Joon 11:38 - Gooti Toolluro Yogalokwono

³⁸ Toro te Jisasol aki aiko te jul'nyo bwotonyo ibwosunyuno sumaiyokwe a'mwo buuso toru ai'movokaikono. A'mwo buuso su tov sulo toolluda'ai adovoloumjosungikokwono. Aki a'mwo buuso noullo tovi sulo bwotonyo pweke amomjogurosopokwono.

Joon 11:38 ပူးပေါင်းရင်းမြစ်များ

Muuduko 23:19

Toro te Eburaiyamol gami abebwiyo Saravuro kulako tov Kenanda'ai kwako Makpela towaida'ai sumago toollu amolsosokaikono. Sumago su tool imgu Mamure'no wobo toru wo'dowodekono. Mamure'no yovo puruv Hibroonoveyokwono.

Matyuu 27:60

Toro moweyomgurosuno sumaiyokwe gavnokweyolluro a'mwo buuso muuduko puvi aulomorosokaikono. A'mwo buuso su tov a'mwo tooro sulo tovi adovoloumjosungikokwono. Toro tovi kuulomorosuno sumaiyokwe toga noullo tovi sulo bwotonyo pweke mogunyugolowoso'no amollukurosokaikono. Toro mollukurosuno sumaiyokwe kuugollu'movokaikono.

Matyuu 27:66

Toro kuudoka tovi a'mwo buuso tovuro mujumollo tovida'ai sulo bwotonyo toollu nomogunyugolowosupiyokwe tovino po'dogalo aluvomuugutowopiyoporogano. Toro luvomuugutowopino sumaveyokwe Farasi toorogai'aro pris mido mollomwalokwe toorogai'aro tooro a'mwo mollurogudo toorai a'mwo buuso su tovi moduvomwalmwalpino'moneyokwe amolludapiyoporogano.

Kuuguudo Sugudo akav Makolluro sakwollokakwono Mak 15:46

Joosepol plaino sumaiyokwe laplap wiya'jo puruv mubiyoma'no sumaiyokwe amokabokaikono. Toro mokabino sumaiyokwe a'mwo bwiyo tool i'noguropte tovi wo'duke toollu molovomwogapiyo'no laplap su tokwe amoweyomgurosokaikono. Toro tool a'mwo buuso puvi aulosokaikono. A'mwo buuso aulosoka su tov a'mwo tooro sulo tovi adovoloumjosungikokwono. Toro kuulosuno sumaiyokwe toga noullo tovi sulo bwotonyo pweke mogunyugolowoso'no amollukurosokaikono.

Kuuguudo Sugudo akav Makolluro sakwollokakwono Mak 8:12

Toro dodopure tovi wuu'nyuno sumaiyokwe Jisasol gamoro poowokalago tov jul'nyo subwosunokaikono. Toro tool aro kuudokaikono. “Agasuro a'mwo abolo akagaikul buro'nyo'mo duuwallo jurogudo tonyuno to'no wonyo'mo ikullunodowodogaikuldeyo? Nuu nebal'no ikudumo'mokwono. Gooti tool duuwallo jurogudo pun maikuduuwallonorekikono.” Kuudokaikono.

Luuk 24:2

Toro mokavla'mno sumaveyokwe a'mwo buuso su toru ki'movo'mno sulo toollu me'no ausogunyugolowosungiko toollu kwonopogano.

Joon 11:33

Mariyav toro wuujuno sumaiyokwe kumdato sokakwono. Toro joduke tovi Jisasol wono'no aki gavuge abopo Juu kworogai'aro kumdato dodopure toorai kwonokaikono. Toro wonyuno sumaiyokwe kalo bwotonyo wino'no jul'nyo subwosunokaikono.

Joon 20:1

Toruda'ai iruko Sande tollugwojuro lomwo iru'mago tovi dugumdo kuuno juna'duke toga wagwolago Makdalada'ai abolo Mariyav a'mwo buuso sulpuuto tomuuno plaino sumaiyokwe ai'movokakwono. Toro ki'mo'mno sumaiyokwe aro kwonoka tov sulo bwotonyo kuunodo tool a'mwo buuso tovuro kudo'aiko allukurusopo kwollu kuruv me'no amodukwopingiko tovi kwonokakwono.