Aki a'mwo kwolabolo su teyaulluro ago tovida'ai Jisasolluro mollu'bwoto i'bwo'nodupudo su tonyuno nuu, “Ilaiyokwonoo,” adopiyamono. Aki moro ibwoto'nyo kuunodo Epainetosollu, “Ilaiyokwonoo,” adopiyamono. Kwako Esiya tomuuda'ai ton Krais toolluno kuudo yere muubweyodopure toga a'mwo su tool kwolda'ai kuubweyokaikono.
Kooloosi 4:15 - Gooti Toolluro Yogalokwono15 Nuu Leyadisiyada'ai Jisasolluro a'mwo abolo mi nyugwai'yago nyo'mwo tonbusuko nyumo'nodupudo tobuurai, “Ilaiyokwono,” adopiyamono. Aki abolo puvino yovo tov Nimfavokwono. Abolo su tokwe'aro aki Jisasolluro mollu'bwoto tobuuro abolo su tovuro ago tovi i'bwo'nodupudo togai'aro tonyu, “Ilaiyokwono,” adopiyamono. Moro, “Ilaiyokwono,” adopiyamo akav a'mwo abolo su tonyu duujulo. အခန်းကိုကြည့်ပါ။ |
Kooloosi 4:15
6 ပူးပေါင်းရင်းမြစ်များ
Su tov aro tovinokwono. Wagwolago akavi mi ikomago bwotonyago tooro mwalodupudorogano. Toro kuvi kuruv wagwolago akavi anakuuto tomuu womdo bwotonyo yo'moneyokwe Gooti tool mi kudo'aiko me'no ausanubweyokaikono. Toro tovino tov nuvu akawai mwalo'mi womdo me'no sopimi toga'no'gwowi lukomgu ago pumuuno nokwo pla'monyugono.
Kevu aro tovino kuudo neya jouromarogaulo. Nuu moro yiuwi'nokai kuullutago tokwe kemino kuudo you'movla'mdumdonyugono. Aki Leyadisiyada'ai Jisasolluro mollu'bwoto togai'aro aki Jisasolluro a'mwo abolo mi mabonyuru'ma'dupudo togai'aro aki kevuge'aro kevu yiuwi'nokai togaikullu nuu ikullo'mwojo'moneyokwe guureji you'movla'mdumdonyugono.
Kevu duu'nyulo. Nuvnokwe toonyu a'mwo su toolluro kemi ikullo'mwojo'mo womdo guureji yodowodo tovi me'no muugona'dumdonyugono. Aki Jisasolluro a'mwo abolo ton wagwolago Leyadisiyakwe'aro wagwolago Hirapoolesokwe'aro tovallu mwalodupudo kunyu kuruv wiyo'mwojo'mo womdo tov guureji yodowodekono. Epafrosolluno tov torokwono.
Kevu Kooloosida'ai a'mwo abolo togaikul pas akavi neya mojagilpinogaikikono. Kevu pas akavi me'no mojagilopi lukomgu Leyadisiyada'ai Jisasolluro mollu'bwoto tonyomno neya morapipinokwono. Aki moro pas puruv Leyadisiyada'ai tobuurai sumdomgu me'no sokwollapiyonyugono. Pas su tovi kev kugaikul kuruv neya domojagillulo.
Aki pas akav nami nallo'mwo to'busuko imo'nodowodo Apiyakwe'aro aki a'mwo Arkiposeke'aro tovakullomno sokwollekwopiyamawolo. Arkiposol navubusuko Krais toolluro mollurogudo pwolbusuko imo'nodowodekono. Aki yiuwi'nokai Jisasolluro mollu'bwoto tovida'ai a'mwo abolo gumoro ago tovi i'bwo'nodupudo kubuuraino kuruv pas akav sokwollekwopiyamawolo.
ကြော်ငြာတွေ