Luuk 1:6 - Gooti Toolluro Yogalokwono

⁶ Toro teyaul Gooti toolluro sumdo tovi sugudo to'no kwimo'nyajuleyaukono. Aki Aguto toolluro yiuwi'nokai loowo tonyu pi'mwono kuumjungovlaiyajuleyaukono.

Luuk 1:6 ပူးပေါင်းရင်းမြစ်များ

Muuduko 17:1

To'no'gwowi Eburamol 99 kworomokwe tool mwaloduke toga Gooti Yawel bwiyalo'no'no aro aboduuwiyokaikono. “Nuu Gooti Jurogudo Kuunodo toonyugono. Guu moro sumdo tovi yiuno sugudo to'no mujumovlavo'bi mino to'no donumjunogawono.” Aboduuwiyokaikono.

Muuduko 6:9

Toro te Noowalluno kuuguudo tov arokwono. Noowal kwolaiyo pworapwolokwekono. Kwolaiyo su tooraino yovo tov Semol Hamol Jafetol toorogano. Toro te Noowal Gooti toollu uumjunyo'mo tov yiuno sugudo to'no mujumovla'mdowo judo tool Gooti toolluro ibwoto'nyo sumo'nyajukekono.

Muuduko 7:1

Toruda'ai Gooti Yawel Noowallu aro kuudokaikono. “Nuu yiuwi'nokai a'mwo abolo amwakopo tonyu wonodum yiuno guu judo tookuno sugudo agwonadokwono. Toro te aga gumi yiuwi'nokai julkwolaiyo togai'aro tonumdotekul sip toollu douloulo.

Luuk 1:7

Toro kiyaul kuruv kwoloraiyo miyawosunyajuleyaukono. Su tov aro tovinokwono. Elisabetov kwollukokwono. Aki yiuwi'nokai teyaul yadaiyo me'no sumo'noleyaukono.

Luuk 16:15

Toro toorai Jisasol aro kuudokaikono. “Kevu a'mwo abolo tonyuro sumdo tovi sugudo wimo'nyo'mo to'no ikullunodowodorekikono. Toro kuvi kuruv kemoro poowokalago tonyu kuulaikwo'dowodo su tonyuno'gwowi Gooti tool kuudo me'no yourekuma'dowodekono. Neya duu'nyulo. Yiuwi'nokai kwako akavida'ai a'mwo tooro kwa'mguda'ai pasudo tonyu wonopi, Oo ilaiyo'mdeyo, kuudo yau'dupudorogano. Toro kuvi kuruv pasudo su ton Gooti toolluro sumdo tovino'gwowi kaiya'no kuumwiyo to'no wimo'nodupudogano.

Luuk 2:25

Su toro toga a'mwo pwol wagwolago Jeruusalem toru amwallajukekono. A'mwo su toolluno yovo tov Simiyoonolekono. A'mwo su tool Gooti toolluro sumdo tovi sugudo wimo'nodowo aki Gooti toollu dolago tomuu ilaiyo to'no amwallajukekono. Lukomgu Gooti tool Isuraiyolda'ai a'mwo abolo tonyuro sumwoluko iroto wosunyo'moneyokwe tovino Simiyoonol sogwollo aingelabiyajukekono. A'mwo su toollu Gooti toolluro Kuullo tool me'no kuuwollajukekono.

Kuurotokwe 2:25

Aki aiyoga a'mwo aguto kig Devitol Jisasolluro kuuguudo dono puruv aro sakwollokaikono. Jisasol gami Ganumiyago toolluno aro donekono. “Mi Aguto tool yiuwi'nokai toga nuuge mwalodowodekono. Toro tool moro anato wobo toru bomollonyuda'mdowodekono. Toro te nuu luko bu'buto mimwalmonyugono.” Aki kuuguudo puruv arokwono.

