Joon 14:24 - Gooti Toolluro Yogalokwono

²⁴ Toro kuvi kuruv a'mwo pwol mino kalo buuropino mwino'ji su toolno'gwowi moro yogalo tovi muumjunonekono. Moro yogalo aikudumwako akav nuvnokwenyuro'maiyo. Yogalo su tov mi Nyunumiyago amonuwopiyaboka toollurokwono.

Joon 14:24 ပူးပေါင်းရင်းမြစ်များ

Matyuu 19:21

Toro kuudoka toollu Jisasol aro kuudokaikono. “Guu puvino supto kuuno sadokuuno. Guu plavo'bi gumoro yiuwi'nokai kuto ivito su tonyu a'mwo pworo neya agubipuro. Su toro agubipi tonyuda'ai nuugwiyo tov momworaro'bi a'mwo abolo apoo'nyaiyo tobuurai neya duuwiyono. Guu su toro subi tooku lukomgu Gooti toolluro ago toru sulomwalbi toga sugumaluko kuunodo punyu noma'binekugono. Aki guu mi neya donumjunono.” Kuudokaikono.

Joon 14:10

Guu mino aro tovino neya donubweyono. Mi Nyunumiyago toollu uuguro'mwonyodumdonyugono. Aki mi Nyunumiyago su tool numi nuguro'mwonyodowodekono. Moro yogalo ikudodumdo ton nuvnokwenyuro tovida'aiyonmaiyo. Toro kuvi kuruv yogalo ikudodumdo su ton mi Nyunumiyago nuguro'mwonyodowodo toolluda'aiyogano. Mi Nyunumiyago su tool moro ato tovi'aro gamoro womdo ton yodowodekono.

Joon 14:15

Aki Jisasol aro kuudokaikono. “Kevu mino kalo buuropino aikulluno'ji tov moro yogalo tonyu neya duumjunogaulo.

Joon 14:25

Toro te nuu kevuge kuuno mwalodumdo toga yogalo su tonyu sodekubwasumwakonyugono.

Joon 3:11

Nuvu nebal'no kuunodo aro gudumo'mokwono. Aga toga nevu kuudo me'no youroma'dowado tonyuno to'no jokwenogano. Aki yiuno sumdo muugona'dowado tonyuno to'no kuu'maiyo toru'no dodoluwosokwenogano. Toro kuvi kuruv nemoro dodoluwosodowa'jure su tonyuno kevu buulo to'no uugunyumopiyodupudorekikono.

Joon 3:34

Kuudo neya jaullulo. Gooti tool gamoro amoropiyaboka su toollu gamoro Kuullo tool yiuno pwekwono to'no mwiyodowodekono. Toro kuvi kuruv aiyowomno kuullo'mowopiyo'moneyokwe yiunokuudo wiyopiyodowodekono. Toro tovino tov Gooti toolluro amoropiyaboka su tool Gooti toolluro yogalo tonyuno to'no jokwekono.

Joon 5:19

Toro te Jisasol Juu su toorai aro kuudokaikono. “Nuu nebal'no kuunodo ikudumo'mokwono. Gooti toolluro Kwolaiyo toonyu nuvnokwenyuro kuudo tovida'ai womdo miyokwenyugono. Toro kwonyu kuruv yiuno mi Nyunumiyago toolluro womdo yodowo'jure tovi wonoma'dumdo tovida'ai to'no womdo aval'no yokwenyugono. Kuudo neya jaullulo. Nyunumiyago su tool burowo'nyo burowo'nyo womdo ton so'ji tov gamoro Kwolaiyo kwonyu kuruv womdo su tonyu aval'no yokwenyugono.

Joon 5:38

Aki gamoro yogaimaguurai tov kemoro poowokalago tonyu maulaikwo'dowodokwono. Su tov aro tovinokwono. Kevu gamoro amonuwopiyaboka toonyuno kuudo manubweyodupudo tovinokwono.

Joon 7:16

Toro yajunodopure tovi Jisasol aro kuudokaikono. “Yogalo yodekubwasodumdo tov numoro'maiyo. Yogalo su tov mi amonuwopiyaboka Gooti toolluro abingikokwono.

Joon 7:28

Toro yajunodopure toga Jisasol Jeruusalemda'ai Gooti toollu ilomoropiyo'moneyokwe ago tovuro agwapto toru yodubwaso'no yogalo guureji aro amoruudokaikono. “Kevu numino aro kuudo yanuu'dupudogaikikono, Oo a'mwo su tool kwoldeyo. Aki toro tomuuda'ai abokaldeyo. Kevu mino su toro kuudo yanuu'dupudo kuvi kuruv nuvnokwenyuro kuudo tovida'ai abonyumaiyo. Mi Nyunumiyago toolno'gwowi amonuwopiyabokanyugono. Su tool nebal'nodekono. Toro toolluno kevu kuudo miyau'dupudogaikikono.

Joon 8:26

Nuvu kemi jainyubworo'mi yogalo bwotonyo nokwo amodaikurugolo'mujukonyugono. Toro kuvi kuruv nuu kemi jainyubwollo'moneyokwe womdo su tov yasuwa'no miyokwenyugono. Mi amonuwopiyaboka tool yiuno nebal'no yogalo to'no jokwekono. Toro toolluro yogalo nyudodowo'jure tovi wuu'nodumdo to'no kevu a'mwo abolo kwako akavi amwakopo togaikullu ikujokwenyugono.” Kuudokaikono.

Joon 8:28

Toro tonyu Jisasol aro kuudokaikono. “Kevu A'mwo Kwolaiyo Kuunodo toonyu i'noguropte tovi me'no sulomejukuranubwepi toga mino aro kuudo yanuupinonyugono. Oo su tool Krais tooldeyo. Aki toro tool gavnokweyolluro kuudo tovi muumjunodowodo kuvi kuruv yiuno gami Ganumiyago toolluro yodubwasodowo'jure tokwe to'no moruudodowodoldeyo. Kevu mino su toro kuudo nyouronumapinonyugono.

Joon 8:38

Nuvu mi Nyunumiyago tool nyuduuwallodowo'jure tonyuno to'no ikudodumdonyugono. Toro kuvi kuruv kevno'gwowi kemi tellunumiyago toolluro daikumul'mwojodowo'jure tovi uumjunodupudorekikono.” Kuudokaikono.

Joon 8:42

Toro wuujuno sumaveyokwe toga Jisasol aro kuudokaikono. “Gooti tool kemi Tellunumiyago kuunodo ikullumo'nodowodorekulno'juki kevu mino kalo buuropino nokwo aikullunowo'jujukorekikono. Su tov aro tovinokwono. Nuvu Gooti toolluda'ai kemiyomno abonyugono. Aki nuu akawai abumwako tov nuvnokwenyuro kuudo tovida'aiyo'maiyo. Toro kuvi kuruv Gooti tool amonuwopiyaboka tovida'ai abumwakono.