Joon 11:42 - Gooti Toolluro Yogalokwono

⁴² Aki guvu yiuwi'nokai toga moro subusu'nyogalo gudodumdo tovi me'no nuu'nodumdekugono, kuudo yaguu'dumdonyugono. Toro kuvi kuruv a'mwo abolo adakwopo akan gumoro amonuwopiyabodo toonyuno kuudo neya anubwepureyokwe tovino agudumono.” Kuudokaikono.

Joon 11:42 ပူးပေါင်းရင်းမြစ်များ

Matyuu 26:53

Kuudo neya jaurono. Nuu mi Nyunumiyago toollu guureji aro kuudumi tov, “Guu tausen tausen ensel tooro numi mollonumwalmwalpino'moneyokwe doulomonuwopiyabono,” toro kuudumi kuga'gwo kuuno kuvinono nokwo wolomonuwopiyabwonekono.

Joon 11:22

Aki aro kuudo sau'mwakono. Aga kuga kuruv bwiyo su tekwojuno guu Gooti toollu buro'nyo buro'nyodeyo puvino kuudoganbi tov nokwo gujabwonekono.” Kuudokakwono.

Joon 11:31

Toro te Mariyav ago tovida'ai yere iloda'mno sumaiyokwe Jisasollomno bolokwoduke tovi kalo dugoga'moneyokwe Juu tooro wono'mno abuumjunugolokwoporogano. Toro tooro kuudo sauroporogano. Oo gami jo'mwo bwiyo toolluro a'mwo buuso tomuu kumdato yono'mo tov dovla'mwallo. Toro do'mno abuumjunugolokwoporogano.

Joon 11:43

Jisasol toro me'no wuujuno sumaiyokwe toga deko guureji aro adokaikono. “Lasarosoloo, dolokabono!” Adokaikono.

Joon 12:11

Toro adomdukuurosopo su tov aro tovinokwono. Juu a'mwo abolo bwotonyago ton pris aguto su toorai uugollu'mo'mdupu Jisasolluno kuudo kuubweyajupogano. Pris Aguto tooro Lasarosollu romiyoso'mo adomdukuurosopo tov su toro tovinokwono.

Joon 12:17

Toruda'ai a'mwo abolo bwotonyago ton Jisasol Lasarosollu a'mwo buuso sulpuuto tomuuda'ai me'no aboloka toollu aiyo aiko te doduka'mduke toga me'no amuugonaropogano. Toro ton Lasarosollu kwimo'noka tovino a'mwo abolo punyu kuu'maiyo toru adodoluwosomollajupogano.

Joon 17:21

Aki su toro agudumwako tov aro tovino'mokwono. Guu Nyunumiyago tooku mi me'no nuguro'mwonyodumdekugono. Aki nuu kwonyu kuruv gumi me'no guguro'mwonyodumdonyugono. Toro te navu puru'mono imo'nodowolo to'busuko kubalno yiuwi'nokai a'mwo abolo judo'no judo'no kuudo kuubwepi su to kubuuro kuruv yiuno puru'mono neya imo'numwalpino'moneyokwe tovino agudumwakono. Aki a'mwo abolo su ton nami nokwo nakuguro'mwonyumwalpinogano. Su tov aro tovinokwono. Yiuwi'nokai a'mwo abolo kwako akavi mwalodupudo ton aro kuudo neya uubwepino'moneyokweyokwono. Oo guu Gooti tooku mi amonuwopiyabodekugono. Su toro tovino kuudo neya uubwepino'moneyokweyokwono.

Joon 17:25

Oo mi Nyunumiyago idopto'nodoloo, kwako akavida'ai a'mwo abolo ton gumino kuudo miyouroguma'dupudogano. Toro kuvi kuruv nuvno'gwowi gumino kuudo me'no yaguu'dumdonyugono. Aki moro a'mwo abolo aka kubuuro kuruv mino tov aro kuudo youronuma'dupudogano. Oo su tool Gooti toolluro amonekwopiyabokaldeyo. Kuudo youronuma'dupudogano.

Joon 17:8

Su tov aro tovinokwono. Nuvu gumoro yogalo anyabodo ton me'no kwiyonyugono. Yogalo kwiyo su tonyu me'no ma'dupu mino aro kuudo souronuma'mwakopogano. Oo su tool Gooti toolluda'ai nebal'no kwolabokaldeyo. Kuudo souronuma'mwakopogano. Aki toro ton mino tov aro kuudo kuubwemwakopogano. Oo Gooti toolluro amonekwopiyabokaldeyo. Kuudo kuubwemwakopogano.

Joon 20:31

Toro kuvi kuruv kuuguudo me'no sokwollosumo su ton kevu aro tonyuno kuudo uubwepureyokweyo'mokwono. Oo nebalo'mdeyo. Jisasol Gooti toolluro amonekwopiyaboka Krais tool kwoldeyo. Aki toro tool Gooti toolluro Kwolaiyoldeyo. Su toro toolluno kevu kuudo kuubwepi tov gamoro yovo tovi'aro aiyo yiunokuudo mujomwekovlaiyo'moneyokwe tov nomapinogaikikono.

