Jagillo 20:6 - Gooti Toolluro Yogalokwono

⁶ Toro kuudopo tovi Mooseseke Erooneke todoral wuu'nyuno sumaleyokwe a'mwo abolo i'bwo'nodopure tonyu wuugollu'movolno Gooti Yawellu ilomoropiyo'moneyokwe sel anoullo toru'no plavolno kwako tovi kwolomuulo'narolorakono. Toro wolomuulo'na'dole toga Gooti Yawelluro bako bwotonyo tov kworallu kuuwokakwono.

Jagillo 20:6 ပူးပေါင်းရင်းမြစ်များ

Mollurolovomato 16:10

Toro te Eroonol kuvinono wuudoduke toga yiuwi'nokai Isuraiyolda'ai a'mwo abolo ton kwako a'mwomaiyo kuu'maiyo tomuu kwonyopiyapogano. Toro wonyopiyodopure kuga'gwo kuuno Gooti Yawelluro bako bwotonyo tov sulu'wo puvi anakuuto tomuuda'ai amdolopiyokakwono.

Mollurolovomato 17:4

Toro tovino tov Moosesol Gooti Yawellu subusu'nyogalo guureji aro kuudokaikono. “A'mwo abolo akan mi sulo togai luvoromiyanubweyo'mo sadokwovo. Toro tonyu adado wimonyudeyo?” Kuudokaikono.

Jagillo 14:10

Toro kuudolo kuvi kuruv Isuraiyolda'ai a'mwo abolo ton muu'nyubusuko yo'mno Joosuuwaike Kelepeke toorallu sulo togai luvoromiyoso'mo sopogano. Toro yodopure toga Gooti Yawelluro bako bwotonyo tov ilomoropiyo'moneyokwe sel ago tovi muunyu toru pwopiyoduke tovi kwonopogano. Toro wonyuno sumaveyokwe a'mwo su toorallu sulo tokwe maluvoromiyosopogano.

Jagillo 14:5

Toro sajunopo tovino tov Mooseseke Erooneke todoral Isuraiyolda'ai a'mwo abolo tonyuro sumdollu toru kwako tovi kwolomuulo'narolorakono.

Jagillo 20:7

Toro wino sumaiyokwe Gooti Yawel Moosesollu aro kuudokaikono.

Matyuu 26:39

Toro wuujuno sumaiyokwe kuru'gwo uuwo'no gamoro sumdomago tov kwako tovi wolomuulo'na'no sumaiyokwe subusu'nyogalo tov aro adokaikono. “Mi Nyunumiyagoloo, nuu dado su tovi mama'miyokwe puuto puruv nokwo youlanubwebinekudukono? Toro kuvi kuruv moro anyunadopiko su tovi muumjunbinono. Yiuno guvnokwekujuro yo'mo agujunadopiko tovino duumjunono.” Kuudokaikono.