Aki Gooti Yiuwi'nokai Tonyu Uuwolo'mdowodo toolluno neya ilomoropiyowano. Gooti su tool gujo'mwojo'moneyokwe gumi ikomago toorai molo wiyo'no me'no kuuwolovokaikono. Toro toolluno yovo tov ilomoropiyowano.” Kuudokaikono. Toro wuujuno sumaiyokwe toga Eburamol yiuwi'nokai kuto ivito aikomgu avipolomokabopo tonyu mollu'bworosuno sumaiyokwe atousal sumo'nopogano. Toro te Eburamol atousal amollu'bworosoka tonyuda'ai puruv Melkisodekollu kwiyokaikono.
Hibruu 7:9 - Gooti Toolluro Yogalokwono9 Aki Livai iko tovasuda'ai pris tooro a'mwo abolo tonyuro kuto ivito atousal mollu'bworosodopure tonyuda'ai puvi me'no amallajuporogano. Toro kworo kuruv aiyoga Eburaiyamol kuto ivito atousal amollu'bworosoka tovida'ai puruv Melkisodekollu kwiyokaikono. Toro kwiyoka toga Eburaiyamol gami jukweyago Livai kwolluda'aiyo'mo kuruv Melkisodekollu me'no kwiyokaikono. အခန်းကိုကြည့်ပါ။ |
Hibruu 7:9
7 ပူးပေါင်းရင်းမြစ်များ
Su tov aro tovinokwono. Yiuwi'nokai a'mwo abolo Gooti toollu subusu'nyogalo kuudoganpi ton kuvinono ma'dupudogano. Aki a'mwo pwol Gooti toolluro ilaiyo winodowo'jure kuudo tollovaino a'mgono so'ji tool kuvinono yo'mgonoma'dowodekono. Aki a'mwo pwol kudo'aiko tovi iwago aromiyo'ji tov Gooti tool a'mwo su toollo'mo kudo'aiko tov kuvinono kuusubweyonekono.
Toruda'ai ma'no ma'nodo tov a'mwo yiuno pwolnodo toolluro amolloujulowosoka tovida'ai bolnodo tov sumo'nokakwono. A'mwo su toolluno yovo tov Adamolekono. Bolnodo tov me'no imo'nyuno sumaiyokwe yiuwi'nokai kwako akavida'ai a'mwo abolo tonollu aiyowomno so'movanekwopiyokakwono. Aki nevu yiuwi'nokai a'mwo abolo tonol ma'no ma'nodokwe imo'nodowado tovino tov mujobolmovla'mdowadonogano.
Nebalokwono. Su toro toga Livaiyol yere mimo'noduke kuvi kuruv gami jukweyago Eburaiyamolluro kulako nyawosunono tovino'gwowi me'no kwollajukekono. Toro te Eburaiyamol Melkisodekollu wuuru'maro'no kwiyoka toga gamoro jukweyago Livai kwol kuruv Melkisodekollu me'no wuuru'maro'no kwiyoka to'busuko sumo'nokakwono.
Kuudo neya jaullulo. Eburaiyamol Isuraiyolda'ai a'mwo abolo tonyuro kwikeyago aguto kwimo'nyajukekono. Toro tool kuto ivito avipolomokaboka tonyu atousal amollu'bworosoka tovida'ai puruv Melkisodekollu kwiyokaikono. Eburaiyamol a'mwo su toollu toro kwiyoka tov kwollu kwako tomuu'aro suwapiyajukekono. Melkisodekolno'gwowi Eburaiyamollu aguto kwimo'nyajukekono.
Livai iko tovasuda'ai pris tooro Isuraiyol a'mwo abolo tonyuro kuto ivito atousal mollu'bworosodopure tovida'ai puruv amallajuporogano. Su toro amallajupo tooro kwako akavida'ai kulakokwerogano. Toro tooro mujobolmelabodupudorogano. Toro kuvi kuruv Melkisodekolluno'gwowi, Me'no abolokaikono, tovino Gooti toolluro yogalo tovi miyokwollosungikokwono. Toro tovino tov Melkisodekolluno aro kuudo me'no youroma'dowadekono. Oo aiyo kuuno mujomwekovla'mdowodoldeyo.
ကြော်ငြာတွေ