Joon 3:17

Gooti toolluro Kwolaiyo amonuwopiyaboka su toonyu yiuwi'nokai a'mwo abolo kwako akavi mwalodupudo tonyu kooti yogalo duuwiyo'mi kirumwallo'moneyokwe abonyumaiyo. Toro kuvi kuruv yiuwi'nokai a'mwo abolo kwako akavi mwalodupudo ton Kwolaiyo toonyu'aro wiyo'mwoju'nupino'moneyokwe abonyugono.

Joon 8:16

Aki nuu a'mwo pwollu ajainyubwo'mi kuruv yiuno pi'mwono to'no jainyubwo'monyugono. Su tov aro tovinokwono. Nuvu judo toonyu ku'nono majainyubwo'monyugono. Toro kuvi kuruv mi Nyunumiyago amonuwopiyaboka su tool nuuge mwalodowolekono. Toro te nuu a'mwo pwollu ajainyubwo'mi tov mi Nyunumiyago amonuwopiyaboka su tooke'aro toonal jainyubworosunonakono.

Joon 8:29

Aki mi amonuwopiyaboka su tool manugollu'mo'mdowodekono. Toro tool nuuge kuuno mwalodowodekono. Su tov aro tovinokwono. Nuvu mi amonuwopiyaboka su toolluro ilaiyo winodowo'jure tonyuno to'no yiuwi'nokai toga yodumdonyugono.” Kuudokaikono.

Joon 8:42

Toro wuujuno sumaveyokwe toga Jisasol aro kuudokaikono. “Gooti tool kemi Tellunumiyago kuunodo ikullumo'nodowodorekulno'juki kevu mino kalo buuropino nokwo aikullunowo'jujukorekikono. Su tov aro tovinokwono. Nuvu Gooti toolluda'ai kemiyomno abonyugono. Aki nuu akawai abumwako tov nuvnokwenyuro kuudo tovida'aiyo'maiyo. Toro kuvi kuruv Gooti tool amonuwopiyaboka tovida'ai abumwakono.

Room 8:3

Kevu kuudo neya jaullulo. Gooti toolluro loowo tov nemi ma'no ma'nodo tonyu ku'nono mamonekudukwopiyonokwono. Su tov aro tovinokwono. Nevu loowo tovi uumjunyo'mo nekullunodowodo kuvi kuruv kwako akavida'ai kuudo tooro kuuno kuulanekwo'dowodo tovino tov jurogudo nonaguto imo'nodowadonogano. Toro kuvi kuruv Gooti toolno'gwowi nonekullo'mwojo'moneyokwe gavnokweyolluro Kwolaiyo toollu kwolomonekwopiyabokaikono. Toro kwolomonekwopiyaboka su tool a'mwo pwolbusuko sumo'nyajukekono. Nevu ma'no ma'nodokwe imo'nodowado kuvi kuruv su toolno'gwowi ma'no ma'no puru'monodo kuruv miyajukekono. Toro tool nemoro ma'no ma'nodo tovuro mubiyo tov amobiyanekudukwopiyokaikono. Toro mobiyanekudukwopino sumaiyokwe aki ma'no ma'nodo tovuro jurogudo tovi yiunokuudo amodukwopiyokaikono.

Galesiya 4:4

Toro kuvi kuruv Gooti toolluro ajesungiko tov kuvinono abai'movoka toga gamoro Kwolaiyo toollu kwolomoropiyabokaikono. Kwolaiyo kwolomoropiyaboka su toollu abolo puruv somaroka su tool Moosesolluro loowo tovi dolago tomuu abwollumo'nokaikono.

Hibruu 5:7

Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.

Hibruu 7:25

Toro tovino tov yiuwi'nokai a'mwo abolo Jisasollu'aro Gooti toollu wobo toru kuulluru'mallo'mo kwinpi tonyu kuvinono nuuwiyo'mwojumwalonekono. Toro kwiyo'mwojo'ji tonyu Jisasol kemoro ma'no ma'nodo tovuro kirumwallo tovida'ai yiunokuudo nobomollurolovomokalokwonekono. Aki aiyo yiunokuudo mujomwekovla'mdowodekono. Toro toolluno tov a'mwo abolo su tonyu wiyo'mwojumovla'mwalono'moneyokwe tovino yiuwi'nokai toga Gooti toollu subusu'nyogalo wuudodowodekono.

1 Joon 4:14

Aki Gooti Ganumiyago tool yiuwi'nokai a'mwo abolo kwako akavi mwalodupudo tonyu ma'no ma'nodo tovuro kirumwallo tovida'ai bomollurolovomokalokwiyo'moneyokwe gamoro Kwolaiyo tool nemiyomno kwolomonekwopiyabokaikono. Gamoro Kwolaiyo kwolomonekwopiyaboka su toollu nevu me'no wonowono gamino kuuguudo tokwe kuu'maiyo toru'no dodoluwosodowadonogano.