Kuurotokwe 23:1

Toro kuulomolludapino sumaiyokwe Poolol Juu tooravuro kaunsel toorai yomuugonaro'no aro kuudokaikono. “Nuugeravoo, Gooti toolluro sumdo tovi moro yiuwi'nokai aiyo mujomwekelabodumdo toga moro poowokalago tovuro nyudodowo'jure tovi ilaiyo to'no uumjungelabodumdonyugono.” Kuudokaikono.

Kuurotokwe 24:16

Toro tovino tov nuu Gooti toolluro sumdo toruke'aro a'mwo abolo tonyuro sumdo toruke'aro tomuu sugudo to'no ingovlaiyo'moneyokwe yiuwi'nokai toga nuvnokwenyuro poowokalago tov nyudodowo'jure tovi uumjungovla'mdumdonyugono.

Kuurotokwe 8:21

Gumoro poowokalago tov Gooti toolluro sumdo tovi idopto'no mimo'nodumdekugono. Toro tovino tov guu navubusuko avaiwomdo tov ku'nono mibinekugono.

Room 8:4

Ma'no ma'nodo tovuro jurogudo tovi amodukwopiyoka su tov nevu sugudo to'no mujumovla'mwalano'moneyokweyokwono. Nevnokwe tonol Gooti toolluro loowo tonyu ku'nono muumjunanonogano. Toro kuvi kuruv nevu kwako akavida'ai kuudo toorai muu'nyubusuko yowa'ji yiuno Gooti toolluro Kuullo tool mollubworonekumokavla'mdowo'jure tovi kuumjuna'ji to'gwowi sugudo to'no nokwo mujumovla'mwalanonogano. Nevu Gooti toolluro Kuullo toollu toro kuumjuna'ji tov loowo tovi uumjunyokwe tonolbusuko imo'nanonogano. Su toro tov neya imo'noneyokweyo'mo Gooti toolluro Kwolaiyo tool ma'no ma'nodo tovuro jurogudo tovi amonekudukwopiyokaikono.

1 Koorin 11:2

Kevu moro yiuwi'nokai kuuguudo yodekubwasodumdo tonyuno kuudo miyallulo'gwonodupu guureji gudupola'dupudogaikikono. Toro togaikulluno tov nuvu kuudo saikuu'mwakono. Oo ilaiyo jumwakovo.

2 Koorin 1:12

Toruda'ai nevu aro tovino ilaiyo bwotonyo yodowadonogano. Nevu nemi poowokalago tovi me'no kuulanekwo'dupudo tonyu kuvinono uumjunyokwenogano. Aki kwako akavida'ai a'mwo abolo tonyuro sumdo tovi nemi me'no kuulanekwo'dupudo su tollovogai nevu pi'mwono molludo'movla'mdowadonogano. Aki nevu Gooti gavnokwe toolluro pasudo tonyu yiuno nebal'nodo tomgu'aro uumjunodowadonogano. Toro toonol a'mwo abolo togai'aro kev kugaikike'aro togaikullu yaikullugollo'moneyokwe tov kwako akavida'ai pi'mwo kuudo tovi muumjunodowadonogano. Toro kuvi kuruv nevu Gooti toolluro yasuwa'wino sugumaluko tovino'gwowi uumjunodowadonogano. Toro tovino tov yiuwi'nokai a'mwo abolo tonyu nevu ilaiyo to'no igolodowadonogano. Aki kemino'gwowi nemoro ilaiyo tov muunyu toru'aro guureji yaikullugolodowadonogano.

Filipai 2:15

Su tov aro tovinokwono. Kevu Gooti toolluro kwoloraiyo togaikul pasudo pworogai kaiyako nomollugolamo'numwalpiyo. Toro kugaikul kuruv kaiya'no nonagutokwe to'no neya jumo'nogaulo. Toro togaikul kwako akavida'ai a'mwo abolo kaiya'nodokwe togai'aro kirovanyuvanyokwe togai'aro tonyu akuuto toru bako pwopiyodowodo to'busuko nokwo wimo'numwalpinogaikikono.

