Luuk 1:13 - Gooti Toolluro Yogalokwono

¹³ Toro yoduke kwollu kuruv ensel tool aro kuudokaikono. “Sekoraiya'woloo, guu luko mibinono. Gumoro subusu'nyogalo dodumdo tovi Gooti tool me'no guu'nodowodekono. Toro te gumoro abolo Elisabetov kwolaiyo pwol nyomaronokwono. Kwolaiyo somaro'ji su toolluno yovo tov Joonolo mullowa'binekono.

Luuk 1:13 ပူးပေါင်းရင်းမြစ်များ

Muuduko 17:19

Eburaiyamol toro kuudoganoka kuvi kuruv Gooti tool aro kuudokaikono. “Awiyo, kwollu muubwemonyugono. Toro kuvi kuruv gumoro abolo Sarav kwolaiyo pwol nyomaronokwono. Toro somaro'ji toolluno Aisakolo yowa'binekono. Toro toollu moro subuu'yamju tov yiunokuudo uubwemekono. Aki gamoro jukweyago kwolaiyo kworaida'ai uubwemokwono.

Muuduko 18:14

Toro wuudoganyuno sumaiyokwe aro kuudokaikono. “Nuu Gooti Yawenyu yiuwi'nokai yo'mo nyunodowodo su ton jurogudo manyumo'nodowodonyugono. Toro te nuu aikomguda'ai kworomo tovi lobako akalbusuko me'no ajagubwemo toga Sarav kwolaiyo pwol me'no mulomwora'dowo'jure toga akawai'no aikomgu nomonyugono.” Kuudokaikono.

Muuduko 25:21

Rebekav kwollukokwono. Toro tovino tov Aisakol gami abolo tovino Gooti Yawellu subusu'nyogalo kuujajukekono. Subusu'nyogalo kuujajuko su tovi Gooti Yawel wuu'no'no Aisakolluro abolo tovi kwiyo'mwojokaikono. Toro kwiyo'mwojoka tovida'ai Rebekav kwolaiyo sumwoluko sumo'nokakwono.

Matyuu 1:21

Kwolaiyo somaro'ji su tool a'mwo abolo tonyu kemoro ma'no ma'nodo tovuro kirumwallo tovida'ai bomollurolovomokalokwiyo'moneyokwe imo'nonekono. Toro toolluno tov guvu Jisasolo yowa'binekono.” Aguto toolluro ensel tool Joosepollu su toro kuudokaikono.

Matyuu 14:27

Luko yo'mno deko toro dodopure kuvi kuruv Jisasol yere aro kuudokaikono. “Kemi poowokalago ton jurogudo nokwo jumo'nyulo. Nuu toonyu abadokwono. Toro te kavo domwallulo.” Kuudokaikono.

Matyuu 28:5

Toro kuvi kuruv ensel tool abolo tovallu aro kuudokaikono. “Kevu luko mibullunono. Nuu kuudo nyaikuu'mwakono. Kevu i'noguropte tovi amovoguroptowosumwa'jupo Jisasolluno a'mgono sadokuulo.

Kuuguudo Sugudo akav Makolluro sakwollokakwono Mak 16:6

Toro tonyu ensel kwonopo tool kuudokaikono. “Kevu luko mamollopipiyo. Kevu Nasaretda'ai Jisasollu i'noguropte tovi amovoromiyoguroptowosumwa'jupo toolluno sa'mgonadokwopo kwol kuruv me'no aduka'mokaikono. Akawai mwoso. Gamoro aboulomorosumwa'jupo su toru doonyulo.”

Luuk 1:14

Toro toolluno guu ilaiyo ibwosunbinekugono. Aki a'mwo abolo bwotonyago kun kuruv kwolaiyo somaro'ji su toolluno ilaiyo ipinogano.

Luuk 1:30

Toro yourukwapiyoduke tovi ensel tool aro kuudokaikono. “Mariyavoo, guu luko mibinono. Gooti tool gumino ilaiyo bwotonyo amagujadopiyo.

Luuk 2:21

Aki 8-pela iruko tobuul me'no abawoka toga kwolaiyo muudoga toolluro lakulkulako tov amadovopekono. Me'no mado'mno sumaveyokwe toga yovo Jisasolo sowaropekono. Yovo su tov sumdomgu gami ganeyago tovuro sumwoluko tovi yere mimo'noduke kugada'ai ensel tool yovo su tov me'no kwiyokaikono.

Kuurotokwe 10:31

Toro boda'mno sumaiyokwe aro anyudumwa'jukekono. “Kooniliyosoloo, gumoro subusu'nyogalo ilodopiyodamdo tonyu Gooti tool me'no guu'nodowodekono. Aki a'mwo abolo apoo'nyaiyo tobuurai yasuwa'no wiyodumdo tovino me'no gwonodowodekono. Gumoro su toro yodumdo tonyuno Gooti tool kuudo miyallulo'gwonodowo me'no youroguma'dowodekono.” Anyudumwa'jukekono.