Luuk 1:22 - Gooti Toolluro Yogalokwono

²² Toro yourukwapiyodopure toga Sekoraiya'wol ilomoropiyo'moneyokwe ago tovida'ai kwa'mgu tomuu abolokwokaikono. Toro abolokwoka kwol kuruv kuuguudo jo'moneyokwe gamoro mago tov ku'nono maravokaikono. Toro toollu a'mwo abolo ton wonyuno sumaveyokwe kuudo sauropogano. Oo su tool Gooti toollu ilomoropiyo'moneyokwe ago tovi anakuuto tomuu duuwallo puvi me'no kwonmokaldeyo, kuudo sauropogano. Toro te Sekoraiya'wol yogaimajo mujomwekovla'mdowodo toga yiuno gami ato tokwe to'no subwasajukekono.

Luuk 1:22 ပူးပေါင်းရင်းမြစ်များ

Luuk 1:21

Toruda'ai Sekoraiya'wol Gooti toollu ilomoropiyo'moneyokwe ago tovi anakuuto tomuuda'ai yere mabolokwoduke toolluno a'mwo abolo sogwollo kwinyajupo ton kuudo kwolallo sourukwapiyopogano.

Luuk 1:23

Toro tool gami pris womdo tov me'no yopino sumaiyokwe gami ago tomuuno avlavokaikono.

Luuk 1:62

Toro wuujuno sumaveyokwe kwolaiyo toollu ganumiyago toollu wuudoganyo'moneyokwe tov kemi ato tokwe ibwaso'mno yamuugojo aro kwiyopogano. “Kwolaiyo muudoga su toolluno yovo tov ala'mwolo yowaranoldeyo?” Kuudoganopogano.

Joon 13:24

Toro mwalodore toonyu Saimoon Pital mido lugulonubwaso'no aro anyudokaikono. “Guu Jisasollu gamoro adumoka su tov ala'mwoldukoneyokwe tovino jamuugojono.” Anyudokaikono.

Kuurotokwe 12:17

Toro yodopure tonyu kavo mwalpino'moneyokwe Pital gami ato tokwe ibwaso'no kuullukurokaikono. Toro wuulluku'no sumaiyokwe aki Aguto tool wuulo killo'mo ago tovida'ai amollurolovomokamoka tovino kuudokaikono. Toro wuujuno sumaiyokwe aro amodapiyokaikono. “Kevu Jemseke'aro yiuwi'nokai Jisasolluro a'mwo abolo togai'aro tonyu mi anyumo'numoka akavino jodubwasulo.” Amodapiyokaikono. Pital toro me'no modapino sumaiyokwe surakuuto su tollugwoji wuugollu'mo'mno sumaiyokwe pumuuno avlavokaikono.

Kuurotokwe 19:33

Toro bi'bwo'nodopure tonyuro sumdollu toru amoruudoneyokwe Juu a'mwo pworo a'mwo pwollu aulomolletowopiyaporogano. A'mwo su toolluno yovo tov Aleksadalekono. Toro aulomolletowopiyapo toollu kwolallo su'bwo'nyajupo ton wono'mno kuudo sauropogano. Oo tabunyu sumo'nadopiko akav a'mwo su toolluro tovasuda'ai jumo'nadopiyo. Kuudo sauropogano. Toro yau'no sumaveyokwe Aleksadal kuuguudo pwekwo wuujo'mo tool kwolallo deko delowo'na'dopure tonyu gami ato tokwe duumjukullo'mo sokaikono.

Kuurotokwe 21:40

Toro kuudoganoka tovi a'mwo aguto su tool kuudokaikono. “Yowa'nogano, nokwo wuudubinekugono.” Toro wuujuno sumaiyokwe Poolol i'deko tovi muunyu toru sulodavokaikono. Toro iloda'mno sumaiyokwe gami ato tov bomokaila'no kwolallo deko delowo'na'dopure tonyu kavo amwalpureyokwe aduullukurokaikono. Toro duulluku'no sumaiyokwe kwolallo su ton mago maro'moulodopure toga Hibruu yogaljo tovida'ai kuuguudo kuudokaikono.