Joon 15:14 - Gooti Toolluro Yogalokwono

¹⁴ Toro te kevu moro yogalo daikullodumdo tonyu kuumjunpi tov moro ibwoto'nyo kuvinono nonyumo'numwalpinorekikono.

Joon 15:14 ပူးပေါင်းရင်းမြစ်များ

Mollurolovomato 7:6

Toro te Mooseseke Erooneke todoral Gooti Yawelluro aduuwiyoka tonyu kuvinono kuumjunolorakono.

Matyuu 12:50

Toro wuujuno sumaiyokwe aki aro kuudokaikono. “Mi nyugwai'yagoldeyo oo mi nyo'mwo'mdeyo oo mi nyuneyago'mdeyo ton yiuno moro Nyunumiyago muunyu kai'muuda'ai toolluro ilaiyo winodowo'jure tovi uumjunodupudo su ton kugano.” Kuudokaikono.

Luuk 12:4

“Mi ibwoto'nyekwojavoo, aro ikudumo'mokwono. A'mwo pworo kemi romiyaikubweyo'mo kwinpi su tooro kemoro kulako tovi romiyaikubweyopi kworo kuruv kaiyako su tovi muunyu toru purukwe'aro ku'nono miyaikullugolpinorogano. Kevu su toro tooraino luko nyumwalpiyo.

Joon 13:17

Kevu moro pasudo aikuduuwallumo su tonyuno kuudo me'no souroma'maporekikono. Toro tovino tov kevu pasudo su tonyu kuvinono kuumjunpi tov kemi poowokalago togai ilaiyo ibwosunpinorekikono.

Joon 14:15

Aki Jisasol aro kuudokaikono. “Kevu mino kalo buuropino aikulluno'ji tov moro yogalo tonyu neya duumjunogaulo.

Joon 14:21

Toro te a'mwo pwol moro yogalo tonyu ilaiyo mollomarowo'ji kuvinono kuumjuno'ji su tool mino kalo buuropino kuunodo winyokwekono. Aki mino kalo buuropino kwino'ji su toolluno moro Nyunumiyago kwol kuruv kwolluno kalo buuropino winmwalonekono. Aki nuu kwonyu kuruv a'mwo su toolluno kalo buuropino mollo'mi nuvnokwenyuno a'mwo su toollu kuu'maiyo toru nuuwiyalo'numwalmonyugono.” Kuudokaikono.

Joon 14:28

Nuu aro tovino me'no aikudumonyugono. “Nuu aikugollu'mo'mi kuvi kuruv kemiyomno aki aiko te nobaiki'mo'monyugono.” Su toro aikudumo tovi kevu me'no kuu'numaporekikono. Toro te kevu mino kalo buuropino aikulluno'ji tov nuu mi Nyunumiyago toollomno sulami tovino ilaiyo nokwo ipinorekikono. Aro tovinokwono. Moro Nyunumiyago su tool numi muunyu toru'aro nuwolo'mdowodekono. Toro toollomno sulami tovino ilaiyo neya ipinorekikono.

Joon 2:5

Toro kuudoka tovi gami ganeyago tov ago tovida'ai a'mwo womdokwe pworai aro kuudokakwono. “Gamoro buro'nyo aikudo'ji tovi kevu neya duumjunyulo.” Kuudokakwono.

Jems 2:23

Toro te Eburaiyamol Aisakollu su toro soka toga Gooti toolluro yogalo puruv suuwiyo sumwojokakwono. Yogalo su tov arokwono. “Eburaiyamol Gooti toolluro yogalo kuudoka tovi wuu'no'no, Oo nebalo'mdeyo, kuudo kuubweyokaikono. Toro kuudo kuubweyoka toolluno tov Gooti toolluro sumdo tovi sugudo kwimo'nokaikono.” Aki Gooti toolluro yogalo aka kuruv Eburaiyamolluno aro dodowodokwono. “Eburaiyamol Gooti toolluro ibwoto'nyo kwimo'nokaikono.” Dodowodokwono.

1 Joon 5:3

Nevu Gooti toolluno kalo buuropino nekullunodowodo tonol gamoro yogalo adanekulloka kunyu kuruv kuvinono uumjunmwalanonogano. Aki gamoro yogalo adanekulloka su tonyu kuvinono uumjungovlaiyo'moneyokwe tov jul'nyo to'busuko manekullumo'numwalpinogano.