Joon 7:37 - Gooti Toolluro Yogalokwono

³⁷ Toruda'ai lubullu doto tovuro aiyowo'mo iruko aguto tollugwoji Jisasol iloda'mno sumaiyokwe guureji aro amoruudokaikono. “A'mwo pwol wonyo'mo kuuleyaluko kwino'ji su tool miyomno neya abwono. Toro abwo'ji toollu nuu wonyo tov nuuwimonyugono.

Joon 7:37 ပူးပေါင်းရင်းမြစ်များ

Matyuu 11:28

Jisasol toro wuujuno sumaiyokwe toga aki a'mwo abolo tonyu aro kuudokaikono. “Kevu yiuwi'nokai womdo imo'na'dupu burawo yodupudo togaikike'aro tagunyo mollukwo'mdupudo togaikike'aro togaikul miyomno dobilo. Toro abupi togaikullu nuvu iruko mwalmwalpino'moneyokwe tov nekubwemonyugono.

Matyuu 3:3

Aiyoga proofet Aisaiyal a'mwo pwolluno ajakwolloka tov Wonyo Galuvollokwe Joonol kwekono. Aisaiyal Joonolluno adoka tov arokwono. “Kwako a'mwomaiyo kuu'maiyo tomuu a'mwo pwolluro deko tov aro dodowo'jure toollu wuu'nupinekono. Oo Aguto tool nobaiki'mowono toollo'mo jovo'dogallunyulo. Toro toolluro puuto tov ido'nyuno jovo'dogalubweyulo, dodowo'jure wuu'nupinekono.” Aisaiyal su toro ajakwollokaikono.

Matyuu 5:6

Aki a'mwo abolo sugudo to'no mujumovlaiyo'mo winodupudo ton ilaiyo nokwo ipinogano. Su tonyu Gooti toolluro sugumaluko tollovogai nyutovoubweyonekono.

Joon 1:23

Toro kuudopo toorai Joonol proofet Aisaiyalluro yogalo ajakwolloka tovida'ai aro kuudokaikono. “Nuu tekwonyu kwako a'mwomaiyo kuu'maiyo tomuu aro moruudomollodumdonyugono. “Aguto tool abaiki'mowo'ji toolluno'mo jovo'dogallunyulo. Toro toolluno puuto tov ido'nyuno jovo'dogalubweyulo.” Toro moruudomollodumdo tekwonyugono.” Kuudokaikono.

Joon 14:6

Toro kuudoka tovi Jisasol aro kuudokaikono. “Nuvnokwe toonyu puutonyugono. Aki nuu yogalo nebal'nodonyugono. Aki nuu aiyo yiunokuudo mujomwekovlaiyo'moneyokwenyugono. Toro te a'mwo pwolnodo kwol kuruv moro Nyunumiyago toollomno biyo'mo kwino'ji tool puuto pumgu'aro abwo'ji tov ku'nono mabai'mowonekono. Toro kwol kuruv yiuno numi'aro abwo'ji toolno'gwowi nokwo bai'mowonekono.

Joon 4:10

Toro te abolo tovuro yogalo kuudoka su tovi Jisasol aro kuudokaikono. “Guu Gooti toolluro yasuwa'wino gumi gujabiyo'moneyokwe tovino kuudo miyouroma'dumdo'guugono. Aki nuvu wonyo'mo agudoganmwako toonyuno kuudo kuruv miyouronuma'mwakuno. Guu su toro tovalluno kuudo souromaro'bujuko'mno'juki moro wonyo tovino guu nokwo anyudogano'bujuko'guugono. Guu kuvinono anyudogano'bujuko'mno'juki nuvu aiyo yiunokuudo mujomwekovlaiyo'moneyokwe wonyo tov nokwo agujabo'mujukonyugono.” Kuudokaikono.

