Luuk 11:32 - Gooti Toolluro Yogalokwono

³² Jisasol toro wuujuno sumaiyokwe aki aro kuudokaikono. “Niniveda'ai ton Joona'wolluro moruudoduke tovi wuu'no'mno Gooti toollomno kuudo souragunyumo'nopogano. Toro kuvi kuruv aga nuvu Joona'wollu uuwolo'mdumdo toonyuno'gwowi akawai nomwakono. Toro toonyuro yogalo ikudodore tovi kevu muu'numwakopo tovino tov Gooti tool kooti yogalo adaikullo'ji toga Niniveda'ai a'mwo abolo ton bodavopi kemoro ma'no ma'nodo sumwakopo tonyuno jul'nyogalo nodaikubwepinogano.”

Luuk 11:32 ပူးပေါင်းရင်းမြစ်များ

Joona 3:4

Toro te Joona'wol wagwolago su tovi kuulno sumaiyokwe iruko pullugwo me'no uuwolo'no'no toga a'mwo abolo tonyu aro amoruujajukekono. “40-pela iruko tobuul me'no bawo'ji toga Ninive akaru kaiyako i'nowo'ji yiunokuudo mworonokwono.” Amoruujajukekono.

Joona 3:5

Toro moruudoduke tovi Niniveda'ai a'mwo abolo ton wuu'nyuno sumaveyokwe, “Oo nebalo'mdeyo,” do'mno Gooti toolluno kuudo kuubweyopogano. Toro ton wosamujuko kumako mwallo'moneyokwe iruko pubuul jesuno sumaveyokwe aki kanyu sa wollo'mo youro togai'aro amollosopogano. Wagwolago su tovida'ai a'mwo aguto yovokwerodeyo oo a'mwo yovomaiyokwerodeyo yiuwi'nokai ton toro sopogano.

Joona 4:9

Toro adoka toollu Gooti tool aro kuudokaikono. “Guu kuuwo'agokwe wuulo abuukuropimoka tovino surodo aguunadopiko tov ilaiyo'maiyo.” Toro kuudoka kuvi kuruv Joona'wol kuudokaikono. “Awiyo, moro surodo anuunadopiko akav ilaiyokwono. Aki surodo su tov bwotonyo kuunodo anuunadopiko tovino tov nuu yiuno'no bollo'mo anyunadopiyo.” Kuudokaikono.

Matyuu 12:39

Su toro kuudopo toorai Jisasol aro kuudokaikono. “Kevu agasuro amwakopo ma'no ma'nodokwe toorekul Gooti toollu muumjunodupudorekikono. Toro toorekul mino tov nebal'no kuunodoldukoneyokwe tovino ikuduuwallo'mo aikullunadopiko kuvi kuruv kevu duuwallo puvi mwonpinorekikono. Toro kworekul kuruv yiuno proofet Joona'wollu kwimo'noka to'busuko kubalno ikuduuwallodo'mure tovino to'no wonpinorekikono.

Matyuu 12:41

Jisasol toro wuujuno sumaiyokwe aki aro kuudokaikono. “Niniveda'ai tooro Joona'wolluro moruudoduke tovi wuu'no'mno Gooti toollomno souragunyumo'noporogano. Toro kuvi kuruv aga nuu Joona'wollu uuwolo'mdumdo toonyuno'gwowi akawai nomwakono. Toro toonyuro yogalo moruudekumollodore tovi kevu muu'nyubusuko sumwakopo tovino tov Gooti tool kooti yogalo adaikullo'ji toga Niniveda'ai tooro nobodapinorogano. Toro bodavopi agasuro togaikulluro ma'no ma'nodo sumwakopo toorai nobomollolupto'naikubwepinorogano.

Luuk 11:31

Aki Gooti tool agasuro toorekullu kooti yogalo adaikullo'ji toga abolo aguto kwin puruv nobodawonokwono. Kwin su tov imomgu saut tomguda'ai kwako Siba tovi aguto imo'nodowo mido amollomwallajukokwono. Aiyoga abolo kwin su tov Sooloomonolluro pi'mwo kuudo tovi wuu'nyo'moneyokwe manyu tomuuda'ai sulabiyajukokwono. Toro kuvi kuruv aga'no'gwowi Sooloomonollu uuwolo'mdumdo toonyu akawai nomwakono. Aki moro yogalo ikudodumdo tonyu kevu muu'nyubusuko to'no sadokwoporekikono. Toro tovino tov lukomgu Gooti tool agasuro toorekullu kooti yogalo adaikullo'ji toga abolo aguto kwin su to kuruv bodavowo'ji kemi jul'nyogalo nodaikubweyonokwono.”

Hibruu 7:26

Pris Aguto su tool nemi nekullo'mwojo'moneyokwe pi'mwono kuvinono nekullumo'nyokwekono. Toro tool Gooti gavnokwe toolluro kuunodo wimo'nyokwekono. Aki toro tool ma'no ma'nodomaiyekono. Aki kaiya'no puru'monodo kuruv mamollugolamo'nodowodekono. Aki a'mwo abolo ma'no ma'no yodupudo tonyu manyu tomuu'aro yomwallokwekono. Aki Gooti tool Pris Aguto su toollu gamoro ago muunyu kai'muu me'no sulomorumwallokaikono.