Luuk 10:11 - Gooti Toolluro Yogalokwono

¹¹ “Oo kemoro wagwolago tovuro sullukwako ton nemoro suvlo tovi amgu'mo'nakopo su ton aluvourokurosano. Toro aluvourokurosa'ji su ton kemi ma'no ma'no pasudo tovino kuu'maiyo wuuduuwallo'mokwono.” Dupinorekikono. Toro kuvi kuruv kevu aro tovino kuudo neya jaurogaulo. Aguto kig Gooti toolluro mido mollomwalo tov aga nobaiki'mowono'mo'mdeyo. Kuudo neya jaurogaulo.

Luuk 10:11 ပူးပေါင်းရင်းမြစ်များ

Matyuu 10:14

Aki buro'nyo buro'nyomuuda'airodeyo tooro kemi maikwonyubusuko yopi kemoro yogalo tonyu muu'nyubusuko supi su toru neya duugollu'meyulo. Toro kuugollu'mopi toga sullukwako tov kemoro suvlo tonyu kwosuko tokwe ago su toru neya doluvourokurosumovlaiyulo.

Matyuu 10:7

Kevu su toro tonyomno avlapi toga aro neya domoruudomollogaulo. “Oo muunyu kai'muuda'ai aguto kig toolluro mido mollomwalo tov nobai'mowono'mo sadopiyo.” Domoruudomollogaulo.

Matyuu 3:2

“Kevu Gooti toollomno kuudo jouragunyumo'nyulo. Muunyu kai'muuda'ai aguto kig toolluro mido mollomwalo tov wobo toga nobai'meyo'mo sadopiyo.” Amoruujajukekono.

Kuuguudo Sugudo akav Makolluro sakwollokakwono Mak 6:11

Wuujuno sumaiyokwe aki aro kuudokaikono. “Buro'nyo buro'nyomuuda'airodeyo tooro kemi maikwonyubusuko supi tooro kemoro yogalo tonyu muu'nyubusuko supi tov kwako su toru duugollu'meyulo. Toro supi tooravuro ma'no ma'nodo su tovino wuuduuwallo'moneyokwe toorekul sullukwako tov kemi suvlo tovi kwosuko tokwe ago su toru doluvourokurosumovlaiyulo.” Kuudokaikono.

Luuk 10:10

Toro kuvi kuruv kevu buro'nyo buro'nyo wagwolago aulapi tovida'ai a'mwo abolo ton kemi ilaiyo mamollekumapi to'gwowi kevu wagwolago su tovuro puuto aguto tomuu davopi aro dupinorekikono.

Luuk 10:9

Wagwolago su tovi kuulomwalopi a'mwo abolo nobollokwe tonyu neya jukulogaulo. Aki aro neya wuudumwalpinorekikono. “Oo aguto kig Gooti toolluro mido mollomwalo tov aga nobaiki'mowono'mokwono.” Wuudumwalpinorekikono.

Luuk 9:5

Toro wuujuno sumaiyokwe aki aro kuudokaikono. “A'mwo buro'nyo buro'nyomuuda'airodeyo tooro kemi maikwonyubusuko yopi aki kemoro yogalo tovi muu'nyubusuko supi tov kevu wagwolago su toru neya duugollu'meyulo. A'mwo su toro supi tooravuro ma'no ma'nodo tovino kuu'maiyo toru'no wuuduuwallo'mo toorekul kemoro suvlo tovida'ai sullukwako kwosuko tov ago su toru neya luvourokurosopi dovlaiyulo.” Kuudokaikono.

Kuurotokwe 13:26

Poolol toro wuujuno sumaiyokwe aki aro kuudokaikono. “Nevugeravoo, nemi kirumwallo tovida'ai bomollurolovonekumokalokwiyo'moneyokwe amonekwopiyaboka Jisasolluno kuuguudo tov Gooti tool nemi me'no anekullabokakwono. Kuuguudo sugudo su tov nevu Eburaiyamolluda'ai bodowado tonogai'aro a'mwo abolo Juu toonolluro miyawosunodupudo pugaikul Gooti toollu dolago tomuu mwalodupudo kugaikike'aro tonollu anekullabokakwono.