Joon 4:11

Toro wuujuno sumaiyokwe abolo tov aro kuudokakwono. “A'mwo agutoloo, guu wonyo luviromallo'moneyokwe baketo tov nonagutekugono. Aki wonyo buugo alsovomwollosungiko akalluro i'numdo tov bwotonyokwono. Toro te aiyo mujomwekovlaiyo'moneyokwe wonyo su tov gadomuuda'ai ma'binekudeyo?

Joon 4:14

Toro kuvi kuruv a'mwo pwol moro wonyo kwimi tovida'ai ano'ji su toolno'gwowi wonyo'mo kuuleyaluko yiunokuudo mwinmwalonekono. Wonyo kwimi su tov gamoro poowokalago tovi anakuuto tomuu wonyo sumdo to'busuko ilowilovabodowo'jure tovida'ai aiyo yiunokuudo mujomwekovla'mwalonekono.” Kuudokaikono.

Joon 5:40

Aki kevu Gooti toolluro yogalo su tonyu mojagilodupudo kugaikul kuruv aiyo yiunokuudo mujomwekovlaiyo'moneyokwe tovi mallo'mo to'gwowi miyomno mabodupudogaikikono.

Joon 6:35

Toro kuudopo tonyu Jisasol aro kuudokaikono. “Bret aiyo yiunokuudo mujomwekovlaiyo'moneyokwe wiyodowodo su tool nuu kwonyugono. Toro te yiuwi'nokai a'mwo abolo numiyomno abupi su ton mujuko mwinpinogano. Aki mino kuudo anubwepi su ton kuuleyaluko mwinpinogano.

Joon 6:37

Toro kuvi kuruv moro Nyunumiyago toolluro yiuwi'nokai a'mwo abolo anyaboka tono'gwowi miyomno kuvinono nobupinogano. Su toro abupi tonyu nuvu mamovomjapimwalmonyugono.

Joon 6:55

Su tov aro tovinokwono. Moro kulako tov aiyo yiunokuudo mujomwekovlaiyo'moneyokwe wosamujuko kuunodokwono. Aki moro mujako tov aiyo yiunokuudo mujomwekovlaiyo'moneyokwe wonyo kuunodokwono.

Joon 7:28

Toro yajunodopure toga Jisasol Jeruusalemda'ai Gooti toollu ilomoropiyo'moneyokwe ago tovuro agwapto toru yodubwaso'no yogalo guureji aro amoruudokaikono. “Kevu numino aro kuudo yanuu'dupudogaikikono, Oo a'mwo su tool kwoldeyo. Aki toro tomuuda'ai abokaldeyo. Kevu mino su toro kuudo yanuu'dupudo kuvi kuruv nuvnokwenyuro kuudo tovida'ai abonyumaiyo. Mi Nyunumiyago toolno'gwowi amonuwopiyabokanyugono. Su tool nebal'nodekono. Toro toolluno kevu kuudo miyau'dupudogaikikono.

1 Koorin 10:21

Kevu Aguto toolluno kuudo yaullo'moneyokwe wain wonyo kapwo tovi surosungiko tokwe'aro aki kuullo ma'no ma'nodo tooraino kuudo yaullo'moneyokwe wain wonyo kapwo tovi surosungiko tokwe'aro su tovallu avalo toga nonumwalpiyo. Aki kevu Aguto toolluno kuudo yaullo'moneyokwe wosamujuko tokwe'aro kuullo ma'no ma'nodo toorai ilomoropiyo'moneyokwe wosamujuko tokwe'aro tovallu avalo toga nonumwalpiyo.

1 Koorin 10:4

Aki muunyu kai'muuda'ai wonyo kuruv Gooti tool gavnokweyolluro jurogudo tokwe wiyoduke tovida'ai yiuwi'nokai su ton aval'no anyajupogano. Wonyo su tov muunyu kai'muuda'ai sulo bwotonyo pwol a'mwo abolo su togai somollajuko toolluda'ai ilowilovaboduke anyajupogano. Sulo su tool Krais tookono.

