Joon 8:45 - Gooti Toolluro Yogalokwono

⁴⁵ Nuvno'gwowi nebal'no yogalo to'no ikudodumdonyugono. Toro ikudodo'mure kuvi kuruv kevu kuudo manubweyodupudorekikono.

Joon 8:45 ပူးပေါင်းရင်းမြစ်များ

Joon 18:37

Jisasol toro wuujuno sumaiyokwe toga Pailatol aro kuudokaikono. “Guu a'mwo aguto kig pwekudukono?” Toro kuudoka tovi Jisasol aro kuudokaikono. “Mino tov, a'mwo aguto kig pwekono, anyudadokuudo su tov guvnokwe tooku kuvi anyudadokuuno. Nuvno'gwowi kwako akavi sonumaropo tov womdo yiuno puru'mono yo'moneyokwe tovino kwolabonyugono. Womdo su tov arokwono. Nuu nebaikuuguudo tokwe kuu'maiyo toru'no moruudomollo'moneyokwe kwako akavi kwolabonyugono. Toro te yiuwi'nokai a'mwo abolo nebaikuuguudo tokwe molluulnoda'mdupudo ton mi kaduko nyabodupudogano.” Kuudokaikono.

Joon 7:7

Neya duu'nyulo. Kwako akavida'ai a'mwo abolo mwalodupudo ton kemino surodo yo'moneyokwe kavlo puruv nonagutogano. Toro kuvi kuruv nuu toonyuno'gwowi a'mwo abolo su tonyuro ma'no ma'no pasudo mujumovla'mdopure tonyu kuu'maiyo toru dodolubweyodumdonyugono. Su toro tovino tov numino surodo wuunodupudogano.

Joon 8:46

Nuvu ma'no ma'no pasudo miyodumdo toonyu kemida'ai pwolnodo kwol kuruv mi ku'nono mamojokuu'nanubweyonekono. Aki nuvu yiuno nebal'no yogalo to'no ikudodumdo toonyuno tov kevu kuudo me'no anubweyopujukorekikono. Toro kworekul kuruv ku'nono manubweyodupudorekikono.

Galesiya 4:16

Toro kuvi kuruv aga yogalo nebal'nodo akakwe kemi amojurogolekumolladokwono. Toro mojurogolekumollodo'mure tovi'aro kevu mino aro kuudo nyanuupiyo. Oo a'mwo su tool nemi ikomago donekullumo'nadopiyo. Kuudo nyanuupiyo.

2 Tesaloonaika 2:10

Toro abiyalo'no'ji toolluro kirovanyuvanyu womdo su togai a'mwo abolo puuto kaiyako i'nopiyo'moneyokwe tovi pla'mdupudo tonyu youkuu'nuudonekono. A'mwo abolo su ton kemi ma'no ma'nodo tovuro kirumwallo tovida'ai birolo'nugolokwiyo'moneyokwe nebaikuuguudo tovino kalo buuropino nokwo amollopujukogano. Toro kun kuruv biyolo to'no uu'mwojodupudogano. Su ton kaiyako yiunokuudo i'nopipinogano.