Hibruu 8:2 - Gooti Toolluro Yogalokwono

² Nemi Pris Aguto su tool Gooti toolluro pwekwapto kuunodo toru pris womdo kuuno mujumovla'mdowodekono. Su towai Gooti toolluro ago muunyu kai'muuda'ai sel ago kuunodo tovi anakuuto tomuu wo'dowodokwono. Gooti toollu ilomoropiyo'moneyokwe ago kuunodo su tov kwako akavida'ai a'mwo pworavuro ato tokwe mamojungikokwono. Toro kuvi kuruv Aguto gavnokwe toolluro amojudapingikokwono.

Hibruu 8:2 ပူးပေါင်းရင်းမြစ်များ

Mollurolovomato 25:9

Sel ago su tokwe'aro yiuwi'nokai anakuuto tomuu kuularono togai'aro tonyu moro aikuduwallumi tovi uumjunopi kuvinono yakwollupinorekikono.”

Mollurolovomato 28:1

Gooti Yawel Moosesollu aro kuudokaikono. “Guu Isuraiyolda'ai a'mwo abolo tonyomno aikomgu wola'bi gumi judai'yago Erooneke'aro gamoro muugunyo Nedapeke Abiyuu'weke Eleyasareke Itamareke tonumdotai gumiyomno abupureyokweyo'mo dodomarono. Toro adoma'bi su tooro pris imo'nopi moro womdo momjumovla'mwalpinorogano.”

Luuk 24:44

Jisasol toro nyuno sumaiyokwe aki aro kuudokaikono. “Sumdomgu nuvu kevuge amwallajo toga aro me'no aikujajonyugono. “Yiuwi'nokai mino yogalo tov Moosesolluro loowo tokwe'aro proofet toorogai'aro Da'buukiyo tokwe'aro tonyuro ajakwollajupo su ton suuwiyo neya imwojupinogano,” aikujajonyugono.”

Room 15:8

Aki nuu aro ikudumo'mokwono. Gooti tool aiyoga Juu tonyuro kwikweyago toorai subuu'yamju pun me'no kwiyajukekono. Toro te subuu'yamju su ton kuvinono suwiyo imwojo'moneyokwe Krais tool Gooti toolluro womdokwe bwollumo'no'no a'mwo abolo Juu tonyu kwiyo'mwojokaikono. Su toro kwiyo'mwojoka toga Krais tool aro tovino kuuduuwallokaikono. Gooti tool gamoro subuu'yamju tonyu kuvinono uumjunyokwekono. Kuuduuwallokaikono.

2 Koorin 5:1

Nevu aro kuudo nyau'mwakuuwono. Nemoro kwako akavida'ai kulako tov sel ago to'busukokwono. Sel ago su tov awo'dolopiyo'ji tov Gooti tool kulako muuduko puruv nonekullabwonekono. Kulako muuduko su tov nemi ago muuduko to'busuko nonekullumo'nonokwono. Ago muuduko su tov kwako akavida'ai a'mwo tooravuro ato togai mododupudo'maiyo. Toro kuvi kuruv Gooti gavnokwe toolluro sokwollanekubweyo'ji su tokwe gamoro mwalodowodo muunyu kai'muu aiyo yiunokuudo mujomwekovla'mwalanonogano.

Kooloosi 2:11

Aki Krais tool kevu me'no uuguro'mwonyodupudo togaikulluro kuudo uumdo tooravuro jurogudo tonyu modukwopiyo'no abomollurolovekumokalokwokaikono. Kuudo uumdo toorai amodukwopiyoka su tov lakulkulako do'nopi modukwopiyodupudo to'busukokwono. Lakulkulako do'nodupudo su tov kwako akavida'ai kulako tovino to'no wimo'nodowodokwono. Toro kuvi kuruv kuudo uumdo tooravuro jurogudo tonyu amodukwopiyoka su to'gwowi kemoro anakuuto tomuuda'ai poowokalago tovi ikullumo'nodowodokwono.

Hibruu 10:11

Yiuwi'nokai pris tooro yiuwi'nokai iruko toga davopi womdo mujumovla'mdupudorogano. Toro tooro aval'nodo tomgu'aro wiroudapino wiroudapino mujumovla'mdupudorogano. Toro mujumovla'mdupudo kuvi kuruv noonyumwonyu wiroudapiyodupudo su ton ma'no ma'nodo tovuro kirumwallo tovi ku'nono mamodukwopipinogano.

Hibruu 10:21

Su tool nemi Pris Aguto nekullumo'nodowodekono. Toro tool nevu gamoro a'mwo abolo Gooti toolluro ago to'busuko wimo'nodowado tonollu mollonekumwalodowodekono.

Hibruu 11:10

Neya duu'nyulo. Eburaiyamol sel ago tovi mwalodowodo toga wagwolago jurogudo kuunodo puvino'gwowi sogwollo ainyajukekono. Wagwolago su tov Gooti gavnokwe toolluro kuudo yovo'dogallauro'no amojudapingiko tovino sogwollo ainyajukekono.

Hibruu 9:1

Sumdomguda'ai subuu'yamju tov kwollajuko toga Gooti toollu ilomoropiyo'moneyokwe tokwe'aro kwako akavi gami ilomoropiyo'moneyokwe sel ago tokwe'aro tovalluno kinamjo'mo loowo ton kwollajupogano.

Adodolukuu'nosungiko 21:3

Aki nuu Gooti toolluro sia kig toruda'ai yogaimaguurai guureji doduke puvi kuu'nonyugono. Yogaimaguurai su tov aro adokakwono. “Kevu duu'nyulo. Aga'no'gwowi Gooti toolluro ago to'busuko mujomwekovlaiyo'moneyokwe tool gamoro a'mwo abolo tonyuro akuuto toru me'no abwolai'mo'mokaikono. Toro tool a'mwo abolo su togai mujomwekovla'mwalonekono. Aki a'mwo abolo su ton gamoro kuunodo wimo'numwalpinogano. Aki Gooti gavnokwe tool kemi Gooti kuunodo wimo'numwalonekono.