Joon 19:31 - Gooti Toolluro Yogalokwono

³¹ Bi'ai iruko Sabat tollugwo yere mabai'mo'mdowo'jure toga Juu tooro noonyumwonyu ton yovrowosodupudogano. Toro yovrowoso'moneyokwe iruko su tollugwo abai'movokakwono. Toro te a'mwo bwiyo pworo i'noguropte tonyu kuuno noopiyokwe tovino Juu tooro Pailatollu aro samuugojoporogano. “A'mwo i'noguropte tovida'ai wo'dopure su tooro yere bolpino'moneyokwe kemoro suvlo tonyu neya arubuutopuro. Toro rubuutovopi me'no abolpi toorai i'noguropte tovida'ai nokwo mokwolabupinorodeyo?” Kuudoganoporogano.

Joon 19:31 ပူးပေါင်းရင်းမြစ်များ

Mollurolovomato 12:16

Toro bilomodukwopiyopi iruko 7-pela su tobuullu lubullu doto yanmwalopinogaikikono. Toro kugaikul kuruv iruko su tobuulluro pullalno'gwowi mi ilomonuwopiyo'moneyokwe i'bwo'numwalpinogaikikono. Kevu iruko muudu'nodo tollugwogai'aro iruko aiyowo'mo 7 tollugwogai'aro tovalluno to'no i'bwo'numwalpinogaikikono. Iruko su tovallu toro i'bwo'nopi togaikul womdo pun miyopi yiuno wosamujuko tono'gwowi nokwo yovrowosumwalpinogaikikono. Toro togaikul iruko su tovallu i'bwo'nomwalopi mino ilomonuwopimwolapinogaikikono.

Matyuu 27:62

Iruko aikomguda'ai Sabat toga pris mido mollomwalokwe toorogai'aro Farasi toorogai'aro tooro Pailatollomno aulaporogano.

Kuuguudo Sugudo akav Makolluro sakwollokakwono Mak 15:42

Toruda'ai Jisasol me'no aboloka sulato toga Arimatiyada'ai a'mwo pwol Pailatollomno abokaikono. A'mwo su toolluno yovo tov Joosepolekono. Toro tool kaunsel pwekono. Aki a'mwo abolo punyu yovo kurukwe wimo'nodowodekono. Aki toro tool aguto kig Gooti toolluro mido mollomwalodowodo tov abai'mowo'ji tovino sogwollo kinodowodekono. Toro tool bino sumaiyokwe aro kuudo saurokaikono. Bi'ai Sabat bai'mowono tovino tov anuugwo toga yovrowoso'mo toga'deyo. Toro yau'no sumaiyokwe Pailatollu noullo'mo tovino luko miyo'no kwolluro sumdollu toru aulodavokaikono. Toro kuuloda'mno sumaiyokwe, “Jisasolluro bwiyo kulako tov nokwo nyabinekudeyo?” Auluudoganokaikono.

Joon 19:1

Toruda'ai a'mwo aguto Pailatol Jisasollu galogunyukuurumollupino'moneyokwe aduuwiyokaikono. Toro aduuwiyoka toga a'mwo mollurogudo pworo wuulo tokwe Jisasollu agunyukuurumollopekono.

Joon 19:14

Su toro toga Juu tooravuro iruko aguto tov Muunyu Toru'aro Surukuruwolovoka lubullu doto tovi yovrowoso'mo iruko togakono. Aki su toro toga 12 kilook kuujunapto togakono. Toro te Pailatol Juu toorai aro kuudokaikono. “Kevu doonyulo, a'mwo akal kemi a'mwo aguto kig tookono.”

Joon 19:42

Toro te su toro toga iruko Sabat tollugwo yere mabai'mo'mduke tovino tov Juu tooro noonyumwonyu ton sovrowosajupogakono. Aki sulo tovida'ai adovoloumjosungiko a'mwo buuso kuruv wobo toru kwollajukokwono. Toro tovino tov Jisasolluro kulako bwiyo tovi yere marolno aulomorosolorakono.