Luuk 10:29 - Gooti Toolluro Yogalokwono

²⁹ Toro kuudoka kuvi kuruv a'mwo su tool gavnokweyol Gooti toolluro sumdo tovi ilaiyo wimo'nyo'mo winodowodekono. Toro tovino tov Jisasollu aro kuudokaikono. “Guu aro anyudumodo tov, yiuwi'nokai a'mwo abolo pwolno puru'mono kuuru'ma'bi tonyuno anyudumodo su tov ala'mworovaino donyudadokuuno?”

Luuk 10:29 ပူးပေါင်းရင်းမြစ်များ

Kuuguudo Sugudo akav Makolluro sakwollokakwono Mak 8:34

Toruda'ai Jisasol a'mwo abolo kwolallo togai'aro gami uumjunyokwe toorogai'aro tonyu gamiyomno me'no moju'bworumwallo'no aro kuudokaikono. “A'mwo pwol numino numjunyo'mo kwino'ji tool gavnokweyolluro noonyumwonyu kuudo yau'dowodo tonyu neya yogallu'mowonekono. Yogallu'mowo'ji gami i'noguropte tovi momworarowo'ji mi neya numjunonekono. A'mwo su tool nobolmonyudeyo kuudo yaurowo'ji kwol kuruv neya anumjunono.

Luuk 10:36

Jisasol yovekurajo su tov me'no wuujuno sumaiyokwe a'mwo loowo tovino pi'mwo kuudokwe toollu aro kuudokaikono. “Guu buro'nyo kuudo jukiyau'mwakuno? Kuuko tooravuro a'mwo kaiyako sugolopo su tekwo wo'duke toga a'mwo pworapwol tooro abuuru'maroporogano. Toro abuuru'maropo tooraida'ai pwol kalo buuropino amolloka tool gadooldukono?”

Luuk 16:15

Toro toorai Jisasol aro kuudokaikono. “Kevu a'mwo abolo tonyuro sumdo tovi sugudo wimo'nyo'mo to'no ikullunodowodorekikono. Toro kuvi kuruv kemoro poowokalago tonyu kuulaikwo'dowodo su tonyuno'gwowi Gooti tool kuudo me'no yourekuma'dowodekono. Neya duu'nyulo. Yiuwi'nokai kwako akavida'ai a'mwo tooro kwa'mguda'ai pasudo tonyu wonopi, Oo ilaiyo'mdeyo, kuudo yau'dupudorogano. Toro kuvi kuruv pasudo su ton Gooti toolluro sumdo tovino'gwowi kaiya'no kuumwiyo to'no wimo'nodupudogano.

Room 10:3

Aki toro ton Gooti toolluro sumdo tovi sugudo wimo'nyo'moneyokwe gavnokweyolluro puuto tovi buulo uugunyumopiyodupu kevnokwenyuro kuudo tomgu'aro to'no uumjungovla'mdupudogano. Toro ton aro kuudo yau'dupudogano. Oo nevu loowo tovi'aro uumjungovlavowa'ji Gooti toolluro sumdo tovi sugudo nokwo wimo'nanonogano. Su toro kuudo yau'dupudo tov kuvimaiyo.

Room 4:2

Gooti tool Eburaiyamollu ilaiyo amollomaroka tov Eburaiyamolluro sugupasudo yoduke tovida'ai ilaiyo amollomarokalmaiyo. Kuudo neya jaullulo. Eburaiyamol gavnokweyolluro sugupasudo tovida'ai Gooti toolluro sumdo tovi sugudo sumo'nowo'jujuko'mno'juki Eburaiyamol ilomoropunyu nokwo sawo'jujukekono. Toro kuvi kuruv Eburaiyamolluro kuudo kuubweyoka tovida'ai to'no Gooti toolluro sumdo tovi sugudo kwimo'nokaikono. Toro tovino tov Eburaiyamol gavnokweyolluno ilomoropunyu miyajukekono.

Galesiya 3:11

Yogalo su tov aro tovino kuu'maiyo toru'no aro abomollolupto'nanekubweyadopiyo. A'mwo pwolnodo kwol kuruv Moosesolluro loowo tovuro puuto tovi'aro kuumjuno'ji tov Gooti toolluro sumdo tovi sugudo mwimo'nonekono. Neya duu'nyulo. Gooti toolluro yogalo puruv aro sakwollungikokwono. “A'mwo pwol Gooti toolluno kuudo uubweyowo'ji Gooti toolluro sumdo tovi sugudo kwimo'no'ji tool aiyo kuvinono mujomwekovla'mwalonekono.” Sakwollungikokwono.

Jems 2:24

Toro te kuuguudo su tov aro tovino nekuduuwallodowodokwono. Agasuro a'mwo pwol, “Oo nuu kuudo kuubwemwakono,” yiuno mago tokwe to'no su toro ado'ji tov Gooti toolluro sumdo tovi sugudo ku'nono mwimo'nonekono. Toro kuvi kuruv yiuno a'mwo pwol kuudo nebal'no uubweyowo'ji sugupasudo kurukwe'aro amjumovlawo'ji su toolno'gwowi Gooti toolluro sumdo tovi sugudo kuvinono wimo'nonekono.