Joon 6:66 - Gooti Toolluro Yogalokwono

⁶⁶ Su toro me'no kuudoka toga a'mwo Jisasollu kuumjunyajupo bwotonyago tooro Jisasollu wuugollu'movo'mno lukomgu aki aiko te kweke miyomollajuporogano.

Joon 6:66 ပူးပေါင်းရင်းမြစ်များ

Matyuu 19:22

A'mwo muugunyunodo su tool kuto ivito bwotonyagokwe toolluno tov Jisasolluro yogalo su tovi wuu'nyuno sumaiyokwe kumjujo kulako moropiyo'no jul'nyo subwosunokaikono. Toro tool Jisasollu wuugollu'mo'mno sumaiyokwe avlavokaikono.

Luuk 9:62

Toro toollu Jisasol aro kuudokaikono. “A'mwo pwol womdo tovi aiyo yowo'ji toga gamoro noonyumwonyu tonyu wuugollu'mo'mdowodekono. Toro tonyu aiko te wonyo'mo agunyubworo'ji tov a'mwo su tool aguto kig Gooti toolluro mido mollomwalono tovino'mo womdo tov ku'nono mimwalonekono.” Kuudokaikono.

Joon 2:2

Aki kwolabolo nyoma'nubulluno su teyaul Jisaseke'aro gamoro uumjunyokwe toorogai'aro toorai lubullu doto su tovi abupureyokwe adomaroleyaukono. Toro adomarolo tooro lubullu doto tovi abomwaloporogano.

Joon 6:60

Toruda'ai Jisasolluro uumjunyokwe tooro Jisasolluro yogalo sodubwasajuko su tonyu wuu'nyuno sumaveyokwe bwotonyago tooro aro sajunoporogano. “Awi! Yogalo su tov tagokwono. A'mwo pwol yogalo su tonyuno kavlo tov adadomgu'aro nokwo youromaronoldukono?”

Joon 6:64

Toro kuvi kuruv kevu pugaikulno'gwowi numino kuudo manubwemwakopogaikikono.” Kuudokaikono. Jisasol muudu'nodo togada'ai gamino kuudo muubweyodupudo tonyuno kuudo me'no souromallajukekono. Aki lukomgu a'mwo ikomago tooravuro ato tovi morubweyono kwolluno kuruv kuudo me'no souromallajukekono.

Joon 7:3

Aki su toro toga Jisasolluro gagwai'yago tooro Jisasollu aro kuudoporogano. “Guu akawai wuugollu'movo'bi gumi gumjunyokwe pworo gumoro duuwallo jurogudo wuuduuwallodo'bure tonyu nokwo muugona'mwalpino'moneyokwe kwako Juudiya tomuuno dovlavono.

Joon 8:31

Toruda'ai Jisasol Juu a'mwo pworo gamino kuudo uubweyodopure toorai aro kuudokaikono. “Kevu moro yogalo yodekubwasodumdo tonyu avorugwo'mo'napi tov moro uumjunyokwe kuunodo imo'nupinorekikono.

2 Timooti 1:15

Aki guu aro tovino kuudo nyau'mwakuno. Yiuwi'nokai kwako Esiyada'ai Jisasolluro a'mwo abolo ton mi buulo anuugunyumopiyopogano. Aki su toro anuugunyumopiyopo tonyuda'ai a'mwo pworalluno yovo tov Fijeloseke Hermoogeneseke toorakono. A'mwo su to kworal kuruv mi buulo anuugunyumopiyolorakono.

2 Timooti 4:10

Duu'nono. A'mwo Demasolo dodupudo tool kwako akavida'ai noonyumwonyu tonyuno kalo buuropino winodowodo tovino tov numi anyugollu'movokaikono. Toro nugollu'mo'mno sumaiyokwe wagwolago Tesaloonaika tomuuno me'no avlavokaikono. Aki Kresensol wagwolago Galesiya tomuuno me'no avlavoka tovino tov nuuge mamwallo. Aki Taitosol kwako Dalmesiya tomuuno me'no avlavoka tovino tov nuuge mamwallo.

Hibruu 10:38

Aki a'mwo pwol moro sumdo tovi sugudo imo'nodowodo su tool gamoro kuudo uubweyodowodo tovi'aro aiyo mujomwekovla'mwalonekono. Toro kuvi kuruv a'mwo gabovo pwol mino buulo anuugunyumopiyo'ji to'gwowi nuu ilaiyo mimwalmekono.” Sakwollungikokwono.

1 Joon 2:19

A'mwo Krais toollu ikomago wimo'nodupudo su tooro nemi akuuto tomuuda'ai anekugollu'movoporogano. Su toro anekugollu'movopo kuvi kuruv a'mwo su tooro nemida'ai kuunodoromaiyo. A'mwo su tooro nemida'ai kuunodo sumo'nopujuko'mno'juki nevuge kuuno amwalopujukorogano. Toro kuvi kuruv a'mwo su tooro nemi akuuto tomuuda'ai anekugollu'movoporogano. Toro anekugollu'movopo su tov a'mwo su tooraino aro kuudo youroma'dowadorogano. Oo yiuwi'nokai su tooro nemida'ai kuunodoromaiyo. Kuudo youroma'dowadorogano.