Kooloosi 1:22

Kevu su toro sumo'nyajupo kugaikullu kuruv Gooti toolno'gwowi Krais toolluro kulako aboloka tovi'aro gamiyomno wobo toru ikumokabo'no ibwoto'nyo'moneyokwe me'no amollumo'naikubweyokaikono. Su toro amollumo'naikubweyoka tov aro tovinokwono. Kevu Krais toolluro a'mwo abolo togaikul gavnokweyolluro sumdo tovi adapi toga yiuno sugumaluko neya wimo'nupino'moneyokwe tovinokwono. Aki gamoro sumdo tovi kevu kaiya'no kuumwiyo nonagutokwe neya wimo'nupino'moneyokweyokwono. Kevu su toro kwimo'nupi togaikulluno a'mwo pwolnodo kwol kuruv aro nekudumwalpiyo. “Kaiya'no yodupudogaikikono.” Toro nekudumwalpiyokwe tovino'mo Gooti tool kemi gamoro ibwoto'nyo'moneyokwe amollumo'naikubweyokaikono.

1 Tesaloonaika 3:13

Aki Aguto tool kemoro poowokalago tonyu jurogudo adaikullumwojogawono. Toro daikullumwojodowo'jure tovida'ai kevu nemi Nellunumiyago Gooti toolluro sumdo tovi gavnokweyolluro kuunodo wimo'nopi aki a'mwo abolo kaiya'nodomaiyokwe nokwo wimo'numwalpinogaikikono. Su toro kwimo'nupi togaikul lukomgu nemi Aguto Jisasol gami a'mwo abolo kuunodo togai kwolabwo'ji toga ilaiyo nokwo wuuru'mapinogaikikono. Gooti tool su toro daikullumwojumwalono tovino nevu subusu'nyogalo wuudoganodowadonogano. Nebal'nodokwono.

2 Pita 3:14

Mi ibwoto'nyobuuravoo, kevu su toro ikullumo'nono tovino sogwollo to'no kinomwalodupudogaikikono. Toro tovino tov kevu Gooti toolluro sumdo tovi dosudosumaiyokweyo'mdeyo oo kaiya'nodomaiyokweyo'mdeyo wimo'nupino'mo womdo bwotonyo neya domjumovlavogaulo. Aki kevu yiuwi'nokai a'mwo abolo tobuurogai sumwoluko noullo wosungovlaiyo'moneyokwe kuruv womdo bwotonyo neya domjumovlavogaulo.

1 Joon 2:29

Kevu aro kuudo souromapi tov, Oo Krais tool pasudo idopto'nodo to'no yokweyoldeyo, kuudo souromapi tov yiuwi'nokai a'mwo abolo pasudo idopto'nodo mujumovla'mdupudo tonyuno aro kuudo nokwo youroma'mwalpinogaikikono. Oo a'mwo abolo su tobuuro Gooti toolluro kwoloraiyo me'no wimo'nodupudodeyo. Su toro kuudo nokwo youroma'mwalpinogaikikono.

1 Joon 2:3

Nevu Gooti toolluro yogalo adanekulloka tonyu kuvinono kuumjuna'ji tov nevnokwenolluno aro kuudo nokwo youromaranonogano. Oo nevu Gooti toolluno kuudo jouroma'mwakuuwono. Kuudo nokwo youromaranonogano.

1 Joon 3:7

Mi kwoloraiyobusukobuuravoo, a'mwo pworo kemi kuunano nyoukuu'naikudumwalpiyo. Toro kuvi kuruv aro kuudo to'gwowi jaurogaulo. A'mwo abolo pun pasudo idopto'nodo tonyu mujumovla'mdopure tovi wonopi kuudo youromapinogaikikono. Oo a'mwo abolo su ton Krais toolbusuko idopto'nodo wimo'nodupudodeyo. Kuudo youromapinogaikikono.