Luuk 1:66 - Gooti Toolluro Yogalokwono

⁶⁶ A'mwo abolo su tonyuro kuuguudo bomomjodumoulodopure tovi a'mwo abolo gabovo pun wuu'nodupu aro sajunyajupogano. “Kwolaiyo muudoga su tool a'mwono sumo'no'ji toga adadomgu'aro imo'nonoldukono?” Sajunyajupogano. Aguto tool kwolaiyo muudoga su tooke mwaloduke tovino tov su toro sajunyajupogano. Toro yajunyuno sumaveyokwe aki kuuguudo kuu'nopo su tovino kemoro poowokalago kuunodo tonyu auluuwollokakwono.

Luuk 1:66 ပူးပေါင်းရင်းမြစ်များ

Muuduko 37:11

Toro tovino gami gadai'yago tooro kwekuullu kuudo yau'dupu Joosepolluno ilaiyo mwinyajuporogano. Toro kuvi kuruv gami ganumiyago toolno'gwowi Joosepolluro wojo kuudoka tovino kuudo kwolallo sourukwapiyajukekono.

Muuduko 39:2

Toro te Joosepol Ijupda'ai a'mwo Pootifalluro agwapto toru womdo sajukekono. Toro yoduke toollu Gooti Yawel kweke mwalodowo kwiyo'mwojajukekono. Toro te Joosepolluro womdo yoduke tov ilaiyo to'no amjumovlaiyajukekono.

Luuk 1:80

Toruda'ai Joonol aguto gulluno sumaiyokwe Gooti toolluro Kuullo tooke jurogudo sumo'nokaikono. Toro tool kwako a'mwomaiyo kuu'maiyo tomuu amwallajukekono. Su tomuu mwalno mwalno sumaiyokwe yiuno Isuraiyolda'ai a'mwo abolo tonyu kuuguudo tov kuu'maiyo toru'no abilomoruudomolloka toga'no kwonopekono.

Luuk 2:19

Toro kuvi kuruv Mariya'gwowi yiuwi'nokai sumo'nugelabiyajuko su tonyuno gami kuudo tovi po'dogalo amomullosajukokwono. Yo'no aki gami poowokalago kuunodo tokwe kuudo kuuno sourukwapiyajukokwono.

Luuk 2:40

Toro mwalno sumaveyokwe kwolaiyo tool aguto gullumelabodowo jurogudo tokwe'aro pi'mwo kuudo tokwe'aro togai agullumelabiyajukekono. Aki toro toollu Gooti toolluro yasuwa'wino sugumaluko tov kuubweyajukekono.

Luuk 2:51

Toro te Jisasol gami ganum kwolabolo su teyauke Nasaret'no aikomgu bo'mno abomwalopogano. Toro bomwalno sumaveyokwe Jisasol gami ganum kwolabolo teyaulluro yogalo wuudodole tovi pi'mwono kuumjungovlaiyajukekono. Toro te Jisasolluro ganeyago tov gami yiuwi'nokai kwonyajuko su tonyuno gami poowokalago tovi momullosuno sumaiyokwe kuudo kuuno sou'movlaiyajukokwono.

Luuk 9:44

“Yogalo ikudumo akav kemi kaduko tonyu neya kuulolukumovaikwopiyonokwono. Yogalo su tov arokwono. A'mwo pworo nuu A'mwo Kwolaiyo Kuunodo toonyu galonumworaropi ikomago tooravuro ato tovi manubwepino'mo sadokwovo.” Kuudokaikono.

Kuurotokwe 11:21

Toro tooro Gooti toolluro jurogudo uubweyoduke tokwe sodubwosumovlaiyajuporogano. Toro yodubwosumovla'mdopure toga a'mwo abolo ton kuudo youragunyumo'no'mno Aguto toolluno kuudo kuubweyopogano. Toro te Jisasolluro a'mwo abolo ton bwotonyago sumo'nopogano.

Kooloosi 1:5

Toro te kemoro ilaiyo mollodupudo su tov yasuwa'no miyodupudogaikikono. Toro kuvi kuruv kevu muudu'no nebal'no yogalo tovi wuu'no'mno kuuguudo sugudo su tovi kuudo me'no kuubweyopogaikikono. Toro kuubweyopo togada'ai Gooti toolluro ago muunyu i'muu aiyo yiunokuudo mujomwekovlaiyo'moneyokwe tovino kevu sogwollo to'no kinodupudogaikikono. Aki Gooti tool kemi ikullabiyo'moneyokwe noonyumwonyu sugudo yovrowosodowodo su tonyuno kevu kuudo noullo maullo miyau'dupudogaikikono. Toro kugaikul kuruv aro kuudo yau'dupudogaikikono. Oo Gooti tool kuvinono nonekullabwonoldeyo. Su toro kuudo yau'dupudo togaikulluno tov pasudo su tollovai kuvinono mollodupudogaikikono.