Kuurotokwe 13:40

Poolol toro wuujuno sumaiyokwe aki duudapi yogalo aro kwiyokaikono. “Proofet tooravuro kuuguudo adopo puruv kemi nekullumo'no'jo.

Kuurotokwe 13:46

Toro sopo kuvi kuruv Pooleke Banabaseke tooralno'gwowi luko miyolno kuu'maiyo toru'no aro kuudolorakono. “Gooti toolluro kuuguudo tov kemi muudu'no yodekubwaso'moneyokwe nami anakuuwoso. Toro toonal a'mwo Juu toonolluro miyawosunodowado toorai yere miyodubwasodowolo kwonal kuruv kevu Juu toorekulno'gwowi muudu'no kworekulluda'ai sodekubwasumwakuuwolo. Kuuguudo toro yodekubwasodowole tovi kevu kuudo kuubweyopujuko'mno'juki aiyo yiunokuudo mujomwekovlaiyo'moneyokwe tovi nokwo amaropujukogaikikono. Toro kugaikul kuruv aiyo yiunokuudo mujomwekovlaiyo'moneyokwe su tovi mallo'mo maikullunoduke togaikul Gooti toolluro kuuguudo akavi kaduko mwimwakopogaikikono. Toro tovino tov aga'no'gwowi navu kemi ikugollu'mowosi a'mwo abolo Juu toonolluro miyawosunodowado toorai yodubwaso'moneyokwe plawosunonakono.

Kuurotokwe 13:51

Toro movomjapino sumaveyokwe Pooleke Banabaseke tooral a'mwo abolo kwako su tovi mwalodupudo tonyuro ma'no ma'nodo tovino kuu'maiyo toru'no wuuduuwallo'moneyokwe aro solorakono. Kemi suvlo tonyuda'ai sullukwako kwollajuko ton aluvourokurosolorakono. Toro luvourokurosuno sumaleyokwe wuugollu'movolno wagwolago Aikooniyam'no avlavolorakono.

Room 10:21

kuvi kuruv Isuraiyolda'ai tonyuno'gwowi aro ajakwollokaikono. “Yiuwi'nokai toga Isuraiyolda'ai tonyu nuu Gooti toonyomno abupureyokwe deko doma'dumdogano. Toro doma'do'mure kun kuruv muu'nyubusuko to'no yopi kisuvolo nyodopudogano.” Ajakwollokaikono.

Room 10:8

Toro sakwollungiko kuvi kuruv Gooti toolluro sumdo tovi sugudo wimo'nyo'moneyokwe puuto tovino kuuguudo puru'gwowi aro sakwollungikokwono. “Gooti toolluro nebaikuuguudo tov kemi wobo toru wo'dowodokwono. Toro tov kemoro poowokalago kuunodo tonyu kuuluuwo'dowo aki kevnokweyogaikulluro mago tokwe modomollodupudokwono.” Su toro sakwollungikokwono. Toro te a'mwo abolo ton kuuguudo su tovino kuudo neya uubwepino'moneyokwe nevu aval'no moruudomollodowadonogano.

Hibruu 1:3

Gooti toolluro Kwolaiyo su tool Gooti jurogudo kuunodo toolluro bako pwopiyodowodo tov nekuduuwallodowodekono. Aki toro tool gami Ganumiyago Gooti toolbusuko irol'mowosunodekono. Toro tool kwako tokwe'aro sulugumdo tokwe'aro tovalluda'ai yiuwi'nokai wo'dupudo tonyu gamoro yogalo jurogudo tokwe kuuno mollomwalodowodekono. Kwolaiyo su tool nemoro ma'no ma'nodo tovuro kirumwallo tovi me'no amollol'movonekudukwopiyokaikono. Toro mollol'movonekudukwopino sumaiyokwe toga muunyu kai'muu mwalodowodo Aguto Kuunodo toolluro anato toru sulomwalokaikono.