Joon 9:31 - Gooti Toolluro Yogalokwono

³¹ Nevu aro tovino kuudo me'no youroma'dowadonogano. Oo a'mwo ma'no ma'no yodopure toorai Gooti tool kaduko mwiyokwekono. Toro kuvi kuruv a'mwo pwol Gooti toollu ilomoropiyawo'ji gamoro ilaiyo winodowo'jure tovi kuumjuno'ji su toolluno'gwowi Gooti tool kaduko wiyokwekono.

Joon 9:31 ပူးပေါင်းရင်းမြစ်များ

Muuduko 19:29

Toro te Gooti Yawel wagwolago kwako wora'maluko wo'dupudo tonyu toro amollounapiyokaikono. Aki Gooti Yawel Lootolluro amwallajuko towai kaiyako amollounapiyoka toga Lootolluro ganumamwolo Eburaiyamolluno kuudo saurokaikono. Toro yau'no sumaiyokwe Lootol kwako su towai nobolo'jokweyo'mo pumuuno amorapiyokaikono.

Muuduko 20:7

Toro te aga guu abolo su tovi gami kwolo toollomno aikomgu neya domorapiyono. Gamoro kwolo tool moro proofet pwekono. Toro tool guu nobolbiyokweyo'mo mi subusu'nyogalo anyudo'ji tov mabolbinekugono. Toro kuvi kuruv guu abolo tovi aikomgu mamorapibi to'gwowi nobolbinekugono. Aki guuge avalo kugai'aro yiuwi'nokai togaikul nobolpinogaikikono.” Kuudokaikono.

Joon 11:22

Aki aro kuudo sau'mwakono. Aga kuga kuruv bwiyo su tekwojuno guu Gooti toollu buro'nyo buro'nyodeyo puvino kuudoganbi tov nokwo gujabwonekono.” Kuudokakwono.

Joon 15:16

Kevu mi miyenyubworonumaroporekikono. Toro kuvi kuruv nuvno'gwowi kemi yenyubworekumarono me'no ajaikubweyorekikono. Toro ajaikubweyo su tov kevu plavopi moro womdo tovi imwalpino'moneyokweyokwono. Aki moro womdo su tovi amjumovlapi tovi'aro ikulsulo yiunokuudo mujo'movlaiyo'moneyokwe tollovo neya de'nogaulo. Su tov aro tovinokwono. Kevu moro Nyunumiyago toollu mino yovo tovida'ai buro'nyo buro'nyo tonyuno kuudoganpi tov kuvinono nomollumo'nekubweyabwonekono.

Joon 4:34

Toro yajunodopure toorai Jisasol aro sovo'dogaluudokaikono. “Mi amonuwopiyaboka Gooti toolluro ilaiyo winodowo'jure tovi uumjunyo'moneyokwe tov moro wosamujuko to'busuko nyumo'nodowodokwono. Aki gamoro womdo tovi yopiyo'mo kuruv moro wosamujuko to'busuko nyumo'nodowodokwono.

Joon 7:17

Toro te a'mwo pwol Gooti toolluro ilaiyo winodowo'jure tovi uumjunyo'mo kwino'ji su tool aro tovino kuudo youreyo'mgonomaronekono. Moro yodubwasodumdo tov Gooti toolluda'aiyo'mdukono oo nuvnokwenyuro kuudo tovida'aiyo'mdukono, su toro tovalluno kuudo tov kuvinono nyouromaronekono.

Joon 9:30

Toro kuudopo tovino a'mwo sumnowojokwe sukuloka tool aro kuudokaikono. “Kemoro yogalo anyudumapo su tovino mollolokurosi sumwakono. Kevu moro sumdo tovi kinyo'moneyokwe anyukuloka a'mwo su toolluno aro anyudumwakovo. “Gadomuuda'ai abokaldukoneyokwe tovino kuudo miyau'dowadonogano.” Anyudumwakovo.

Joon 9:32

Toro te aiyoga kwako akav muudu'no sumo'noka togada'ai a'mwo pwolnodo kwol kuruv sumnowojokwe toorai ikullo'mo tov nonagutomuugono.

Hibruu 10:7

Su toro toga nuu toonyu guu Gooti tookuji aro agudonyugono. “Oo Gootoloo, donuu'nono. Nuu gumi ilaiyo gujunodowodo tovi uumjunyo'mo abonyugono. Toro toonyuno Moosesolluro loowokwe buukiyo tovi puukwollo puruv me'no sokwollosungikokwono. Toro sokwollosungiko tomgu'aro kuvinono uumjunmonyugono.” Toro agudonyugono.” Kuudokaikono.