Hibruu 9:4 - Gooti Toolluro Yogalokwono

⁴ Gooti Toolluro Pwekwapto Kuunodo su toru wobeya sudo kuunyokwe i'mujako tovi iroudapiyo'moneyokwe dukwagupto tokwe'aro subuu'yamjo'mo bookis tokwe'aro toval wo'dubulorukono. Bookis su tovuro yiuwi'nokai tomuu yiuno gool tokwe suropingikokwono. Aki soospen puruv bret mana tokwe surosungiko tov bookis su tovi anakuuto tomuu aullu'nallajukokwono. Aki Eroonolluro yodeko sodolokwe tokwe'aro aki Gooti toolluro subuu'yamju sokwollosungiko sulbweko tovake'aro su ton bookis tovi anakuuto tomuu aullu'nallajupogano.

Hibruu 9:4 ပူးပေါင်းရင်းမြစ်များ

2 Kuuguudo 5:10

Aki Subuu'yamjo'mo Bookis tovi anakuuto tomuu yiuno loowokwe sulbweko tovalno aulallajulokwono. Aiyoga Isuraiyolda'ai ton Ijupda'ai bolokwo'mno muumuudo Sainai toollu tomuu mwalodopure toga Gooti Yawel a'mwo abolo su togai subuu'yamju sajunopogano. Toro sajunopo togada'ai Moosesol loowokwe sulbweko su tovallu Subuu'yamjo'mo Bookis tovi anakuuto tomuu aulomollurosokavakono. Toro aulomollurosoka togada'ai wo'dubulovakono.

Mollurolovomato 26:33

Toro yakwollo'bi youro kudo'aiko allukurosubi tov sugwobi'mopto su tonyu'aro ki'duvolmwogapibinekugono. Aki Subuu'yamjo'mo Bookis tov youro kudo'aiko allukurosubi tovi anakuuto tomuu kuulosubinekugono. Youro kudo'aiko su tov Gooti toolluro pwekwapto puruval tovallu dovorojapiyonokwono. Puruv Gooti toolluro pwekwapto torukono. Aki puruv Gooti toolluro pwekwapto kuunodo torukono.”

Mollurolovomato 32:15

Toruda'ai Moosesol loowokwe sulbweko tooral ato tokwe momwora'no sumaiyokwe muumuudo toolluda'ai aikomgu yadu'mwonyo'no kwolabokaikono. Sulbweko su toorallu imgu amgu tomgu Gooti toolluro loowo ton sakwollungikorakono.

Adodolukuu'nosungiko 11:19

Toro dodopure tovi wuu'nyuno sumoneyokwe aro tovi kwononyugono. Muunyu kai'muuda'ai Gooti toollu ilomoropiyo'moneyokwe ago tovuro kudo'aiko tov ausokakwono. Toro kuusuno sumaiyokwe Subuu'yamjo'mo Bookis tov ago su tovi anakuuto tomuu wo'duke tovi kwononyugono. Su toro toga molamopto tokwe'aro yaudo yaudo tokwe'aro kuuloulo tokwe'aro wunyu wunyu tokwe'aro sullumi buuruko bwotonyo tokwe'aro ton sumo'nopogano. Toro tovi kwononyugono.

Adodolukuu'nosungiko 8:3

Toro kwiyoka toga ensel gabovo pwol wobeya sudo kuunyo'moneyokwe gool tovida'ai dis sakwollungiko puuwa amworarokaikono. Ensel su toollu wobeya sudo kuunyokwe bwotonyago ton me'no kwiyopekono. Wobeya sudo kuunyokwe su togai'aro Gooti toolluro a'mwo abolo tonyuro subusu'nyogalo wuudodupudo togai'aro ton dukwagupto tovi wiroudapiyo'moneyokwe abodavokaikono. Dukwagupto su tov gool tokwe sakwollungiko tov Gooti toolluro sia kig tovi sumdollu toru wo'dowodokwono.