Joon 19:27 - Gooti Toolluro Yogalokwono

²⁷ Toro wuujuno sumaiyokwe aki gami uumjunyokwe toonyu aro anyudokaikono. “Oo gumi juneyago agujumo'nadopiko tovi doonono!” Anyudokaikono. Su toro togada'ai nuvu Jisasolluro ganeyago tovi moro ago tomuuno mokavla'mno sumoneyokwe amollomwekelabiyajonyugono.

Joon 19:27 ပူးပေါင်းရင်းမြစ်များ

Muuduko 45:8

Toro te nuu akawai'no abo tov kevu amonuwopiyaboponyumaiyo. Mi akawai'no amonuwopiyaboka kuunodo tool yiuno Gooti tookono. Aki toro tool a'mwo aguto amonyudapiyokanyugono. Toro toonyu a'mwo aguto Feroo toollu ganumiyago toolbusuko wimo'nodum kwollu yodubwasokwenyugono. Aki toro toonyu gamoro ago tovida'ai yiuwi'nokai tonyu mido mollomwalodumdonyugono. Aki yiuwi'nokai kwako Ijup tomuuda'ai a'mwo aguto sumo'numwakonyugono.” Kuudokaikono.

Matyuu 25:40

Toro anyudupi tonyu nuu aguto Kig toonyu aro wuudumonyugono. “Nuu nebal'no ikudumo'mokwono. A'mwo abolo yovomaiyokwe pubuuro moro nyo'mwodeyo oo nyugwai'yagorovodeyo tonbusuko nyumo'nodupudo su tobuurai mollodupudo tov nuu kwonyuda'ai yanyugolodupudogaikikono.” Su toro wuudumonyugono.

Kuuguudo Sugudo akav Makolluro sakwollokakwono Mak 3:34

Toro wuudoganyuno sumaiyokwe a'mwo abolo wobo toru mwalodopure tonyu wono'no aro kuudokaikono. “Kevu doonyulo. Mi nyuneyago nyugwai'yago anyumo'nadokwopo togaikul akawai amwakovo.” Kuudokaikono.

Luuk 18:28

Toro wuudoduke toga Pital kuudokaikono. “Dukonekwonadokuuno? Nevu nemoro ago tonyu yogallu'movowono gumi gumjunodowadonogano.” Kuudokaikono.

Joon 1:11

Toro tool gavnokweyolluro iko tovasuda'ai avalo tonyomno avlavoka toga ilaiyo mamollomaropekono.

Joon 16:32

Neya duu'nyulo. Lukomgu kevu gomno gomno nyounopipinorekikono. Kevu mi nonyugollu'movopi lukado sounopipi toga nuu judo toonyu mwalmonyugono. Toro kuvi kuruv mi Nyunumiyago tool nuuge mwalodowolo tovino tov judo toonyu ku'nono mamwalmonyugono. Su tov wobo toga nyumo'nonokwono. Aki mekono, aga me'no abai'mopso.

Kuurotokwe 21:6

Subusu'nyogalo me'no juno sumawoneyokwe yiuwi'nokai tonol, “Ilaiyokwonoo,” dowono ajapinowonogano. Toro japinyuno sumawoneyokwe nevu sip toollu sulomwalowonogano. Toro ilomwalodowore toga a'mwo su toorogai'aro kemi julkwolaiyo togai'aro ton kemi ago tomuuno aikomgu avlavopogano.