1 Koorin 11:25

Toruda'ai Jisasol bret amaroka to'busuko kubalno kapwo puruv wain wonyo tokwe surosungiko tov amarokaikono. Toro malluno sumaiyokwe gami uumjunyokwe toorai aro kuudokaikono. “Kapwo akav moro mujako tovino'busuko surosungikokwono. Moro mujako bwolawono su tov Gooti toolluro subuu'yamju muuduko puruv imo'nonokwono. Toro te buro'nyo buro'nyoga'deyo toga kevu kapwo tovida'ai anpi tov moro mujako bwolawono tovino aki aiko te kuudo neya yau'mwalpinogaikikono.” Kuudokaikono.

1 Koorin 12:13

Toro te Gooti toolluro Kuullo tool kulako puru'monodo su tovi moguro'mwojanekubweyo'moneyokwe nemi wonyo to'busuko mogalanekuvollodowodekono. Su toro me'no moguro'mwojanekubweyodowodo tonol nevu kulako su tovuro suvlatodeyo judo'no judo'nodo tonbusuko imo'nodowadonogano. Nevu Juuwonoldeyo oo Juu tooravuro miyanekuuwosunodupudonoldeyo tonogai'aro aki ki'nato womdo yodowadonoldeyo oo ki'nato womdo tovida'ai me'no birolo'nugolokwodowadonoldeyo nevu yiuwi'nokai tonollu Gooti toolluro Kuullo avalo pwolnodo su tool me'no kuulonekumwalodowodonogano.

Efesos 5:18

Aki kevu wain wonyo bwotonyago anpi tovida'ai amomo yopi kaiyako nyaikullugolo'jokwe nonumwalpiyo. Toro kuvi kuruv kemoro poowokalago tonyuno'gwowi Gooti toolluro Kuullo toollu uumjungovlaiyo'moneyokwe kuudo to'no neya aullo'movaikwopiyogawono.

Adodolukuu'nosungiko 21:6

Toro juno sumaiyokwe aki yogalo puruv aro anyudokaikono. “Me'nogano. Nuu Muudu'nodo Kuunodolenyugono. Aki nuu Aiyowo'mo Kuunodolenyugono. Yiuwi'nokai muudu'no imo'nodupudo ton nuu kwonyuda'ai imo'nodupudogano. Aki yiuwi'nokai aiyowo'mo nyumwogapiyo'mo ton nuu kwonyuda'ai imwogapiyodupudogano. Toro toonyu yiuwi'nokai a'mwo abolo wonyo'mo kuuleyaluko kwinpi su tonyu aiyo yiunokuudo mujomwekovlaiyo'moneyokwe wonyo sumdo ilowilovabodowo'jure tovida'ai nuu wonyo tov yasuwa'no nuuwimonyugono.

Adodolukuu'nosungiko 22:1

Toruda'ai ensel tool wonyo bwotonyo puvi anyuduuwallokaikono. Wonyo su tovi a'mwo abolo anpi tonyu aiyo yiunokuudo mujomwekovlaiyo'moneyokwe wiyodowodokwono. Aki toro tov gles to'busuko lekuropiyodowodokwono. Wonyo su tov Gooti tooke'aro Sipsip Muugunyo tooke'aro tooralluro sia kig mwalodubulo tomuuda'ai lokabodowodokwono.

Adodolukuu'nosungiko 22:17

Gooti toolluro Kuullo tooke'aro aki Sipsip Muugunyo toolluro abolo nomallo'mo tokwe'aro toval aro dodubulovakono. “Oo kevu Krais toollomno dobogaulo.” Dodubulovakono. Aki yiuwi'nokai a'mwo abolo kuuguudo akavi kaduko kwipi kun kuruv aval'no aro neya adupuro. “Oo Krais toollomno dobogaulo.” Adupuro. Aki a'mwo kuuleyaluko kwino'ji tool Krais toollomno nokwo abwono. Aki yiuwi'nokai a'mwo abolo ton wonyo aiyo yiunokuudo mujomwekovlaiyo'moneyokwe lokabodowo'jure tovida'ai nonyo'mo kwinpi su ton wonyo su tovida'ai yasuwa'no nokwo abanupuro.