Joon 8:28 - Gooti Toolluro Yogalokwono

²⁸ Toro tonyu Jisasol aro kuudokaikono. “Kevu A'mwo Kwolaiyo Kuunodo toonyu i'noguropte tovi me'no sulomejukuranubwepi toga mino aro kuudo yanuupinonyugono. Oo su tool Krais tooldeyo. Aki toro tool gavnokweyolluro kuudo tovi muumjunodowodo kuvi kuruv yiuno gami Ganumiyago toolluro yodubwasodowo'jure tokwe to'no moruudodowodoldeyo. Kevu mino su toro kuudo nyouronumapinonyugono.

Joon 8:28 ပူးပေါင်းရင်းမြစ်များ

Mollurolovomato 3:14

Toro kuudoka tovi Gooti tool Moosesollu kuudokaikono. “Nuu Kwonyugoneyolo toonyugono. Toro te guu Isuraiyolda'ai tonyu aro wuudubinekugono. “Gooti toolluno Nuu Kwonyugoneyolo dodupudo su tool mi kemino amonuwopiyamokanyugono.” Toro duudono.”

Matyuu 24:5

Lukomgu a'mwo kuunano youkuu'najokwe bwotonyago tooro nobupinorogano. Toro tooravuro pwol bowo'ji moro yovo tokwe yowa'nowo'ji aro donekono. Nuu Krais toonyugono. Aki pwol puga bowo'ji aval'no biyoukuu'naikudonekono. Bwotonyago tooro tono tono biyou'kuu'naikudupinorogano.

Kuuguudo Sugudo akav Makolluro sakwollokakwono Mak 13:6

Lukomgu a'mwo bwotonyago pworo youkuu'naikujo'mo tooraida'ai pwol bowo'ji donekono. “Nuu Krais toonyugono.” Aki gabovo pwol puga bowo'ji aval'no baikudonekono. Bwotonyago tooro tono tono biyou'kuu'naikudupinorogano. Toro tooro moro yovo tovida'ai a'mwo abolo bwotonyago tonyu youkuu'nuudupinorogano.

Luuk 21:8

Toro samuugojopo toorai Jisasol kuudokaikono. “A'mwo pwol kuunano nyoukuu'naikudo'jokwe tovino kevu wako neya dou'nogaulo. Lukomgu a'mwo bwotonyago tooro kemi youkuu'naikujo'mo tooraida'ai pwol bowo'ji ikudonekono. “Nuu Krais toonyugono.” Aki pwol puga bowo'ji aval'no baikudonekono. Bwotonyago tooro tono tono biyoukuu'naikudupinorogano. Toro tooro moro yovo tovida'ai a'mwo abolo bwotonyago tonyu su toro youkuu'nuudupinorogano.

Joon 11:42

Aki guvu yiuwi'nokai toga moro subusu'nyogalo gudodumdo tovi me'no nuu'nodumdekugono, kuudo yaguu'dumdonyugono. Toro kuvi kuruv a'mwo abolo adakwopo akan gumoro amonuwopiyabodo toonyuno kuudo neya anubwepureyokwe tovino agudumono.” Kuudokaikono.

Joon 13:19

Toro tov yere mimo'noduke akagada'ai nuu me'no aikudumonyugono. Toro aikudumo su tovino lukomgu imo'nodowo'jure tovi kevu wonopi aro kuudo yanuupinorekikono. Oo nebalo'mdeyo, Krais tool kwoldeyo. Su toro kuudo yanuuropi mino kuudo nokwo nubwepinorekikono.” Kuudokaikono.

Joon 16:10

Aki nuu mi Nyunumiyago toollomno sulami togada'ai kevu mi aki aiko te manuwonmwalpinonyugono. Toro tovino tov Kuullo su tool sugupasudo tovino kuu'maiyo toru wuuduuwallumwalonekono.

Joon 18:32

Juu tooravuro yogalo kuudopo su tov aro tovinokwono. Sumdomgu Jisasol gamoro nyabollo'moneyokwe tovino me'no kuujajukekono. Toro kuujajuko su tovi suuwiyo kuvinono imwojo'moneyokwe tov Juu tooro Pailatollu yogalo su tov kuudoporogano.

Joon 19:18

Kwako su toru Jisasollu amovoromiyoguroptowosopekono. Toro movoromiyoguroptowosuno sumaveyokwe a'mwo pworake'aro amovoromiyoguroptowosoporogano. A'mwo su tooralluro pwollu Jisasolluro anatomgu pwollu kwonamomgu amovoromiyoguroptowosoporakono. Toro movoromiyoguroptowosuno sumaveyokwe Jisasollu akuuto toru amovoromiyoguroptowosopekono.

Joon 3:11

Nuvu nebal'no kuunodo aro gudumo'mokwono. Aga toga nevu kuudo me'no youroma'dowado tonyuno to'no jokwenogano. Aki yiuno sumdo muugona'dowado tonyuno to'no kuu'maiyo toru'no dodoluwosokwenogano. Toro kuvi kuruv nemoro dodoluwosodowa'jure su tonyuno kevu buulo to'no uugunyumopiyodupudorekikono.

