Luuk 10:8 - Gooti Toolluro Yogalokwono

⁸ Aki kevu buro'nyo buro'nyo wagwolago aulai'mopi tovi a'mwo abolo ton kemi ilaiyo mollekumaropi noonyumwonyu wosamujuko aikullabupi tov neya domanogaulo.

Luuk 10:8 ပူးပေါင်းရင်းမြစ်များ

Matyuu 10:40

Aki Jisasol aro kuudokaikono. “A'mwo pwol kemi ilaiyo amollekumaro'ji tov nuu kwonyuda'ai ilaiyo mollonumaronekono. Aki a'mwo pwol mi ilaiyo amollonumaro'ji su tool mi amonuwopiyaboka kwolluda'ai ilaiyo mollomaronekono.

Luuk 10:10

Toro kuvi kuruv kevu buro'nyo buro'nyo wagwolago aulapi tovida'ai a'mwo abolo ton kemi ilaiyo mamollekumapi to'gwowi kevu wagwolago su tovuro puuto aguto tomuu davopi aro dupinorekikono.

Luuk 9:48

Toro molludapino sumaiyokwe aro kuudokaikono. “A'mwo pwol kwoloraiyo akabuuraibusuko puvi mino yovo tovida'ai ilaiyo amollomaro'ji su tool nuu kwonyuda'ai ilaiyo amollunuma'mwallo. Aki a'mwo pwol mi ilaiyo amollunumaro'ji su tool mi kwolomonuwopiyaboka kwolluda'ai ilaiyo amolloma'mwallo. Su tov aro tovinokwono. Kemida'ai a'mwo pweku yiuwi'nokai a'mwo abolo punyu aiyowo'mo abwollumo'nabi su tooku a'mwo aguto kuunodo imo'nubinekugono.” Kuudokaikono.

Joon 13:20

Jisasol toro wuujuno sumaiyokwe aki aro kuudokaikono. “Nuvu nebal'no kuunodo ikudumo'mokwono. A'mwo pwol moro amorapimi toollu ilaiyo amollomaro'ji tov nuu kwonyuda'ai ilaiyo mollonumaronekono. Aki su toro to'busuko kubalno a'mwo pwol mi ilaiyo amollonumaro'ji tool mi amonuwopiyaboka kwolluda'ai kuruv ilaiyo mollomaronekono.” Kuudokaikono.

1 Koorin 10:27

Toro te a'mwo Jisasolluno kuudo muubweyodowodo pwol wosamujuko ton me'no yovrowosowo'ji gavuge nomwallo'moneyokwe kemi adekumaro'ji tov kevu a'mwo su tooke nokwo nomwalpinogaikikono. Su toro nomwalopi toga kevu wosamujuko su tonyuno kuudo kwolallo miyourukwapiyopi aki yamuugojo nuudoganmwalpiyo. Toro kugaikul kuruv buro'nyo buro'nyo wosamujuko aikullabwo'ji su tonyu nokwo nonumwalpinogaikikono.

1 Koorin 9:14

Su toro to'busuko kubalno Aguto tool aro me'no aduuwiyokaikono. “A'mwo tooro a'mwo abolo punyu kuuguudo sugudo tokwe amoruudomollupi tov a'mwo abolo kuuguudo sugudo su tovi amapi ton kevnokwenyuro ato tovida'ai noonyumwonyu pugai a'mwo nomoruudomollodopure su toorai neya uubimwalpinogano.” Aduuwiyokaikono. Toro te a'mwo kuuguudo sugudo tokwe amoruudomollupi su tooro su toro tomgu'aro nokwo yonugovla'mwalpinorogano.