Luuk 1:48 - Gooti Toolluro Yogalokwono

⁴⁸ Aro tovinokwono. Nuu gamoro womdokwe bwolomoropinodamdo tobuunyu yovo nonaguto ku'mi kuruv kuudo me'no sanuurokaikono. Kuudo pun jaullulo. Yiuwi'nokai a'mwo abolo lukomgu imo'nugelabupino ton mino aro dupinogano. “Oo abolo su tovi sugudo bwotonyo tov kuubweyoka'mdeyo,” mino yiunokuudo su toro dumwalpinogano.

Luuk 1:48 ပူးပေါင်းရင်းမြစ်များ

2 Samwel 7:8

Aki nuu Jurogudo Kuunodo Gooti Yawenyuro yogalo agudumi akavi Devitollu duudono. “Nuvnokwe toonyu guu sipsip toorai gwo'gwo'womdo tomuu moduvomwalodore tekwoguji gumarono moro Isuraiyolda'ai a'mwo abolo tonyu a'mwo aguto yovokwe wimo'nyo'moneyokwe ajagubweyekugono.

Luuk 1:28

Toro te ensel tool Mariyaviyomno plaino sumaiyokwe aro abuudokaikono. “Ilaiyokwono. Aguto tool sugudo bwotonyo agubweyadopiko to'guuge amwallo.” Kuudokaikono.

Luuk 1:42

Toro kuullo'mowopiyoduke tovino tov Elisabetov Mariyavi guureji aro kuudokakwono. “Gooti tool yiuwi'nokai abolo tonyuda'ai yiuno guu judo to'guujuno to'no sugudo bwotonyo akav agubwemwallo. Aki gumoro sumwoluko tovi anakuuto tomuuda'ai kwolaiyo nyoma'bino su to kwollu kuruv sugudo bwotonyo tov kuubwemwallo.

Luuk 1:45

Mariyavoo, Aguto tool ensel toolluro mago tovi'aro gumi yogalo agudumoka tov kuvinono nogujumo'nonokwono. Aki guu ensel toolluro yogalo agudumoka su tovino kuudo kuubwemwakudo tovino tov Aguto tool sugudo bwotonyo tov nogubwemwalonekono.” Elisabetov toro kuudokakwono.

Luuk 1:49

Su tov aro tovinokwono. Jurogudo kuunodokwe tool numiyo'moneyokwe womdo aguto sanubweyokaikono. Toro toolluno yovo tov yiuno sugumaluko to'no imo'nodowodokwono.

Luuk 11:27

Jisasol toro wuudoduke toga a'mwo abolo kwolallo tonyu anakuuto tomuuda'ai abolo puruv Jisasollu deko aro suloduwopiyabokakwono. “Oo abolo gumi yogumaro'no amdo saguusoka tovi ilaiyo bwotonyo tov uuwo'dowodokwono.” Suloduwopiyabokakwono.