworo kemoro kuudo uubweyodupudo tovi yamju ikulloganyo'moneyokwe kevu pugaikullu wuulo killo'mo ago tovi nomeraikubwepinorogano. Me'no meraikubweyopi iruko atousal tobuullu kaiyako yaikullugolodopure su toga danyu'nyuwuulo ton nyubwosunmwalpinogaikikono. Toro kuvi kuruv kemi kuudo uubweyodupudo tovi buulo nuugunyumopimwalpiyo. Kemi romiyaikubweyo'mo yodopure kuga kuruv guureji to'no gudupolaropi resis tovi kuuwolopi togaikullu nuu mubiyo tov aiyo yiunokuudo mujomwekovlaiyo'moneyokwe nekullamonyugono.
ကြော်ငြာတွေ