Juut 1:5 - Gooti Toolluro Yogalokwono

⁵ Kuudo puruv kevu sumdomgu me'no souromallajupo tovi aki aiko te kuudo yaupino'moneyokwe ikudumo'mokwono. Aiyoga Aguto tool Isuraiyolda'ai a'mwo abolo tonyu kwako Ijupda'ai abomollurolovomokalokwokaikono. Toro kuvi kuruv lukomgu avalo su tool Isuraiyolda'ai a'mwo abolo kuudo muubweyodopure tonyu kaiyako amollounapiyokaikono.

Juut 1:5 ပူးပေါင်းရင်းမြစ်များ

Mollurolovomato 12:51

Aki Gooti Yawel iruko su tollugwoji Isuraiyolda'ai go'no go'nodo iko tovasuda'ai a'mwo abolo tonyu kwako Ijupda'ai abomollurolovomokalokwokaikono.

Room 15:15

Toro kuvi kuruv kevu kavlo punyuno kuudo nyallulo'gwonmwalpiyokwe moro kuudo yau'dumdo pun kemiyo'mo puukwollo akavi sokwollaikubwemono. Gooti tool gavnokweyolluro yasuwa'wino sugumaluko tollugwo me'no nubweyodowodo tovino tov nuu moro kuudo yau'dumdo tonyuno yiulo puru'monodo kuruv miyoupuurosumonyugono. Toro kwonyu kuruv yiuwi'nokai ton kemiyo'mo puukwollo akavi sokwollaikubwemono.

Hibruu 3:16

Kevu kuudo pun jaullulo. A'mwo abolo Gooti toolluro yogaimaguurai tovi wuu'no'mno kisuvolo kwiyajupo su ton ala'mwovodukono? A'mwo abolo su ton Moosesol kwako Ijupda'ai abomokalokwoka togano.

2 Pita 3:1

Kevu moro kalo buuropino nyunodowodo tobuurekullu nuu sumdomgu pas puruv me'no sokwollekwopiyabonyugono. Toro te aga pas lukomguda'ai akakwe'aro sokwollekwopiyamono. Toro te pas su tovallu aki aiko te kuudo neya jaurogaulo. Toro saupi tomgu'aro kemoro kuudo idopto'nodo tonyuno ikuduka'bwollo'moneyokwe sokwollekwopiyamono.

1 Joon 2:20

Toro kuvi kuruv kemino'gwowi Gooti toolluro Kuullo kuulemovaikubweyoduke toollu me'no maro'mno aga yiuwi'nokai togaikul nebal'no yogalo tovino kuudo youroma'dupudogaikikono.

1 Joon 2:21

Toro te nuu kemi puukwollo sokwollekwopiyamwako tov kevu nebal'no yogalo tovino kuudo maiyokwe togaikulluno'mo'maiyo. Toro kugaikul kuruv kevu nebal'no yogalo su tovino'gwowi me'no youroma'dupudo togaikullomno nuu pas akav sokwollekwopiyamwakono. Aki nebal'no yogalo su tovi akuuto tomuuda'ai kuunano yogalo puru'monodo kuruv malokabodowodokwono.