Joon 6:35 - Gooti Toolluro Yogalokwono

³⁵ Toro kuudopo tonyu Jisasol aro kuudokaikono. “Bret aiyo yiunokuudo mujomwekovlaiyo'moneyokwe wiyodowodo su tool nuu kwonyugono. Toro te yiuwi'nokai a'mwo abolo numiyomno abupi su ton mujuko mwinpinogano. Aki mino kuudo anubwepi su ton kuuleyaluko mwinpinogano.

Joon 6:35 ပူးပေါင်းရင်းမြစ်များ

Matyuu 11:28

Jisasol toro wuujuno sumaiyokwe toga aki a'mwo abolo tonyu aro kuudokaikono. “Kevu yiuwi'nokai womdo imo'na'dupu burawo yodupudo togaikike'aro tagunyo mollukwo'mdupudo togaikike'aro togaikul miyomno dobilo. Toro abupi togaikullu nuvu iruko mwalmwalpino'moneyokwe tov nekubwemonyugono.

Luuk 6:25

Aki aga kevu wosamujuko nodupu me'no anyuto'numwakopo su toorekulno'juki jul'nyo nomapinorekikono. Su tov aro tovinokwono. Lukomgu kevu mujuko nobolmwalpinorekikono. Aki aga kevu kakwo adadokwopo toorekulno'juki jul'nyo nomapinorekikono. Su tov aro tovinokwono. Lukomgu kevu kalo bwotonyo ikullunowo'ji kumdaillo nyumwalpinorekikono.

Joon 4:15

Jisasol toro wuujuno sumaiyokwe abolo tov aro kuudokakwono. “A'mwo agutoloo, wonyo su tov donyabono. Guu anyabi tov nuvu wonyo'mo aki aiko te kuuleyaluko mimwalme'gono. Aki wonyo buugo alsovomwollosungiko akalluda'ai wonyo luviromorabiyo'moneyokwe supto mimwalme'gono.” Kuudokakwono.

Joon 5:40

Aki kevu Gooti toolluro yogalo su tonyu mojagilodupudo kugaikul kuruv aiyo yiunokuudo mujomwekovlaiyo'moneyokwe tovi mallo'mo to'gwowi miyomno mabodupudogaikikono.

Joon 6:37

Toro kuvi kuruv moro Nyunumiyago toolluro yiuwi'nokai a'mwo abolo anyaboka tono'gwowi miyomno kuvinono nobupinogano. Su toro abupi tonyu nuvu mamovomjapimwalmonyugono.

Joon 6:41

Toruda'ai Juu tooro Jisasolluro yogalo aro wuudoduke tovi, “Gooti toolluro ago muunyu kai'muuda'ai bret kwolaboka tool nuu kwonyugono.” Su toro wuudoduke tovino Juu tooro Jisasollu biyolyogalo aduu'mwojopekono.

Joon 6:65

Toro te Jisasol aro kuudokaikono. “A'mwo pwol miyomno biyo'moneyokwe tov yiuno moro Nyunumiyago toolluro kudo'aiko me'no ausubweyo'ji su toolno numiyomno nokwo bwonekono.” Kuudokaikono.

Adodolukuu'nosungiko 22:17

Gooti toolluro Kuullo tooke'aro aki Sipsip Muugunyo toolluro abolo nomallo'mo tokwe'aro toval aro dodubulovakono. “Oo kevu Krais toollomno dobogaulo.” Dodubulovakono. Aki yiuwi'nokai a'mwo abolo kuuguudo akavi kaduko kwipi kun kuruv aval'no aro neya adupuro. “Oo Krais toollomno dobogaulo.” Adupuro. Aki a'mwo kuuleyaluko kwino'ji tool Krais toollomno nokwo abwono. Aki yiuwi'nokai a'mwo abolo ton wonyo aiyo yiunokuudo mujomwekovlaiyo'moneyokwe lokabodowo'jure tovida'ai nonyo'mo kwinpi su ton wonyo su tovida'ai yasuwa'no nokwo abanupuro.

Adodolukuu'nosungiko 7:16

Toro ton aki aiko te mujuko'mdeyo oo kuuleyaluko'mdeyo tov mwinmwalpinogano. Aki kuujo duko tov kemoro kulako tovi muudonogano.