Luuk 11:1 - Gooti Toolluro Yogalokwono

¹ Toruda'ai Jisasol kwako pumuu mwalno sumaiyokwe Gooti toollu subusu'nyogalo kuudokaikono. Me'no wuujuno sumaiyokwe gamoro uumjunyokwe pwol Jisasollu aro kuudokaikono. “Agutoloo, Joonol gami uumjunyokwe toorai subusu'nyogalo jo'moneyokwe tovino sodubwasajukekono. Toro to'busuko kubalno guu kweku kuruv subusu'nyogalo jo'mo tovino nemi neya jodonekubwasono.” Kuudokaikono.

Luuk 11:1 ပူးပေါင်းရင်းမြစ်များ

Luuk 10:42

Toro kuvi kuruv guu kuudo yiuno puru'monodo tovino to'no neya jenyubworomarogawono. Mariya'gwowi kuudo puru'monodo su to kuvi me'no senyubworoma'mokakwono. Toro tovi navu nuumjukuroso.” Kuudokaikono.

Luuk 11:2

Toro kuudoka tovi Jisasol gami uumjunyokwe toorai aro kuudokaikono. “Kevu subusu'nyogalo jo'mo toorekul aro neya dodumovlavogaulo. “Nemi Nellunumiyagoloo, gumino yovo aguto neya gujamwalanonogano. Guu aguto kig tookujuro mido mollomwalo tov neya abimo'nono.

Luuk 6:12

Toruda'ai Jisasol Gooti toollu subusu'nyogalo wuujo'moneyokwe muumuudo pwollu sulokaikono. Toro ilno sumaiyokwe sula'dugumdo togada'ai yiuno lomwo iru'mago toga'no subusu'nyogalo ajourosokaikono.

Luuk 7:13

Toro ton bomokalokwodopure toga Aguto tool abekanyo su tobuullu wonyuno sumaiyokwe kalo wino'no aro kuudokaikono. “Guu kumdo madubinono.” Kuudokaikono.

Luuk 7:19

Toro kuudopo tovi Joonol wuu'nyuno sumaiyokwe gami uumjunyokwe pworallu adomarokaikono. Toro toorallu gamoro yamuugojo purukwe Aguto Jisasollu wuudoganbulluno'moneyokwe amodapiyokaikono. Joonolluro yamuugojo su tov arokwono. “Gooti toolluro nekullo'mwojo'moneyokwe ajesoka Krais toolluno sogwollo kinodowado su tool guu kwekudukono? Oo a'mwo pwolluno sogwollo kuuno kinmwalanonoldukono?”

Luuk 9:18

Toruda'ai puga Jisasol judo tool mwalo'no Gooti toollu subusu'nyogalo kuujajukekono. Toro wuudoduke tomuu yiuno gamoro uumjunyokwe tooro kweke amwallajuporogano. Toro mwalodopure toorai Jisasol aro samuugojokaikono. “A'mwo abolo kwolallo ton mino tov, Ala'mwekono, nyudodupudonyudukono?” Samuugojokaikono.

Luuk 9:28

Toruda'ai 8-pela iruko tobuul me'no abawoka toga Jisasol subusu'nyogalo jo'moneyokwe muumuudo pwollu muunyu tomuuno sulokaikono. Toro suloka toga yiuno Pitaike Jemseke Jooneke toorai momwora'no sumaiyokwe muumuudo su toollomno amokailokaikono. Toro mokailno sumaiyokwe subusu'nyogalo ajajukekono.

Hibruu 5:7

Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.

Juut 1:20

Toro kuvi kuruv kevu moro kalo buuropino nyunodowodo tobuurekulno'gwowi Gooti gavnokwe toolluro nebal'no yogalo anekullaboka tovino kuudo me'no uubweyodupudogaikikono. Toro te kemoro kuudo uubweyodupudo su tovi'aro jurogudo neya jogullumovlavogaulo. Aki Gooti toolluro Kuullo tool jurogudo ikubweyodowo'jure tokwe kevu Gooti toollu subusu'nyogalo neya duudumovlavogaulo.