Luuk 12:20 - Gooti Toolluro Yogalokwono

²⁰ Toro kuudo yau'duke kwollu kuruv Gooti tool aro kuudokaikono. “Guvu a'mwo kuudo maiyo tekwogugono! Surakuuto akallugwoji nobolbinekugono. Toro abolbi toga gumoro yiuwi'nokai sovrowosadokuudo su ton ala'mwollo'mo wimo'nonodeyo?” Gooti tool a'mwo tekwoji toro kuudokaikono.”

Luuk 12:20 ပူးပေါင်းရင်းမြစ်များ

Luuk 11:40

Oo kevu kwolaiyo muudoga toorekulbusuko junoru pasudo tooro yodupudorekikono. Gooti tool kemoro kwa'mgu kulako tomgu sokwollaikubweyoka avalo su tool kemoro poowokalago anakuuto kumgu kuruv sokwollaikubweyokaikono.

1 Tesaloonaika 5:3

Toro te puga a'mwo abolo ton aro dupinogano. “Oo nevu sumwoluko kavo to'no wosunodowado tonollu kaiyako yanekullugollo'mo pworo nonagutomuugono.” Toro dodopure kuvi kuruv su toro toga kaiyako mollounapiyo'moneyokwe tov yere nobai'mowonogakono. Su tov aro to'busukokwono. Abolo kwolaiyo sumwolukokwe puruv kwolaiyo nyomallo'mo toga guno yere mollodowodo to'busuko kubalno kaiyako mollounapiyo'moneyokwe tov yere nobai'mowonokwono. Su toro abai'mowo'ji toga a'mwo abolo ton morumoukuropiyopi ku'nono mirukuruwolopinogano.

1 Timooti 6:17

Yogalo akav agasuro Jisasolluro a'mwo abolo pun nuugwiyo bwotonyagokwe tonyu dumul'mwojo'mokwono. Toro te guu a'mwo abolo su tonyu guureji aro neya duudogawono. “Kevu ilomoropunyu kuudo nyau'mwalpiyo. Aki kemoro nuugwiyo su ton yere imagwo'nodupudo tonyuno tov kemi nuugwiyo su tonyuno kuudo bwotonyo nuubwemwalpiyo. Toro kuvi kuruv Gooti toolluno'gwowi kuudo neya duubweyogaulo.” Duudogawono. Gooti su tool nemi ilaiyo yanekullugollo'moneyokwe yiuwi'nokai noonyumwonyu supto yodowado ton bwotonyago youllanekubweyodowodekono.

1 Timooti 6:7

Kuudo pun jaullulo. Nemi nelluneyago ton kwako akavi sonekumaropo toga noonyumwonyu puru'monodo kuruv mamokabowonogano. Su toro to'busuko kubalno nevu abola'ji kuga kuruv kwako akavida'ai noonyumwonyu puru'monodo kuruv mamokavlawanonogano.

Jems 4:14

Kevu su toro dodupudo kuvi kuruv bi'ai yere mabai'mo'mdowo'jure toga kemi ikullumo'nono tovino kuudo yere miyouroma'dupudogaikikono. Kemoro kwako akavida'ai aiyo mujomwekovla'mdupudo tov burowo'nyo to'busuko'mdukono? Neya duu'nyulo. Kemoro kwako akavida'ai aiyo mujomwekovla'mdupudo tov kwa'muujudo to'busukokwono. Kwa'muujudo su tov billalo'nowo'ji yiuno kula'nyo toga'gwono worowo'ji yere younopiyodowodokwono.