Joon 3:14

Aiyoga Moosesol kwako a'mwomaiyo kuu'maiyo toru aiyon sallukwa'jo gabakuto toollu iko tovi kuuruubidapiyoka to'busuko kubalno A'mwo Kwolaiyo Kuunodo toonyu aval'no nyopi iko tovi monyuruubidapipinonyugono.

Joon 4:26

Toro kuudoka tovi Jisasol aro kuudokaikono. “Gooti toolluro ikullo'mwojo'moneyokwe ajesoka Krais su tool nuvnokwe agudumwako toonyu kwonyugono.” Kuudokaikono.

Joon 5:19

Toro te Jisasol Juu su toorai aro kuudokaikono. “Nuu nebal'no kuunodo ikudumo'mokwono. Gooti toolluro Kwolaiyo toonyu nuvnokwenyuro kuudo tovida'ai womdo miyokwenyugono. Toro kwonyu kuruv yiuno mi Nyunumiyago toolluro womdo yodowo'jure tovi wonoma'dumdo tovida'ai to'no womdo aval'no yokwenyugono. Kuudo neya jaullulo. Nyunumiyago su tool burowo'nyo burowo'nyo womdo ton so'ji tov gamoro Kwolaiyo kwonyu kuruv womdo su tonyu aval'no yokwenyugono.

Joon 5:30

Nuvu nuvnokwenyuro kuudo tovida'ai womdo miyodumdonyugono. Toro kuvi kuruv mi Nyunumiyago toolluro yogalo nyudodowo'jure tovi kuumjunmi tovi'aro to'no kooti yogalo wuu'no'mi jainyubwo'dumdonyugono. Aki neya duu'nyulo. Nuvnokwe toonyuro kuudo tovi uumjunyo'mo manyunodowodonyugono. Toro kwonyu kuruv yiuno mi amonuwopiyaboka toolluro ilaiyo winodowo'jure tovino'gwowi kuvinono uumjunyokwenyugono. Toro tovino tov nuu kooti yogalo tovi pi'mwono to'no jainyubwo'dumdonyugono.”

Joon 6:38

Neya duu'nyulo. Nuvu muunyu kai'muuda'ai kwolabo tov nuvnokwenyuro kuudo tovi uumjunyo'moneyokwe kwolabonyumaiyo. Toro kwonyu kuruv mi Nyunumiyago amonuwopiyaboka toolluro ilaiyo winodowodo tonyuno'gwowi kuvinono uumjunyo'moneyokwe kwolabonyugono.

Joon 8:24

Su toro tovino tov nuvu aro me'no aikudumonyugono. Kevu kemi ma'no ma'nodo ton kuuno ikwo'dowo'jure toorekul nobolpinorekikono. Neya duu'nyulo. Nuu aro ikudodumdonyugono. Krais tool nuu kwonyugono. Moro su toro ikudodumdo tovi kuudo manubwepi tov kemoro ma'no ma'nodo ton kuuno ikwo'dowo'jure tovida'ai nobolpinorekikono.” Kuudokaikono.

Joon 8:27

Toro kuudoka kuvi kuruv a'mwo abolo su ton aro kuudo miyouromallajupogano. Oo Jisasol gami Ganumiyago muunyu kai'muuda'ai toolluno donekudadopiyo. Kuudo miyouromallajupogano.

Joon 8:58

Toro kuudopo toorai Jisasol aro kuudokaikono. “Nuu nebal'no kuunodo ikudumo'mokwono. Eburaiyamol yere mimo'noduke kugada'ai me'no amwallajuko tool nuu kwonyugono.” Kuudokaikono.

Kuurotokwe 2:41

Pital toro moruudoduke tovida'ai a'mwo abolo pun wuu'nodupu, “Oo nebalo'mdeyo” kuudo yau'dopure ton wonyo kuuvollunopogano. Toro te a'mwo abolo iruko avalo su tollugwojuda'ai kuudo kuubweyopo ton 3,000 a'mwo abologano. Toro ton sumdomguda'ai Jisasolluro a'mwo abolo tonyu uuguro'mwonyo'mno yiuno puru'mono sumo'nopogano.

Kuurotokwe 4:4

Toro kuvi kuruv a'mwo kuurotokwe su toorallu yere mamerosodopure toga a'mwo abolo tono'gwowi kuuguudo sugudo tovi me'no kuu'nopogano. Toro kuu'nopo tonyuro bwotonyago pun, “Oo nebaloldeyo,” do'mno kuudo kuubweyopogano. Su toro togasuro Jisasolluro a'mwo abolo ton 5,000 kwolallo tomgu'aro sumo'nopogano.

Room 1:4

Toro tool me'no aboloka toga Gooti tool aiyo aiko te amodukavokaikono. Toro amodukavoka tovino jurogudo kuunodo tomgu'aro Gooti toolluro Kuullo tool kuu'maiyo aro anekuduuwalladopiyo. Nemi Aguto Jisas Kraisol Gooti toolluro Kwolaiyo kuunodekono.